Gipuzkoako merkataritzako langileak beren hitzarmenen alde mobilizatu dira gaur
Gaur, “Amaren eguna” dela eta, ama eta langile direla aldarrikatu dute Gipuzkoako merkataritzako langileek Donostian, dituzten lan baldintzak duintzeko eskatzearekin batera.
Merkataritzako langileak Donostiako prekarietate-gune batzuetatik igaro dira: eskala bikoitzak dituzten dendetatik, Ehunkien Hitzarmena aplikatu beharrean Merkataritza Orokorraren Hitzarmena aplikatzen duten dendetatik, jai-egunetan irekitzen diren dendetatik... Ekitaldiaren bukaeran elkarretaratze bat egin dute Boulevardean, Donostiako Udaleko azken gobernu-taldeak turismo-gunea zabaltzeko hartu duen erabakia salatzeko, barruti horretan ireki ahal izango baita igande eta jai-egunetan.