Albisteak

Abiadura Handiko Trenerako dirurik ez jartzea eskatu die ELAk erakunde publikoei

2017/06/26

Mikel Noval, politika sozialeko eta ingurugiroko arduraduna izan da gaur Euskal Herriko Unibertsitateak (UPV-EHU) antolatutako Udako Ikastaroetan. Bere agerraldian, Ekopol elkarteak unibertsitate honetako ekologia politikako adituen laguntzaz osatutako txostena ekarri du gogora, Abiadura Handiko Trenak errentarritasun ekonomiko eta sozialik ekarriko ez duela azpimarratuz. Horri gehitu dio egitasmo honek ez diola batere onik egingo ingurumenari.

Menu berriak dastatuz... aniztasunaz goza dezagun!

2017/06/26
Jone Bengoetxea - ELAko Genero Politikako Saila

Emakumea edo gizona. Zuria edo beltza. Heterosexuala edo homosexuala. Aberatsa edo txiroa. Gaixoa edo osasuntsua. Atzerritarra edo bertokoa. Zaharra edo gaztea. Pribilegioduna edo baztertua... Menu itxi bat ematen duen zerrenda dikotomiko honekin jolastuz jarraitu genezake, bi aukera besterik eskaintzen ez duen menu zurruna etengabe elikatuz.

Bizkaiko zahar egoitzetako greba uztailaren 31 arte luzatuko da

2017/06/26

Bizkaiko zahar-egoitzetako ELAko ordezkariek greba luzatzea erabaki dute, zehazki, uztailaren 8tik 31 arte luzatuko dute. Dagoeneko, 200 greba-egun baino gehiago egin dituzte. Sektoreko hiru patronalek (GESCA, ELBE eta LARES) sektore-hitzarmenaren negoziazioa blokeatzen jarraitu dute, 5.000 langile baino gehiagori eragiten dion hitzarmenaren negoziazioa, hain zuzen ere.

Osakidetzak aurkeztutako EPEak tenporalitatea %35etik gora mantenduko du

2017/06/23

Osakidetzak 3000 lanpostutako EPEa aurkeztu du gaurko Mahai Sektorialean, 2010etik lehen aldiz tenporalitatea murriztuko du, baina tenporalitatea %8tik behera jaisteko beharrezko ziren 10.000 lanpostuetatik urrun egongo da. Bestetik, Osakidetzak zerbitzu berriak ez pribatizatzeko konpromisoa berriz ere urratuko duela berretsi du.

Bizkaiko erresidentzietako langileek borrokan jarraitzen dute

2017/06/23

Mobilizazio eta aldarrikapenetan murgilduta jarraitzen dute Bizkaiko zahar-egoitzeko langileek. Borrokan tinko mantentzen direla irudikatu dute Bilbon. Moyua Plazatik hasi eta Misericordia zahar-egoitzara abiatu dira langile grebalariak. Gogoratu, uztailaren 7 arte luzatuko dela greba.

CEL Taldeko ia 300 lanpostu kolokan

2017/06/23

ELAk bideragarritasun-planik ez izatea salatzen du, eta herri-erakundeei esku-hartzea eskatzen die, kolokan dauden 300 lanpostuei eusteko moduko konponbidea bilatzeko. Gaur Eusko Legebiltzarraren atarian elkarretaratu dira langileak: izan ere, Eusko Jaurlaritzak bere jarrera argitzea eskatuko zaio bilkuran.

Lan istripu hilgarria salatzeko elkarretaratzea

2017/06/23

ELA, LAB, ESK, SEILAS, HIRU eta EHNE sindikatuek elkarretaratzea deitu dute Bilboko Eusko Jaurlaritzaren egoitzaren aurrean aste honetan Mundakako itsasadarreko ezkerraldean kolektorea egiteko lanetan izandako istripu hilgarria salatzeko. Istripu honetan 45 urteko langilea hil zen bero handiak sortutako ondoezaren eraginez.

