ELAk berretsi du Gipuzkoako zahar-etxeen aurreakordioa badagoela eta Aldundia gezurretan ari dela froga dezake

2019/02/15

ELAk berriro dio: dagoeneko badago sektorearen %50etik gora ordezkatzen duten zahar-etxeetako bi patronalekin aurreakordioa. Gezurra da Gipuzkoako Foru Aldundiak komunikatu batean esan duena, hots, ELA gezurretan dabilela, aurreakordiorik ez dagoela, eta administrazioak sindikatuaren alde bakarreko proposamena baino ez duela jaso.

400 lagun elkarretaratu dira Navarplumako greban Nafarroako Gobernuaren inplikazioa exijitzeko

2019/02/15

Martikoren filialak 1,3 milioiko etekinak ditu, bere pertsonaleko gastuak %3,5koak besterik ez dira, eta gainera, Lansareren dirulaguntza publikoa jasotzen du. Navarpluma enpresa Aratzuri-Orkoien industrialdean dago, ahate-lumak eraldatzen aritzen da, eta Martikoren partaidetza du.

Eusko Jaurlaritzaren legeek murrizketak iraunarazten dituzte

2019/02/15

ELAren ustez indar progresistek ez zuten Eusko Jaurlaritzari oposizioa egiteko borondaterik izan Eusko Legebiltzarrean otsailaren 14ean ospatu zen osoko bilkuran. ELAk uste du indar progresistek ez lituzketela onartu beharko politika neoliberalak eta murrizketak dakartzaten aurrekontu eta legeak. Ezkerrak gobernuak egindako proposamenen alternatibak plazaratu eta arrazoitu behar ditu, esaterako, arlo publikoan negoziazio kolektiboaren defentsa edota soldaten eros-ahalmena berreskuratzea; eta Euskal Herriko Eskubide Sozialen Kartak bultzatutako HELari babesa eman beharko lioke. EAJk, PSEk eta PPk betoa ezarri zioten pobreziaren eta gizarte-bazterkeriaren aurkako HEL honen tramiteari.

ELAk bat egiten du Gure Esku Dagok otsailaren 17rako Donostian deitu duen manifestazioarekin

2019/02/15

ELAren aburuz, Auzitegi Gorenean egiten ari den Kataluniako lider eta hautetsi independentisten aurkako auzibideak ez ditu soilik pertsona hauen eskubideak urratzen. Aldiz, jokoan daude ere demokraziaren oinarriak: herritar mobilizazio baketsua, kontsultatuak izateko eskubidea, hautetsiek hauteskundeak deitzeko duten zilegitasuna, boto eskubidea bera, pertsonen askatasuna edo, finean, nazioei beren kabuz erabakitzeko zor zaien eskubidea, beste nazioekin bakean eta berdintasunez zer nolako harremanak izan nahi dituzten ebazteko.

Bizkaiko metalgintzako patronalak ez du sektorean sortzen ari den aberastasuna banatu nahi

2019/02/14

Hamaseigarren aldiz bildu da Bizkaiko metalgintzako negoziazio-mahaia. Otsailaren 14an ospatutako batzarrean patronalak berriz utzi du agerian ez duela borondaterik negoziazioak aurrera egin dezan.

Multinazionalen boterearen aurkako #StopISDS kanpaina

2019/02/14

ELAk bat egin du Europako 200 sindikatu eta gizarte eragiletik gora multinazionalek duten gehiegizko boterearen aurka martxan jarri duten #StopISDS ekimenarekin. Kanpaina hau bultzatzen duten eragileok uste dugu ISDS mundu mailako mehatxua dela. Demokrazia, giza eskubideak, zuzenbidezko estatua, ingurugiroarekiko babesa, osasuna, genero berdintasuna, zerbitzu publikoak eta lan eta kontsumitzaileen eskubideak ahultzen ditu.

Gipuzkoako Aldundiak erresidentzietako patronalekin erdietsitako hastapen akordioa blokeatu du

2019/02/14

Gipuzkoako Foru Aldundiaren eskariz, greba-egunen aurrean, sektoreko bi patronaletako zuzendaritzak (ordezkaritzaren %50etik gora dutenak) harremanetan jarri ziren ELArekin gatazkaren konponbidean urratsak emateko bidean. Bi aldeek hastapen akordioa lortu zuten; bada, Diputazioak, ordea, ez du pausurik eman nahi adostutakoa gauzatzeko bidean. Gipuzkoako Foru Aldundiko arduradunek argi utzi dute ez dutela borondaterik lan-gatazka hau konpontzeko, eta nahiago dutela 5.000tik gora gipuzkoarren lan-baldintzak are gehiago gogortu.

UBIK liburutegiko bitartekariak gatazkari amaiera emango dion akordio batetik urrun daude

2019/02/13

Enpresak langileei eskainitako proposamena, greba mugagabearen 54. egunean, ez da inondik inora akordiorako minimoetara iristen, eta enpresak akordiorako duen borondatea zalantzan jartzen du.

Indexes all content in the site

`Berdea da more berria´ liburuaren aurkezpena

  • 2019/02/20 19:00
  • Bira Kultur Gunea (Ronda, 2, Bilbao)