Albisteak

Aldi baterako kontratuen erdia gehienez 30 egunekoa da

2017/07/04

167.207 pertsona daude langabezian Hego Euskal Herrian eta %63,3ak ez du inolako prestaziorik jasotzen. Egoera kezkagarria da Hego Euskal Herrian, langabeziak maila altuan segitzen duen bitartean langabeen gehiengoa inolako babesik gabe baitago eta egiten diren kontratuak oso prekarioak baitira.

Mikel Noval (ELAko Gizarte Politikako arduraduna): «Neoliberalismoa lokala, planteamendu globala» aplikatzen ari da esparru guztietan

2017/07/04

Mikel Noval ELA sindikatuko Gizarte Politikako, Azterketa Bulegoko eta Ingurumeneko arduraduna elkarrizketatu du Uriola.eus atariak. Argi azaldu du Novalek, arlo sozialean eman behar diren aldaketak eman daitezen ezinbestekoa dela zergetan eta diru bilketan aldaketa bat gertatzea. Bere esanetan, ez badago dirurik, ezin da osasunean, hezkuntzan eta gizarte zerbitzuetan inbertitu, eta ezinbestekoa eta oinarrizkoa da hori. Bestelako gaiak ere izan ditu hizpide, besteak beste, Abiadura Handiko Trena. Bere hitzetan, "AHTa egiteko 10.000 milioi euro bideratzea ez da lehentasun bat".

Abiadura Handiko Trenerako dirurik ez jartzea eskatu die ELAk erakunde publikoei

2017/06/26

Mikel Noval, politika sozialeko eta ingurugiroko arduraduna izan da gaur Euskal Herriko Unibertsitateak (UPV-EHU) antolatutako Udako Ikastaroetan. Bere agerraldian, Ekopol elkarteak unibertsitate honetako ekologia politikako adituen laguntzaz osatutako txostena ekarri du gogora, Abiadura Handiko Trenak errentarritasun ekonomiko eta sozialik ekarriko ez duela azpimarratuz. Horri gehitu dio egitasmo honek ez diola batere onik egingo ingurumenari.

ELA eta LABek Euskal Herrian fracking-aren aurka abian jarritako dinamikaren lorpen eta irakaspenak aztertu dituzte gaur Bruselan

2017/06/21

ELA eta LAB sindikatuek Euskal Herrian fracking-aren aurka abian jarritako dinamikaren lorpen eta irakaspenak aztertu dituzte Bruselan. Alter Summit Alternatiben Gailurrak antolatutako ekimenean, langile mugimenduaren eta klima aldaketaren aurkako mugimenduaren aliantzak izan dituzte hizpide, azpiegitura fosilen aurka eta lan duinaren alde elkarlanean gidatutako borroka ezagutzera emateko asmoz.

Prekarietatea hedatzen doa, murrizketen eraginez langabeen egoera okertzen ari den bitartean

2017/06/02

Hego Euskal Herrian egiten diren kontratu ia guztiak aldi-baterakoak dira, herena baino gehiago lanaldi partzialekoak direlarik. Gainera, langabeziak maila jasangaitzean segitzen du eta langabeen gehienek ez dute inolako prestaziorik jasotzen. Zehazki, oraindik ere 171.009 pertsona daude langabezian izena emanda Hego Euskal Herrian 2017ko maiatzean. Horietatik 96.015 emakumeak dira eta 11.666 gazteak.

Bestelako eredu fiskal baten aldeko giza-katea

2017/06/01

Euskal Herriko Eskubide Sozialen Kartak deituta ekainaren 8an giza-katea egingo da Bilbon, ‘Jarri fiskalitatea bizitzaren zerbitzura, ez kapitalarenera’ leloan. Ekintza 11:00tan hasiko da Eusko Jaurlaritzak Bilbon duen egoitzaren aurrean, eta Confebask patronalaren egoitzaren parean geldialdia egin ostean Foru Aldundian amaituko da.