Bizkaiko zahar-egoitzetako grebalariek Emakunderi eskatu diote egoitzetako gatazka sozio-laboralean esku har dezala

2017/06/22

Bizkaiko erresidentzietako langileek elkarretaratzea egin dute Emakunderen egoitza nagusiaren aurrean, Gasteizen, prekarietatea nagusi duen gatazka honetan esku hartu dezan eskatzeko. 200 greba-egun baino gehiago bete dituztenean, langileek elkarretaratzea egin dute Emakunderen egoitza nagusiaren aurrean, eta gutun bat eman diote Emakundeko zuzendari Izaskun Landaidari. Horren bidez erakunde autonomoak Bizkaiko zahar-egoitzetako gatazkan esku hartzea eskatu diote.

Jaurlaritzaren murrizketek emakumeak bereziki kaltetzen dituela salatu du Mugimendu Feministak

2017/06/22

Jaurlaritzaren murrizketen ondorioz emakumeak kaltetuenak direla salatu du Mugimendu Feministak. Murrizketak. Murrizketak eta murrizketak. Hori da Eusko Jaurlaritzak, EAEn, pobrezia egoeran aurkitzen diren 69.000 pertsonentzako pentsatu duen irtenbidea. Murrizketak eta pobrezia gehiago. Maiatzaren 31n Araba, Bizkaia eta Gipuzkoako Enplegu eta Politika Sozialetako Departamenduak prestazio sozialerako sisteman egin zuen erreformaren neurriak iragarri zituen. Neurriok, orain arteko ildoari jarraituz, prestazioak jasotzeko baldintzen gogortzea ekarriko dute.

ELAk eta LABek estatus politiko berri bat aldarrikatu dute Eusko Legebiltzarrean

2017/06/21

ELA eta LAB sindikatuok agerraldia egin dugu Eusko Legebiltzarrean eratutako Autogobernu Batzordean. Bi sindikatuok estatus politiko berri bat aldarrikatzen dugu, ahalmen legegile osoarekin eremu soziolaboral eta sozioekonomikoan. ELAren aldetik, Idazkari Nagusia Adolfo Muñoz "Txiki" eta komunikazio arduradun Ivan Gimenez izan dira bertan.

ELA eta LABek Euskal Herrian fracking-aren aurka abian jarritako dinamikaren lorpen eta irakaspenak aztertu dituzte gaur Bruselan

2017/06/21

ELA eta LAB sindikatuek Euskal Herrian fracking-aren aurka abian jarritako dinamikaren lorpen eta irakaspenak aztertu dituzte Bruselan. Alter Summit Alternatiben Gailurrak antolatutako ekimenean, langile mugimenduaren eta klima aldaketaren aurkako mugimenduaren aliantzak izan dituzte hizpide, azpiegitura fosilen aurka eta lan duinaren alde elkarlanean gidatutako borroka ezagutzera emateko asmoz.

Greba eraikuntza alorreko Zamagain enpresan

2017/06/20

Eraikuntza alorreko "Estructuras Zamagain" enpresako 16 langile greban daude ekainaren 12tik. Grebalariek jaso gabeko soldatak ordaintzea eskatzen diote enpresako zuzendaritzari. Kontua da "Estructuras Zamagain" apiriletik dagoela hartzekodunen aurrelehiaketan sartuta eta soldatak zor zaizkiela langileei.

Osakidetzak aldi baterako langileak ikusezin egiten ditu

2017/06/20

ELAk antolatutako kontzentrazioan mamuz jantzitako langileek hartu dute parte, Gurutzeta Ospitalean albi baterako lan-kontratuak salatzeko egin den elkarretaratzean. Osakidetzak ez du behin-behinekotasuna murrizteko planik aurkeztu Mahai Sektorialean eta ELAk aldaketa estruktural bat aldarrikatu dio.