Albisteak

Akordioa Trapagako zahar-etxean

2017/07/21

Akordioak onura ugari suposatuko dizkie langileei; akordioak berriro ere erakusten du zuzendaritza batzuk ez daudela ados patronalaren estrategiarekin.

Caser zigortu dute zahar-etxeetan greba eskubidea urratzeagatik

2017/07/13

Artxandako Caser egoitza Bizkaiko zahar-etxerik handienetakoa da; oheen %75tik gora Aldundiak finantzatzen ditu. Artxandan grebaren jarraipena erabatekoa da. Caserren zuzendaritzak erabaki zuen grebalariek osatu beharko zituztela bajak, lizentziak, baimenak, etab. Helburua zen lantoki honetan greban zegoen beharginik ez geratzea. Horregatik, ELAk auzitara jo zuen, eta Bilboko Lan Arloko 6. Auzitegiak demandaren aldeko epaia eman du.

Bizkaiko zehar-etxeetako gatazka 16 hilabetez eta 210 greba-egunez luzatu da

2017/07/05

Bizkaiko zahar-etxeetako langileek manifestazio berri bat egin dute Bilbon. Oraingo honetan ELAko ehinka ordezkariren babesa jaso dute. "Bizkaiko zahar-egoitzetako emakumeok, lehenago Gipuzkoakoek eta Ariznabarrakoek egin zuten bezala, espazio pribatua utzi dugu, ikusezinak izateari utzi diogu, eta espazio publikoan sartu gara. Kalera atera gara eta zainketak lana ere badirela, zerbitzu publikoa badirela, eta lan-baldintza eta bizi-baldintza duinetan eman behar direla ozenki aldarrikatu dugu", adierazi dute Aldundiaren aurrean.

Bilboko Miravilla zahar-etxean lortutako akordioa sinatu du ELAk

2017/06/30

Hitzarmenaren akordioan jasotako onurak: 35 orduko lanaldia, 180 euroko soldata-igoera, asteburuetako plusak hobetzea, eta lan-istripu eta gaixotasunen bajetan %100. Horren bidez greba amaitu da egoitza horretan. Gaur sinatu du ELAk akordioa Bilboko Miravilla enpresako zuzendaritzarekin.

Nafarroako Kontratu Publikoen Legeari ekarpenak egin dizkiote ELA eta LABek

2017/06/29

Bilera egiteko eskatuko diete parlamentu-talde guztiei, legea izapidetzerakoan aipaturiko klausula sozialak azkenengo testuan sartzeko. Gainerako sindikatuekin bilduko dira, administrazioek azpikontrataturiko enpresetan mobilizazio-dinamika bat bultzatzeko, eta langile azpikontratatuei lan-baldintza duinak bermatzen dizkieten klausula sozialak sartzea lortzeko.

ELAk ezetz esan dio Nafarroako Gobernuak planteatutako %1eko soldaten igoerari

2017/06/29

Langile Laboralen hitzarmena Ultraaktibitatean dagoela eta Udal Administrazioan erreferentziazko hitzarmenaren egoera dela-eta langile hauek babesgabetasun egoera batean daudela gogorarazi du ELAk. Nafarroako Gobernuak planteatutako %1eko soldaten igoera ez due ezta KPIa ere betetzen. ELAk ezetz esan dio Gobernuak planteatutako %1eko soldaten igoerari, oso eskasa izateagatik, Madrilen politiken menpe ibiltzeagatik eta KPIa ere ez betetzeagatik. ELAk uste du beste politika batzuk abian jarri behar direla Admisnitrazioetako langileen baldintzak hobetu nahi baditugu.

Bizkaiko zahar egoitzetako greba uztailaren 31 arte luzatuko da

2017/06/26

Bizkaiko zahar-egoitzetako ELAko ordezkariek greba luzatzea erabaki dute, zehazki, uztailaren 8tik 31 arte luzatuko dute. Dagoeneko, 200 greba-egun baino gehiago egin dituzte. Sektoreko hiru patronalek (GESCA, ELBE eta LARES) sektore-hitzarmenaren negoziazioa blokeatzen jarraitu dute, 5.000 langile baino gehiagori eragiten dion hitzarmenaren negoziazioa, hain zuzen ere.

