Lanuzteak Zarauzko Plasticos Urtetan

2017/05/24

Zarautzeko Plasticos Urteta enpresako langileek lau ordutako lanuztea egin dute lan hitzarmena negoziatu nahi dutela aldarrikatzeko. 2016ko urritik daude prozesu honetan eta ez dute lortu enpresaren partetik inolako aurrerapausorik.

Lan mundua euskalduntzeko ekimena

2017/05/11

ELA eta LAB sindikatuek, Kontseiluarekin elkarlanean, Urola-Kostan lan mundua euskalduntzeko ekimena aurkeztu dute Zarautzen. Eskualdeko 12 enpresatan garatuko da egitasmoa; helburua etorkizunean ekimena beste eskualde batzuetara ere zabaltzea da.

Betetzeko bermea duen Gipuzkoako eraikuntza-hitzarmen berrituaren alde

2017/05/08

ELAtik borroka jarraitua eta etengabea bultzatuko dugu, harik eta patronalak Eraikuntzaren eta Obra Publikoen Gipuzkoako Hitzarmena berritzen duen arte. Azken urteotan soldatetan galdutakoa berreskuratu behar dugu, eta baita lan-erreformak sektoretik kanpo uzteko aplikazio-bermeak lortu ere. Ez diegu utziko garrantzi horretako obrak egiten hitzarmena berritu gabe edo aplikatu gabe.

Azkoitian izandako lan istripu hilgarriaren salaketa

2017/05/04

Azkoitiko Erlo Group enpresan izandako lan istripuan behargin bat zendu zen atzo arratsaldean. Gertatutakoa salatzeko, ELA, LAB, ESK, Steilas, EHNE eta Hiru sindikatuek elkarretaratzea egingo dute gaur eguerdian lantegiaren aurrean. Lankideak 24 orduko greba egiten ari dira.

Akordioa Zarauzko kiroldegian, 15 greba egunen ostean

2017/03/31

BPXport eta Balea Igeriketa-ko langileek –Zarauzko kiroldegiaren kudeaketaz arduratzen diren enpresak– euren lan eta bizi baldintzak duintzen dituen akordioa lortu zuten martxoaren 30ean. Langileek subrogazio eskubidea bermatua izango dute, ez da eskala bikoitzik egongo, soldatetan igoera nabarmenak lortu dira eta hobekuntza sozialak oso aipagarriak dira.

Langileriaren iritziaren aurka sinatu dute PESAn lan-hitzarmena LAB eta UGTek

2017/03/10

UGTk eta LABek sinatutako akordioa salatu du ELAk, langile gehienen aginduaren kontra hartutako erabakia delako. Izan ere, Batzar Orokorrak langileen %82tik gorako sostenguaz erabaki zuen enpresaren azken proposamena ez onartzea.

Greba Zarauzko polikiroldegian

2017/02/17

Kiroldegiko langileek hilabeteak daramatzate euren eskakizunak Zarauzko Udalari eta enpresei mahai gainean jartzen. Honako hau da BPXport eta Balea Igeriketako langileen eskakizun bakarra: enpresekin hitzarmen duin bat sinatu eta Udalak argitaratu berri dituen pleguetan hitzarmen horri erreferentzia egitea.

ELAk Enpresako Hitzarmena sinatu du ERLO GROUP S.L enpresan

2017/01/25

ELAk Azkoitiko ERLO GROUP S.L. enpresako hitzarmena adostea lortu du urtebeteko negoziaketa eta gero. Honekin beste behin argi gelditzen da enpresa txikietan erreforma enpresatik kanpo uztea posible dela. Negoziaketa luze baten ondoren ERLO GROUP S.L.-ko langileen ordezkariek Enpresako hitzarmena sinatzea lortu dute.

Egoitzak

Azpeitia

  • Arana Goikoa 1-2-3, bajo 20730
  • 943 81 34 46

Zarautz

  • Bizkaia kalea 8 20800
  • 943 00 05 28