Hezkuntzaren merkantilizazioa, murrizketa politikak eta alternatiben inguruko jardunaldia

2017/05/04
Datorren ostiralean, maiatzaren 5ean, ELA sindikatuak Manu Robles-Arangiz Institutua Fundazioarekin batera “Hezkuntza IBEX-35” jardunaldia antolatu du. Jardunaldiek hezkuntza sistema kapitalismo neoliberalaren mesedetara jartzeko estrategiak, murrizketa politikak eta alternatiben eraikuntza landuko dituzte.

 

Pilar Carrera eta Eduardo Luque, irakasle eta “Nos quieren más tontos. La escuela según la economía neoliberal” liburuaren egileak eta Aitor Etxarte, irakasle eta Nafarroako Eskola Kontseiluaren lehendakariak, sindikatuko irakaskuntzako kideekin batera, hezkuntza sistema kapitalismo neoliberalaren mesedetara jartzeko estrategien inguruan, murrizketa politiken eta alternatibak eraikitzearen inguruan hausnartuko dute.

 

Lekua: Deustuko Unibertsitatearen Mendeurreneko Auditoriuma, Bilbo.

Egitaraua:

  • 10:00-11:30 Hezkuntzaren merkantilizazio estrategiak. Pilar Carrera, Eduardo Luque

  • 11:30-12:15 Eusko Jaurlaritza eta Nafarroako Gobernuen murrizketa politikak. ELA irakaskuntza

  • 12:15-12:45 Atsedena.

  • 12:45-14:00 Hezkuntza garapen pertsonal eta sozial integralerako tresna. Aitor Etxarte Berezibar.