Bizkaiko erresidentzietako langileek borrokan jarraitzen dute

2017/06/23

Mobilizazio eta aldarrikapenetan murgilduta jarraitzen dute Bizkaiko zahar-egoitzeko langileek. Borrokan tinko mantentzen direla irudikatu dute Bilbon. Moyua Plazatik hasi eta Misericordia zahar-egoitzara abiatu dira langile grebalariak. Gogoratu, uztailaren 7 arte luzatuko dela greba.

Lan istripu hilgarria salatzeko elkarretaratzea

2017/06/23

ELA, LAB, ESK, SEILAS, HIRU eta EHNE sindikatuek elkarretaratzea deitu dute Bilboko Eusko Jaurlaritzaren egoitzaren aurrean aste honetan Mundakako itsasadarreko ezkerraldean kolektorea egiteko lanetan izandako istripu hilgarria salatzeko. Istripu honetan 45 urteko langilea hil zen bero handiak sortutako ondoezaren eraginez.

Bizkaiko zahar-egoitzetako grebalariek Emakunderi eskatu diote egoitzetako gatazka sozio-laboralean esku har dezala

2017/06/22

Bizkaiko erresidentzietako langileek elkarretaratzea egin dute Emakunderen egoitza nagusiaren aurrean, Gasteizen, prekarietatea nagusi duen gatazka honetan esku hartu dezan eskatzeko. 200 greba-egun baino gehiago bete dituztenean, langileek elkarretaratzea egin dute Emakunderen egoitza nagusiaren aurrean, eta gutun bat eman diote Emakundeko zuzendari Izaskun Landaidari. Horren bidez erakunde autonomoak Bizkaiko zahar-egoitzetako gatazkan esku hartzea eskatu diote.

Osakidetzak aldi baterako langileak ikusezin egiten ditu

2017/06/20

ELAk antolatutako kontzentrazioan mamuz jantzitako langileek hartu dute parte, Gurutzeta Ospitalean albi baterako lan-kontratuak salatzeko egin den elkarretaratzean. Osakidetzak ez du behin-behinekotasuna murrizteko planik aurkeztu Mahai Sektorialean eta ELAk aldaketa estruktural bat aldarrikatu dio.

Bizkaiko Foru Aldundiak "Base Gorria" pribatizatu nahi du

2017/06/14

Elena Unzueta, Aldundiko bozeramaleak zuzentzen duen Jasangarritasun sailak, emergentzia zentrua pribatizatzeko erabakia hartu du, Foru Aldundiko lan hitzarmenak esaten duena, beste behin ere aldebakarrekoz betetzeari utziz. Base Gorria, Jasangarritasun departamentuko unitate bat da eta orain 25 urte baino gehiagotik, batez ere, foru departamentuko komunikazio sistema koordinazio lanak egiten ditu. Emergentzietarako reten propio bat daukate eta base honetara iristen diren emergentzietan lan egiten dute, batez ere landa guneko suteetan. Base Gorriako langileak operatibo egon behar dira, sute arrisku altuak daudelako edo larrialdi deiak egoten direlako.

Batzuetan ni ez naiz nire iritziko

2017/06/12
Bernardo Atxaga

Bernardo Atxaga Bizkaiko erresidentzietako emakumeen kanpaldian egon zen asteburuan. Hurrengo astelehenean, berriz, Euskadi Irratiko Faktoria irratsaioko kolaborazioan mintzagai izan zuen #erresidentziakborrokan.

Martxan da Arriagan Bizkaiko zahar-egoitzetako langile grebalarien kanpaldia

2017/06/09

Bizkaiko zahar-etxeetako langile grebalarion kanpaldia hasi da. Hiru egunetan egongo gara bertan, gizarte-zerbitzu duinetan lan duina eskatzeko. Bizkaiko zahar-egoitzetako langile grebalariok gure gatazka gizarteratzeko beste ekimen bat hasi dugu: informazia emateko karpa bat instalatu dugu Arriaga plazan, ekainaren 11 arte bertan izango dena.

