Albisteak

Darpon Sailburuak atzo Osasun Batzordean egindako agerraldian, enplegu publikoan aditua den katedradun baten baten txostena aurkeztu egin zuen, EPEan geratutako irregulartasun larriak alde batera utzi nahian.

ELAk salaketa aurkeztu ondoren, Lan Ikuskaritzak zigorra ezarri dio MESA enpresari substantzia kantzerigenoak erabiltzeagatik

Eusko Jaurlaritzaren 2019ko aurrekontuaren proiektuak azken urteetan onartu diren aurrekontu murriztaileen bide beretik jarraitzen du. Horrela, zerbitzu publikoak etengabe hondatzen ari dira, eta gizarte-prestazioak moztu. ELAren iritziz indar eskuindarren eta PPren gustoko aurrekontua da. Era honetan, sindikatuak adierazi du indar sindikal, sozial eta politiko progresistok posizio argi eta sendoa adierazi behar dugula.

ELAk bilkura bat deitu du azaroaren 12an EAEko Goi-Auzitegiaren aurrean (Bilboko Albia lorategietan) hipoteken inguruan Auzitegi Gorenak hartutako erabakia salatu eta epaileen promozio sistema aldatzea eskatzeko, partzialtasuna iraunarazten baitu. Adolfo Muñoz “Txiki” idazkari nagusiak adierazi du sistema ustela dagoela eta ez da inondik ere inpartziala. “Dena itsurakeria hutsa da” gaineratu du.

Garbikuntza sektoreak dituen aldarrikapen nagusi gisa kokatu nahi dugu lan bera egiten duten sektoreen artean dagoen arrakala desagerraraztea. Sindikatu honen iritziz soldata desberdintasun hau ez da kasuala; bere zergati bakarra generoarekin lotuta dago. Sektorerik feminizatuenetan daude soldata okerrenak eta kontratu prekarioak (lanaldi partzialekoak). Soldata desberdintasun hau arazo politiko larria da. Soldata aldea 3,500 eta 6.000 euro bitartekoa izan daiteke garbikuntza alorrean, hitzarmen eta lurraldeen baitan. Hots, aldea %35 gutxiago izatera hel daiteke.

Azken urteotan administrazioek likidazio prozesuak bultztu dituzte, ustez inbertitzaile berriak erakartze aldera, baina horien fruitu bakarra itxierak eta kaleratzeak izan dira. ELAk aldarrikatzen du La Naval estrategikoa dela Euskal Herrirako eta, jarduera zein proiektuak ezagututa, ezinbestekoa dela finantziazio egokia bermatzea, mundu guztian zehar honelako ontziolekin gertatzen den bezala.

Azaroaren 2an hoteletako gelak garbitzen dituzten langileek greba mugababea hasi zutenetik, bi hoteletako zuzendaritzek beharginen grebarako eskubideari muzin eginez, kanpoko enpresa baten zerbitzua kontratatu zuten greba egiten ari ziren langileak ordezkatzeko. Grebalariek bizi duten prekarietatea oso larria da: 2,5 euro baino ez dute kobratzen garbitzen duten logela bakoitzeko eta 800 euroko soldata jasotzen dute hilero (kasurik onenetan), aparteko ordainsariak barne.

Zaldibarko Gabi, S.A. eta Galter, S.L. injektatze-enpresetako langileak greba mugagabean daude azaroaren 6tik enpresa-hitzarmen bat exijitzeko. Enpresa horiek biek zuzendaritza bera dute, eta Zaldibarren daude. Langileak manifestazioan atera dira Zaldibarren.

Jaurlaritzak, eremu politikoan berorrek defendatzen dituen joko-arau demokratikoei muzin eginez, bizkarra eman dio demokratikoki eremu publikoko langileek aukeratutako gehiengoari, eta gutxiengoarekin (CCOO eta UGTrekin) sinatu du akordioa, langileek egindako hautua errespetatu barik.

ELAtik behin eta berriro salatu dugun moduan, Eusko Jaurlaritzak 2009tik hona krisiaren aitzakia erabili izan du zerbitzu publikoak, oro har, eta hezkuntza publikoa, bereziki, deskapitalizatzeko. Matrikulazioa etengabe gorantz joan den bitartean, ez dira beharrezko ikastaldeak sortu eta ratioak %9,1 igo dira. Eta gainera, beharrezko ikastaldeak ez sortzearen ondorioz, matrikulazioaren gorakada honi erantzuteko beharrezkoak diren 973 ikastalde eta 2.388 lanpostu murriztu dira.

Eraikuntzako obratako segurtasun neurrien gaineko kontrol publikoa handitzea exijitzen du ELAk. Izan ere, errealitatea larria da: Sarrigurenen sektoreko langile bat hil ondoren, honez gero 21 dira aurten Nafarroan haien lanpostuan bizitza galdu duten pertsonak. Egoerari larri hau salatzeko mobilizazioa deitu dugu ELA, LAB, ESK, STEILAS, EHNE, HIRU eta CGT-k azaroaren 9rako Iruñean. Las Ikuskaritzaren aurrean izango da protesta, Sarasate pasealekuan, 12:30etan.

Bilboko NH eta Barceló Nervión hoteletako garbitzaileak (nagusiki emakumeak) greba mugagabean daude, lanean bizi duten prekarietatea salatzeko. Langileek Constant izeneko enpresarentzat egiten dute lan, bi hotel hauek enpresarekin daukatelako azpikontratatuta garbiketa zerbitzua. Gela bakoitza garbitzeagatik 2,5 euro ordaintzen dizkiete, eta ordu gehigarriak lan egin behar izaten dituzte 800 euroko soldatara heldu ahal izateko. Joseba San Miguel ELAko ordezkaria Hala Bedi irratiko Hizpidea saioan aritu da egoeraren berri ematen.

ELA izan da, beste behin ere, Donostiako udaleko eremuan babes handiena jaso duen sindikatua; lehenengo indar sindikala da berriz ere, ordezkari kopuruan gora eginez, zehazki, 29tik 30era.

ELAk Uriarte Sailburuari exijitzen dio segregazioaren arazoari aurre egiteko neurri zehatz eta eraginkorrak har ditzala eta beharrezko baliabideak bermatu ditzala behingoz. Errealitate honen baitan, ekitatean oinarritutako kalitatezko hezkuntza sistema inklusibo bat helburu, Eusko Jaurlaritzak murrizketak atzera bota beharko lituzke, aniztasun eta hezkuntza premia berezi hoiei erantzuteko beharrezko baliabideak bermatu beharko lituzke eta segregazioaren arazoari aurre egiteko neurri egokiak eta eraginkorrak hartu beharko lituzke.

ELAk Gobernuak egindako proposamenaren inguruko txostena aurkeztu du. Atetarako ondorio nagusia argia da: adostutako gastu arauak murrizketak eta utzikeria konpetentziala dakartza berarekin.

UBIK liburutegiko 13 langileek lanuzteak egingo dituzte azaroaren 17 eta abenduaren 1ean 17:00etatik 19:00etara, bizi duten prekarietate egoera salatu eta enpresa eta instituzioei irtenbideak exijitzeko.

Joan den azaroaren 6an Eusko Jaurlaritzako eledun Josu Erkorekak adierazi bezala, %2,25eko soldata-igoera aplikatuko zaie euskal administrazioko langileei urtarriletik aurrera, 2019ko Aurrekontuen Zirriborroan ezarritakoari jarraiki eta EAEko eta Estatuko aurrekontuak noiz onetsiko diren zain egon gabe. Neurri honek, ordea, ez du azken urtetako erosahalmenaren galera berreskuratzeko aukerarik emango.