CCOOk eta UGTk eta enpresak lortutako akordioak 163 lanpostuen suntsiketa dakar Zamudion eta 14 hilabeteko ERTE bat aplikatzea. ELAk oso negatibotzat jo du akordioa sinatzea enpresari hasierako asmoak hobetzeko aukera ematen baitio.

Enpresak ez du egiaztatu inolako kaleratzerik egin behar denik negoziazio-mahaian aurkeztutako dokumentazioarekin, eta, beraz, ELAk ez du beharrezkotzat jotzen enplegu-erregulazioko espedientearekin aurrera jarraitzea. Negoziazio-bileran enpresak eman dezakeen erantzunaren zain, Enpresa Batzordeak 3 greba egun deitu ditu urriaren 14, 15 eta 16rako.

Matriceria Deusto eta GTSko langileek greba mugagabea hasi dute gaur beren enpleguak eta Bizkaiko Matrizegintza sektorearen etorkizuna defenditzeko, Gestamp taldeak bi lantegiak ixteko asmoa berretsi ostean. Hala eginez gero, 230 zuzeneko langile eta beste horrenbeste zeharkako langile kaleratuko lituzkete.

Gestamp taldeak gaur goizean baieztatu du Matricería Deusto eta GTS enpresak ixteko asmoa duela, hau da, zuzeneko 230 langile eta zeharkako beste hainbeste pertsona kaleratzea. Hori dela eta, bi lantegietako plantillek berretsi egin dute urriaren 9tik aurrera greba mugagabea egiteko erabakia, beren lanpostuak eta Bizkaiko matrizegintza sektorearen etorkizuna defendatzeko. Egun horretan bertan, ELAk eta LABek manifestazioa deitu dute, goizeko 7:00etan lantegitik abiatuta.

Langileak kezkatuta daude enpresaren kutsatze gehiago egon daitezkeelakoan, eta haserre konpainiako kaleratzeen planteamenduagatik; izan ere, enpresak 197 lagunen kaleratze kolektiboa negoziatzen jarraitzen du, nahiz eta Zamudioko negoziazio-mahaiaren ordezkaritza sindikala konfinatuta egon, koronabirus bidezko kutsatzeen ondorioz. Greba deialdiarekin jarraitzearen alde agertu da langileen gehiengoa baina mobilizazioak bertan behera uztea erabaki dute, erantzukizunez jokatzeko.

GESTAMP enpresako zuzendaritzak gaur, irailak 29, bildu ditu Matriceria Deusto eta Gestamp Tooling Services (GTS) enpresetako ordezkariak. Zamudioko enpresa horiek automobilgintzako euskal multinazionalaren barruan daude. Bileran, zuzendaritzak ahoz jakinarazi du "jarduera bertan behera uzteko" asmoa zuela, hau da, bi lantegiak ixtea. Azpimarratu behar dugu bi enpresek lan-karga dutela.

ELAk ITP-Zamudion duen atal sindikalak zuzendaritzari ohartarazi dionez, bihar ITP SAUren kaleratze kolektiboaren hirugarren negoziazio-bilera egingo balitz, ELAk erabaki horren aurkako ekintza judizialak abiaraziko lituzke, Zamudioko langileek ez lukete ez ahotsik ez ordezkaritzarik izango. Zamudioko ordezkari guztiak isolatuta daude, batzuek positibo eman baitute COVID-19rekin, eta gainerakoak emaitzen zain daude. Egoera horren aurrean, batzordeak negoziazioak gelditzea eskatu zuen, baina enpresak bilera bi egunez atzeratzea erabaki zuen, hilaren 30era arte.

Kontzentrazioa egin du Bilboko Plaza Zirkularrean Bizkaia Dorrea proiektuan Bizkaiako aldunak eta politikak enpresen internazionalizazioa gizartearen beharrizanen gainetik jartzen ari direla salatzeko. Gauzak horrela, proiektua bertan behera uztea eta bertara bideratutako aurrekontua herritarren benetako beharrizanei bideratzea eskatu dute. EH-k Kapitalari Planto!-ko kideez gain, gizarteko sektore ezberdinek parte hartu dute ekintzan.