Albisteak

Eusko Jaurlaritzaren erabakiek desberdintasun soziala eta langileen miseria areagotzen dute

2017/08/16

ELAren iritziz, ezin da onartu Eusko Jaurlaritzak ekonomia “ondo doala” dioen diskurtsoa behin eta berriz errepikatzea, hazkunde ekonomikoak dena konponduko duela sinestaraziaz. Sindikatuak Jaurlaritzari gogora arazi dio ekonomia hazten ari dela, baina desberdintasun sozialak areagotzen ari direlako eta langileen miseria hedatzen delako, batik bat kontratu berrietan.

Ez gaituzte isildu, ez gaituzte isilduko!

2017/08/11

Barne Sailak hasiera batean debekua jarri arren Bizkaiko Erresidentzietako langileek Miserikordia Erresidentziaren aurrean elkartu dira, zentro honek antolatutako ekitaldi publikoaren harira. Modu honetan, eta azken unean baimena jaso ostean, greban dauden langile hauek sektorean bizi duten lan-prekarietatea salatu dute.

Bizkaiko Erresidentzietako langileak, Mundakan

2017/08/09

Egiten ari diren sentsibilizazio kanpainaren baitan Bizkaiko Erresidentzietako langileak Mundakan izan dira euren egoera azaltzen. Langile hauek –greban, gutxienez, abuztuaren 31a bitartean– azpimarratu dute ez dutela etsiko euren lan-baldintzak duindu eta prekarietatearekin amaitu arte.

CEL Taldeko langileak kalera atera dira euren lanpostuen eta etorkizuneko industria-proiektu baten defentsan

2017/08/08

CEL Taldeko langileek kontzentrazioa egin dute Bizkaiko Foru Aldundiaren egoitzaren aurrean erakunde publikoen inplikazioa exijitzeko. Zuzendaritzak langile guztientzako Enplegu Erregulazio Espedientea (EEE) aurkeztu du, Dermo Products Development lantokiarentzat salbu –oraingoz ez dago erabaki honengatik eraginda–. Honek Enkarterrien eskualdean 230 lanpostu baina gehiago suntsitzeak suposatuko du.

Ez gaituzte isilduko, ez gara geldi geratuko!

2017/08/02

Bizkaiko Erresidentzietako langileek greban jarraitzen dute; deialdi berri hau, gutxienez, abuztuaren 31 bitartean zabalduko da. Greba deialdiarekin batera antolatutako mobilizazioen baitan gaur goizean ekintza ikusgarria egin dute Bilbon.

CEL taldeko langileek hiru lantoki itxi eta 230 pertsona kaleratzea helburu duen EEEa erretiratzea exijitzen dute

2017/08/01

CEL taldeko zuzendaritzak langile guztientzako Enplegu Erregulazio Espedientea aurkeztu du, Dermo Products Development lantokiarentzat salbu –oraingoz ez dago erabaki honengatik eraginda–. Honek Enkarterrien eskualdean 230 lanpostu baina gehiago suntsitzeak suposatuko du. Ordezkaritza sindikalak (10 ELA, 1 UGT, 1 LAB) enpresaren xantaia salatu eta mobilizazioak iragartzen ditu erakundeak inplikatzeko eta enplegua salbatzeko.

Plaza bakoitzeko prezioa mantentzeko erabakiak are eta zailagoa egiten du Bizkaiko Erresidentzietako gatazkaren konponbidea

2017/08/01

Bizkaiko Foru Aldundiak 2018. urterarte hitzarmen baldintza berrietan plaza bakoitzeko prezioa 81 eurotan mantentzea erabaki du. Honek greban dauden emakumeentzako atzerapauso berri bat suposatzen du Bizkaiko erresidentzietako gatazka laboral eta soziala konpontzek orduan. Erabaki hau –2015etik prezioa mantentzea suposatzen du– oso larria eta arduragabea da, gatazkaren konponbidea era oso argian oztopatzen duelako eta emakumeek bizi duten diskriminazioan sakontzen duelako.

Bizkaiko zahar-egoitzetako grebalariak Emakundeko Zuzendariaren bildu dira

2017/07/27

Bizkaiko zahar-egoitzetako grebalarien ordezkariek eta ELA sindikatukoek bilera egin zuten atzo goizean Emakundeko zuzendaria, Izaskun Landaiarekin, Bilera hiru orduz baino gehiagoz luzatu zen. Bilera horretan gatazka lan-arlotik harantzago doala, gizarte-arloko eta emakumeen gatazka dela azpimarratu zuten grebalariek. Grebak 231 egun bete ditu.

Kontratazio berrien eta azpikontratazioaren arloan aurrepausuak lortu dira CAF lantegian

2017/07/26

Hitzarmenari begira ezarri zirenn helburuak bete egin direla neurri handi batean adierazi du ELAk. Kontratazio berriek eta azpikontratazioaren arloan lortutako aurrerapausoek sendotu egiten dituzte kalitateko zuzeneko enplegua lortzeko neurriak, areago CAFk eskaera-zorro handia duela, eta zuzendaritzaren enplegu-politika kontratazio berriak ez egitera eta ahal zen guztia kanpora ateratzera bideratuta zegoela kontuan hartuta.

Eusko Jaurlaritzak, Aldundiek eta EAJ-k Rajoyrekin iritsitako akordioek doikuntza politikari eusten diote eta autogobernuaren aurkako erasoa dira

2017/07/26

Gastu-arauak esan nahi du euskal erakundeek ezin izango dutela gastua gehitu, ez eta diru-sarrera nahikoak badituzte ere. Gauza bera gertatuko litzateke ondorengo urteetan salatu du ELAk. Espero baino sarrera handiagoak izanez gero, zor publikoaren ordain aurreratura bideratu beharko lirateke; honek inbertsio soziala haztea galaraziko luke. ELAk indar politiko progresistei eskatzen die akordio hau arbuia dezatela. Politika honi oposizio politiko eta soziala egitea ezinbestekoa dela deritzo.