Premiazkoa da AHTren lanen gaineko auditoria egitea

2017/09/13

ELA eta LAB sindikatuok otsailean egin genuen publiko EHUko Ekopoli, Ekonomika Ekologiko eta Etakologia Politikorako Ikerketa Taldeari, eskatutako txostena, AHTren bideragarritasunaren inguruan. Mundu akademikora gerturatu ginen AHTren inguruko eztabaida hauspotu asmoz. Txosten horren ondorioa argia izan zen: AHTren lanetako gastuek kalte izugarria ekarri digute eta aurrerantzean ere egiten jarraituko digute langileoi eta euskal herritarroi orohar, eta ez ekonomikoki bakarrik, bai sozialki eta baita ingurumenari dagokionez ere.

100.000 pertsonek ez dute inolako langabezia saririk jasotzen Hego Euskal Herrian

2017/09/04

Hego Euskal Herriko enpleguaren egoera oso larria da. Abuztuan 169.161 pertsona zerrendatu dira langabezian enplegu zerbitzu publikoetan, uztailean baino 2.156 gehiago eta duela urtebete baino 12.852 gutxiago. Langabetuen %56,7a emakumeak dira (duela urte bete emakumeak langabetuen %55,6a ziren).

Eusko Jaurlaritzak, Aldundiek eta EAJ-k Rajoyrekin iritsitako akordioek doikuntza politikari eusten diote eta autogobernuaren aurkako erasoa dira

2017/07/26

Gastu-arauak esan nahi du euskal erakundeek ezin izango dutela gastua gehitu, ez eta diru-sarrera nahikoak badituzte ere. Gauza bera gertatuko litzateke ondorengo urteetan salatu du ELAk. Espero baino sarrera handiagoak izanez gero, zor publikoaren ordain aurreratura bideratu beharko lirateke; honek inbertsio soziala haztea galaraziko luke. ELAk indar politiko progresistei eskatzen die akordio hau arbuia dezatela. Politika honi oposizio politiko eta soziala egitea ezinbestekoa dela deritzo.

Kontratuak gero eta laburragoak, prekarioagoak eta diskriminatzaileagoak direla ondorioztatu du ELAren Egoeraren Azterketa txostenak

2017/07/18

Enpleguaren ustezko hazkundearen atzean miserian eta prekarietatean oinarritutako enplegua dago. Hala ondorioztatu du ELAk, Azterketa Bulegoak landutako Egoeraren Azterketa txostenetik abiatuta. Gaur aurkeztu dituzte azterketa lanak utzitako ondorioak, nagusia, honako hau: kontratuak gero eta prekarioagoak eta diskriminatzaileagoak dira.

Aldi baterako kontratuen erdia gehienez 30 egunekoa da

2017/07/04

167.207 pertsona daude langabezian Hego Euskal Herrian eta %63,3ak ez du inolako prestaziorik jasotzen. Egoera kezkagarria da Hego Euskal Herrian, langabeziak maila altuan segitzen duen bitartean langabeen gehiengoa inolako babesik gabe baitago eta egiten diren kontratuak oso prekarioak baitira.

Mikel Noval (ELAko Gizarte Politikako arduraduna): «Neoliberalismoa lokala, planteamendu globala» aplikatzen ari da esparru guztietan

2017/07/04

Mikel Noval ELA sindikatuko Gizarte Politikako, Azterketa Bulegoko eta Ingurumeneko arduraduna elkarrizketatu du Uriola.eus atariak. Argi azaldu du Novalek, arlo sozialean eman behar diren aldaketak eman daitezen ezinbestekoa dela zergetan eta diru bilketan aldaketa bat gertatzea. Bere esanetan, ez badago dirurik, ezin da osasunean, hezkuntzan eta gizarte zerbitzuetan inbertitu, eta ezinbestekoa eta oinarrizkoa da hori. Bestelako gaiak ere izan ditu hizpide, besteak beste, Abiadura Handiko Trena. Bere hitzetan, "AHTa egiteko 10.000 milioi euro bideratzea ez da lehentasun bat".

Abiadura Handiko Trenerako dirurik ez jartzea eskatu die ELAk erakunde publikoei

2017/06/26

Mikel Noval, politika sozialeko eta ingurugiroko arduraduna izan da gaur Euskal Herriko Unibertsitateak (UPV-EHU) antolatutako Udako Ikastaroetan. Bere agerraldian, Ekopol elkarteak unibertsitate honetako ekologia politikako adituen laguntzaz osatutako txostena ekarri du gogora, Abiadura Handiko Trenak errentarritasun ekonomiko eta sozialik ekarriko ez duela azpimarratuz. Horri gehitu dio egitasmo honek ez diola batere onik egingo ingurumenari.

Txiki Muñoz: “Alde batek ez badu akordiorik nahi, aldebakarreko bidea besterik ez dago”

2017/07/10

ELAko idazkari nagusi Adolfo Muñoz “Txiki”-k Eusko Legebiltzarreko Autogobernu ponentzian parte hartu zuen ekainaren 21ean. Bere hitzaldiaren hasieran, Legebiltzarrari dei egin zion prozesu subiranista bat martxan jarri dezan, mugimendu sindikal eta sozialaren parte-hartzea bermatuko duen bidea, hain zuzen ere.