Gasteizko Udaleko langileek itxialdi/kanpaldia burutuko dute ekainaren 5tik aurrera

2017/06/06

Gasteizko Udaleko langileek kalitatezko udal zerbitzu publikoen defentsan mobilizatuko dira. Ekainak 5an Gasetizko Udaleko langileak kalitatezko zerbitzu publiko eta lan baldintza duin batzuen defentsan itxialdi/kanpaldi bat hasi dute. EAJk, LEP orokor bat aurkeztea eta eros ahalmenaren %5a berreskuratzea ordezkaritza sindikalarekin adostu eta urte bat baino gehiago negoziatzen egon ondores, zaborrera bota zituen akordio hoiek.

Bizkaiko zahar egoitzetako greba uztailaren 7ra arte luzatuko da

2017/06/06

Bizkaiko zahar-egoitzetako ELA-ordezkariek, gaur egindako batzarrean, greba luzatzea erabaki dute, eta horrela 200 greba-egun baino gehiago batuko dira. Sektore-hitzarmenaren negoziazioan dagoen blokeoa ikusita, ekainaren 19an amaitzekoa zen greba-deialdiari jarraipena ematea erabaki dute, eta uztailaren 7ra arte, gutxienez, luzatuko da, lehenago ez bada sinatzen lan-baldintzak arautzen eta hobetzen dituen hitzarmen bat.

Bizkaiko zahar-egoitzak, denon borroka

2017/06/05

Ekainaren 9, 10 eta 11n kanpaldia egingo dute Bizkaiko zahar-etxeetako emakume grelariek, euren borroka eta oinarrizko eskaerak sozializatzeko asmoz. Izan ere, argi daukate langileek, euren borroka gizarte osoaren borroka ere badela, zaintza-lanaren katearen alde batean edo bestean aurkituko garelako momentu batean denok, ezinbestean. Izan ere, zaintza erdigunean jartzeko beharraz hausnartzean aurrez aurre egiten dugu topo gatazka prekarizatu eta feminizatu honekin. Hori dela eta, kanpaldia egingo dute asteburuan Bilbon. Jarraian, grebalariek idatzitako gutuna duzue:

Osakidetzak negoziatzeari uko egin dio

2017/06/05

Osakidetzak %43ko behin-behinekotasun tasa du; 35.000 langiletik 20.000 besterik ez dute lanpostu finkoa. Azken urteetan Osakidetzak estatuko legedia erabili du behin-behineko enpleguaren kontsolidazioari aurre ez egiteko, ELAk behin eta berriz eskatu arren. EAJk Estatuto Aurrekontu Orokorretan administrazioetako behin-behinekotasuna %8ra jaisteko aukera adostu du, baina Osakidetzak gaurko Mahai Sektorialean %43an mantentzea eskaini du.

Akordioa Bilboko Miravilla zahar-egoitzan

2017/06/05

Hitzarmenaren aurre-akordioan jasotako onurak: 35 orduko lanaldia, 180 euroko soldata-igoera, asteburuetako plusak hobetzea, eta lan-istripu eta gaixotasunen bajetan %100. Horren bidez greba amaitu da egoitza horretan.

ELAk ez du parte hartu Osakidetzako berdintasun mahaian

2017/06/01

ELAk uko egin dio Osakidetzak emakumeen diskriminazio egoerak hobetzeko borondatea duenaren itxurak egiteari. ELAk, negoziazio honetan parte hartzeko, Osakidetzak haurdun dauden eta umea izan berri duten emakumeak kontratatzeko baldintza jarri zuen, eta zuzendaritzak ez du inolako urratsik eman.

Itunpeko Hezkuntzako ordezkarien elkarretaratzea negoziazioa eskatzeko

2017/06/01

ELAren ustez, EAEko Itunpeko Hezkuntzan mobilizazioetarako unea iritsi da. Sindikatuaren ustez patronalek ez dute inolako borondaterik akordioetara iristeko. Izan ere, 32 hitzarmenaren negoziazio mahairen ostean, ELAk plazaraturiko oinarrizko inolako aldarrikapenik ez du kontuan izan. Egoera salatzeko Itunpeko Hezkuntzako delegatu eta langileen elkarretaratzea egin dute Bilboko Jesuieten ikastetxearen aurrean.

Akordioa Artxandako tuneletan

2017/05/31

ELA eta LAB sindikatuak Artxandako tuneletako langileen lan-hitzarmena berrizteko akordio batera iritsi dira. Akordio hau, 13 lanuzte egun egin ondoren gertatu da eta beste lanuzte batzuk hasi aurretik.