Albisteak

Bizkaiko zahar egoitzetako greba uztailaren 31 arte luzatuko da

2017/06/26

Bizkaiko zahar-egoitzetako ELAko ordezkariek greba luzatzea erabaki dute, zehazki, uztailaren 8tik 31 arte luzatuko dute. Dagoeneko, 200 greba-egun baino gehiago egin dituzte. Sektoreko hiru patronalek (GESCA, ELBE eta LARES) sektore-hitzarmenaren negoziazioa blokeatzen jarraitu dute, 5.000 langile baino gehiagori eragiten dion hitzarmenaren negoziazioa, hain zuzen ere.

Bizkaiko erresidentzietako langileek borrokan jarraitzen dute

2017/06/23

Mobilizazio eta aldarrikapenetan murgilduta jarraitzen dute Bizkaiko zahar-egoitzeko langileek. Borrokan tinko mantentzen direla irudikatu dute Bilbon. Moyua Plazatik hasi eta Misericordia zahar-egoitzara abiatu dira langile grebalariak. Gogoratu, uztailaren 7 arte luzatuko dela greba.

Lan istripu hilgarria salatzeko elkarretaratzea

2017/06/23

ELA, LAB, ESK, SEILAS, HIRU eta EHNE sindikatuek elkarretaratzea deitu dute Bilboko Eusko Jaurlaritzaren egoitzaren aurrean aste honetan Mundakako itsasadarreko ezkerraldean kolektorea egiteko lanetan izandako istripu hilgarria salatzeko. Istripu honetan 45 urteko langilea hil zen bero handiak sortutako ondoezaren eraginez.

Bizkaiko zahar-egoitzetako grebalariek Emakunderi eskatu diote egoitzetako gatazka sozio-laboralean esku har dezala

2017/06/22

Bizkaiko erresidentzietako langileek elkarretaratzea egin dute Emakunderen egoitza nagusiaren aurrean, Gasteizen, prekarietatea nagusi duen gatazka honetan esku hartu dezan eskatzeko. 200 greba-egun baino gehiago bete dituztenean, langileek elkarretaratzea egin dute Emakunderen egoitza nagusiaren aurrean, eta gutun bat eman diote Emakundeko zuzendari Izaskun Landaidari. Horren bidez erakunde autonomoak Bizkaiko zahar-egoitzetako gatazkan esku hartzea eskatu diote.

Osakidetzak aldi baterako langileak ikusezin egiten ditu

2017/06/20

ELAk antolatutako kontzentrazioan mamuz jantzitako langileek hartu dute parte, Gurutzeta Ospitalean albi baterako lan-kontratuak salatzeko egin den elkarretaratzean. Osakidetzak ez du behin-behinekotasuna murrizteko planik aurkeztu Mahai Sektorialean eta ELAk aldaketa estruktural bat aldarrikatu dio.

Bizkaiko Foru Aldundiak "Base Gorria" pribatizatu nahi du

2017/06/14

Elena Unzueta, Aldundiko bozeramaleak zuzentzen duen Jasangarritasun sailak, emergentzia zentrua pribatizatzeko erabakia hartu du, Foru Aldundiko lan hitzarmenak esaten duena, beste behin ere aldebakarrekoz betetzeari utziz. Base Gorria, Jasangarritasun departamentuko unitate bat da eta orain 25 urte baino gehiagotik, batez ere, foru departamentuko komunikazio sistema koordinazio lanak egiten ditu. Emergentzietarako reten propio bat daukate eta base honetara iristen diren emergentzietan lan egiten dute, batez ere landa guneko suteetan. Base Gorriako langileak operatibo egon behar dira, sute arrisku altuak daudelako edo larrialdi deiak egoten direlako.

Batzuetan ni ez naiz nire iritziko

2017/06/12
Bernardo Atxaga

Bernardo Atxaga Bizkaiko erresidentzietako emakumeen kanpaldian egon zen asteburuan. Hurrengo astelehenean, berriz, Euskadi Irratiko Faktoria irratsaioko kolaborazioan mintzagai izan zuen #erresidentziakborrokan.

Martxan da Arriagan Bizkaiko zahar-egoitzetako langile grebalarien kanpaldia

2017/06/09

Bizkaiko zahar-etxeetako langile grebalarion kanpaldia hasi da. Hiru egunetan egongo gara bertan, gizarte-zerbitzu duinetan lan duina eskatzeko. Bizkaiko zahar-egoitzetako langile grebalariok gure gatazka gizarteratzeko beste ekimen bat hasi dugu: informazia emateko karpa bat instalatu dugu Arriaga plazan, ekainaren 11 arte bertan izango dena.