EAEko etxebizitzen alokairuak garestitzen dabiltza

2017/04/21

EAEko BPG historiako handiena izan da 2016an eta, biztanleriaren egoera historiako hoberena izatetik urrun badago ere, etxebizitzaren merkatua garestitzen ari da. Horrela, alokairuak garestitzen dabiltza hirugarren urtez jarraian eta historiako bostgarren datu altuenean daude.

Bost urtean 1.582 milioi euro galdu dira Hegoaldeko soldatetan

2017/04/10

Soldatek aberastasunean duten pisua era nabarmenean murriztu da. Azken bost urtetan langileriek guztira 1.582 milioi euro gutxiago eraman dituzte poltsikora Hego Euskal Herrian. Egoera honen aurrean, soldaten eros-ahalmena handitu beharra dagoela azpimarratu du ELAk.

Eusko Jaurlaritzaren aurrekontuek murrizketa sozialak biltzen dituzte

2017/03/06

ELAren iritziz Eusko Jaurlaritzaren 2017ko aurrekontuak ez dira batera aurrerakoiak eta "gizartearen gehiengoak pairatzen dituen murrizketak" biltzen ditu. ELAk Urkulluren gobernuak 2017rako aurkeztu berri duen aurrekontuen inguruko txostena aurkeztu du Bilbon. Bertan jasotzen denez, "diru-sarrerek guztiz baldintzatzen dute aurrekontua". Ildo beretik, aurreikusi zena baino 547 milio euro gutxiago jasoko dira.

Nafarroak 2016an 2007an baino 377 milioi euro gutxiago bildu ditu Sozietateen gaineko Zerga bidez

2017/02/21

Lehenik eta behin, azken erreforma fiskalak Nafarroako Gobernuak aurreikusitako eragina ez duela izan esan behar da, 2016an aurreikusitakoak baino 57 milioi euro gutxiago bildu baitira. Zentzu honetan, ELAk salatu zuen erreforma honek ez zuela inongo aldaketa sakonik ekarriko ez diru-bilketan ezta fiskalitatearen egituran ere, eta fiskalitatea lan-errentetan oinarritzen jarraituko zela, kapitalaren eta enpresen mesedetan.

Patronala gezurretan dabil zergarik ez ordaintzeko

2017/02/15

ELAk Confebaski leporatu dio zergarik ez ordaintzearren "beti gezurretan ibiltzea". Ildo beretik, Hego Euskal Herriko sozietateen gaineko zergaren presio fiskala Europako bataz bestekoaren azpitik dagoela gogorarazi du ELAk. Zerga honi dagokionez, Europaren parera iristeko urtean 900 milioi euro gehiago bildu beharko lirateke. ELAk nabarmendu duenez, kutxa publikoetan sartzen den diruari erreparatzen badiogu, kapital-errenten eta enpresen etekinen ekarpena %10ekoa baino ez da.

Aberastasunaren banaketa bidegabea salatu du ELAk Egoeraren Azterketaren azken alean

2016/11/21

ELAren aburuz egungo enplegua era kezkagarrian ari da prekarizatzen. Gaur egun egiten ari diren kontratuen %93,5 aldi-baterakoak dira. Bestalde, azken bost urteotan, aberastasunaren banaketak nabarmen egin du langileriaren aurka: langile klasearen errentetara bideratzen den BPGaren (Barne Produktu Gordina) zatiak beherakada nabarmena izan baitu. 2010ean aberastasunaren %49,2 bideratu bazen EAEn, 2015ean %46,2 izan zen; Nafarroan, %50,1 bideratu zen 2010ean eta 2014an, aldiz, %47,3.

Soldata minimoa igotzeko arrazoiak soberan daude

2016/11/03

Egun dagoen soldata minimoa oso murritza da, pobrezia mailaren azpitik kokatzen delarik Hego Euskal Herrian. Ez da bidezkoa biztanleria eta langileria txirotzen dituen politika neoliberalak ezartzea.