Bizkaiko zahar egoitzetako greba uztailaren 7ra arte luzatuko da

2017/06/06

Bizkaiko zahar-egoitzetako ELA-ordezkariek, gaur egindako batzarrean, greba luzatzea erabaki dute, eta horrela 200 greba-egun baino gehiago batuko dira. Sektore-hitzarmenaren negoziazioan dagoen blokeoa ikusita, ekainaren 19an amaitzekoa zen greba-deialdiari jarraipena ematea erabaki dute, eta uztailaren 7ra arte, gutxienez, luzatuko da, lehenago ez bada sinatzen lan-baldintzak arautzen eta hobetzen dituen hitzarmen bat.

Gasteizko Udaleko langileek itxialdi/kanpaldia burutuko dute ekainaren 5tik aurrera

2017/06/06

Gasteizko Udaleko langileek kalitatezko udal zerbitzu publikoen defentsan mobilizatuko dira. Ekainak 5an Gasetizko Udaleko langileak kalitatezko zerbitzu publiko eta lan baldintza duin batzuen defentsan itxialdi/kanpaldi bat hasi dute. EAJk, LEP orokor bat aurkeztea eta eros ahalmenaren %5a berreskuratzea ordezkaritza sindikalarekin adostu eta urte bat baino gehiago negoziatzen egon ondores, zaborrera bota zituen akordio hoiek.

Bizkaiko zahar-egoitzak, denon borroka

2017/06/05

Ekainaren 9, 10 eta 11n kanpaldia egingo dute Bizkaiko zahar-etxeetako emakume grelariek, euren borroka eta oinarrizko eskaerak sozializatzeko asmoz. Izan ere, argi daukate langileek, euren borroka gizarte osoaren borroka ere badela, zaintza-lanaren katearen alde batean edo bestean aurkituko garelako momentu batean denok, ezinbestean. Izan ere, zaintza erdigunean jartzeko beharraz hausnartzean aurrez aurre egiten dugu topo gatazka prekarizatu eta feminizatu honekin. Hori dela eta, kanpaldia egingo dute asteburuan Bilbon. Jarraian, grebalariek idatzitako gutuna duzue:

Osakidetzak negoziatzeari uko egin dio

2017/06/05

Osakidetzak %43ko behin-behinekotasun tasa du; 35.000 langiletik 20.000 besterik ez dute lanpostu finkoa. Azken urteetan Osakidetzak estatuko legedia erabili du behin-behineko enpleguaren kontsolidazioari aurre ez egiteko, ELAk behin eta berriz eskatu arren. EAJk Estatuto Aurrekontu Orokorretan administrazioetako behin-behinekotasuna %8ra jaisteko aukera adostu du, baina Osakidetzak gaurko Mahai Sektorialean %43an mantentzea eskaini du.

Akordioa Bilboko Miravilla zahar-egoitzan

2017/06/05

Hitzarmenaren aurre-akordioan jasotako onurak: 35 orduko lanaldia, 180 euroko soldata-igoera, asteburuetako plusak hobetzea, eta lan-istripu eta gaixotasunen bajetan %100. Horren bidez greba amaitu da egoitza horretan.

ELAk ez du parte hartu Osakidetzako berdintasun mahaian

2017/06/01

ELAk uko egin dio Osakidetzak emakumeen diskriminazio egoerak hobetzeko borondatea duenaren itxurak egiteari. ELAk, negoziazio honetan parte hartzeko, Osakidetzak haurdun dauden eta umea izan berri duten emakumeak kontratatzeko baldintza jarri zuen, eta zuzendaritzak ez du inolako urratsik eman.

Itunpeko Hezkuntzako ordezkarien elkarretaratzea negoziazioa eskatzeko

2017/06/01

ELAren ustez, EAEko Itunpeko Hezkuntzan mobilizazioetarako unea iritsi da. Sindikatuaren ustez patronalek ez dute inolako borondaterik akordioetara iristeko. Izan ere, 32 hitzarmenaren negoziazio mahairen ostean, ELAk plazaraturiko oinarrizko inolako aldarrikapenik ez du kontuan izan. Egoera salatzeko Itunpeko Hezkuntzako delegatu eta langileen elkarretaratzea egin dute Bilboko Jesuieten ikastetxearen aurrean.

Akordioa Artxandako tuneletan

2017/05/31

ELA eta LAB sindikatuak Artxandako tuneletako langileen lan-hitzarmena berrizteko akordio batera iritsi dira. Akordio hau, 13 lanuzte egun egin ondoren gertatu da eta beste lanuzte batzuk hasi aurretik.

Bizkaiko Etxez-Etxeko Laguntzako Zerbitzuaren sektoreko patronalak ez du negoziatu nahi

2017/05/29

Etxez-etxeko Laguntza Zerbitzua, gure Gizarte-Zerbitzu-Sistemarako oinarrizko zutabea den hau, emakume aurpegia du. Pertsona nagusi eta dependienteei zaindu egiten dituzten langileen %99-a, emakumeak dira. Pasadan azarotik dabiltza Etxez-Etxeko Laguntzaren Zerbitzuaren sektoreko negoziaketa mahaia bildu barik, jada 6 hilabete baino gehiago pasatu dira.

ELAk Osakidetzako lekualdatzerik eza salatu du

2017/05/26

Osakidetzak lekualdatze eskaintza geldiarazi du, erabat eznahikoa dena kopuruari begira, baina milaka langilerentzat bere bizilekutik hurbil lan egiteko aukera bakarra lekualdatze lehiaketa hori da. ELAren ustez lekualdatze eskaintza masibo bat egin beharko litzateke, baina, bien bitartean, egungo lekualdatzea exekutatu egin behar da eta, ahal den neurrian, langileei eragiten ari zaien kaltea txikitu.

#erresidentziakborrokan Bilboko Udalaren debekuaren aurrean

2017/05/25

ELA sindikatuak demanda bat aurkeztuko du Bilboko Udalaren aurka, biltzeko eta manifestatzeko eskubidea urratzeagatik. Langile grebalariek elkarretaratzea egin dute Bilboko Udalaren aurrean, azken horrek Arriaga plazan gatazkaren inguruko informazioa emateko karpa bat jartzea galarazi duela salatzeko.

Eusko Jaurlaritza legez behartuta egongo da 2010ean legez kontra aplikatutako soldata berrezartzera

2017/05/23

ELAk bultzatutako mobilizazioak eta 1.600 langile baino gehiagori eragiten dioten dozena bat sententzia baino gehiagok Eusko Jaurlaritza behartu dute 2010ean legez kontra aplikatutako soldata berrezartzera. Beste behin ere, Eusko Jaurlaritzak hartutako erabakia hanka motz geratzen da ordea, legez kontrakoa izan zen erabakia erabat atzera botatzeko ezinbestekoa bailitzateke ez bakarrik 2015etik soldatak berrezartzea baizik eta 2010etik murriztutako soldatak itzultzea

Milaka langile, ikasle, familia eta herritar irten dira kalera egungo hezkuntza publikoaren egoera salatzera eta bestelako hezkuntza politika aldarrikatzera

2017/05/20

Hezkuntza komunitatea osatzen dugun milaka pertsonek argi adierazi diogu gaur Eusko Jaurlaritzari hankak lurrean ditugula eta gure aldarrikapenak erabat errealistak izateak gain erabateko zilegitasun eta babesa dutela. Egoera honi heldu eta irtenbidea ematea lehentasun kontua eta erabaki politikoa da. Horregatik langile, ikasle, familia eta herritarron aldarrikapenak aintzakotzat hartu, hezkuntza lehentasun bihurtu eta bide honetan pausoak ematen hastea eskatzen diogu Eusko Jaurlaritzari.

San Joseko langileek kontzentrazioa egin dute ANADPen aurrean agentziari exijitzeko behar besteko baliabideak balia ditzan

2017/05/19

San Joseko langileek kontzentrazioa egin dute gaur ANADPen aurrean agentziari exijitzeko behar besteko baliabideak balia ditzan. Izan ere, pertsonen Autonomiarako eta Garapenerako Nafarroako Agentzia sartzen ari den erabiltzaile-profilak zeharo bestelakoak dira, zentroan erabili ohi direnen aldean. San Jose zentroak ez ditu giza bitartekorik, ezta baliabide materialik ere, profil berri horri behar bezalako arreta emateko.

Bizkaiko erresidentzietako langileek kanpaldia egingo dute Bilboko Arenalean

2017/05/22

Greban dauden zahar-egoitzetako langileak beraien protesta Bilboko Areatzara eramango dute. Bertan, akanpada bat egingo dute, maiatzaren 26tik 28a bitartean (ostiraletik igandera). Egoitzetako greba hasi zenetik 15 hilabete baino gehiago igaro dira eta lan eta giza gatazka hau sozializatu eta gizartearen atsekimendua lortu asmoz, akanpadan hainbat ekitaldi izango dira .

ELAk egonkortasuna exijitzen du EAEko Administrazio Orokorreko langileentzat

2017/05/17

EAEko Administrazio Orokorreko langileen eskubideen aldeko kotxe karabana egin dute gaur ELAko ordezkariek. EAEko Administrazio orokorreko ELAko ordezkariek kotxe karabana bat gauzatu dute gaur Bilboko kaleetatik, Eusko Jaurlaritzak Administrazio honetako langileei ematen dien tratu txarra salatzeko eta Eusko Jaurlaritzari Lan hitzarmenak betez murrizketa guztiak atzera botatzea eta enpleguari buruzko negoziazio prozesu baten hasiera exijitzeko.