Nafarroako Bermatutako Errenta berriak hartzaile unitateen erdira murriztuko ditu prestazioak

2016/10/20

Lege berriak hobekuntza ekarriko du kide gehiago dituen familientzat, hala ere 5 milloieuro gehiagoko gastuarekin handituko balitz partida, ez litzateke beharrezkoa izangomurrizketarik egitea prestazio honetan. ELAk salatu duenez Nafarroako biztanleriaren % 14,5a pobrezia harrisku eta gizarte bazterkeria egoeran dago. 2008-az geroztik hau % 68,6an handitu da eta langabezian dauden pertsonen % 52,

Industria eta industria politika kinka larrian

2016/07/11

Egoeraren Azterketaren uztaileko alea plazaratu du ELAk. Bertan, Euskal Herriko enpleguaren eta langabeziaren egoera aztertzen da, batik bat. Horrez gain, Eusko Jaurlaritzak gaur egun burutzen duen duen politika industriari buruzko gogoeta jasotzen da.

Enplegu-zerbitzu publikoak eta prestazio sozialak indartzearen alde agertu da ELA

2016/06/15

ELAk enplegu-politika eta Lanbideren esku dauden gizarte-prestazioen inguruko txostena aurkeztu du. Sindikatuaren aburuz Lanbideri giza-bitarteko gehiago eta egonkortasun handiagoa eman behar zaizkio, prestazio ekonomikoak jasotzen dituen jendeari behar bezalako arreta emateko eta orientazio zein bitartekaritza lana banan-bana garatzeko.

Ezinezkoa da aldaketa soziala aurrera eramatea fiskalitatea aldatu gabe

2016/04/11

ELAk Euskal Herriko fiskalitateari buruzko txostena aurkeztu du gaur Bilbon. ELAren esanetan Euskal Herriko hazienden eredua aberatsek gutxiago ordaintzeko egin da, eta Hego Euskal Herriko presio fiskala Europako batez bestekoa adinakoa izan balitz, 7.579 milioi euro gehiago lortuko ziratekeen.

Langabeziagatiko prestazioen murrizketa

2016/03/22

Langabeziagatiko prestazioak murrizten ari dira, 2012 eta 2015 artean 632 milioi euro gutxiago bideratu direlarik. Honek zuzenean eragiten du hartzaile kopurua eta batez besteko kopurua jeistea.

200.000 langabe Hego Euskal Herrian

2016/02/02

Langabeziak gora egin eta berriro 200.000 lagun kolpatzen ditu Hego Euskal Herrian; tenporalitateak gora egin du ere, sinaturiko kontratuen %92,7 behin-behinekoak direlarik. Aldiz, langabeziagatiko prestazioak murriztuz doaz, eta langabeen %59,3k ez du inolako babesik jasotzen.

Soldaten galera eta aberastasunaren banaketaren inguruko eztabaida kaleratzea ezinbestekoa da

2015/09/17

ELAren esanetan hazkunde ekonomikoak ez du enplegurik sortzen, eta "gure gizartean ezberdintasunak areagotzen ari dira". Sindikatuaren helburua da desberdintasunaren hazkundea eztabaida politiko eta sozialaren erdigunean kokatzea. Bestalde, langabeziaren jaitsiera, batez ere biztanleria aktiboa murriztu delako gertatu da, eta egungo enplegua era kezkagarrian ari da prekarizatzen.

Etxebizitza izateko eskubidea lege berriarekin oso mugatuta geratzen da

2015/07/28

ELAren ustez Eusko Lagebiltzarrak onartutako legeak ez ditu etxebizitzaren inguruko egungo arazoak konponduko. Eskubidea ez aitortzeaz gainera, testua motz edo garatzeke geratzen da atal garrantzitsu batzuetan. Sindikatuaren arabera Etxebizitza Legeak eskubideak bermatu behar lituzke eta egungo egoera errotik aldatzeko aukera eman behar luke.