Uztaritzen gertatutako erailketa matxista salatzeko kontzentrazioak deitu ditu Emakumeen Mundu Martxak. Eraso sexistarik ez! lelopean, kontzentrazioak izango dira gaur, irailak 18, Hego Euskal Herriko hiriburuetan. Erailketa salatzeko eta horri erantzuteko izango diren ekintzetan parte hartzeko deia egin nahi dugu ELA sindikatutik. Jarraian, kontzentrazioen hitzorduak aurkituko dituzue.

ELAren iritziz gatazka hau lan gatazka baino gehiago da, gatazka feminista, soziala eta erabat politikoa da. Izan ere, jokoan dagoena gizarte honetan behar-beharrezkoak diren zaintza lanen antolaketa eredua da. Egungo ereduan, zaintza lanak esparru pribatuan emakumeek egiten dituzte edo esparru publikoan enplegu prekarioaren bidez. Zaintza lanei ez zaie dagokien balio ekonomiko eta sozialik aitortzen, eta gainera negozio iturri bihurtu dira sektore honetan diharduten enpresentzat.

300 greba egun baino gehiago eta Bizkaiko zahar etxeetako gatazkak bere horretan dirau. Bizkaiko Foru Aldundiak eta patronalek beste alde batera begiratzen duten bitartean, lan eremua aspaldi gainditu zuen gatazka sozial hau bizi duten langileek -bereziki emakume izateagatik- jasan behar dituzten mespretxu eta irainak gizartearekin konpartitu nahi dituzte. Irailaren 20an emakumeek soilik gidatuko duten manifestazioa egingo da Gasteizen, Babesgabetuen Andre Mariaren plazatik abiatuta, zaintzaileak zainduz, bizitzak zaindu! Ni cuidadora natural, ni trabajadora a explotar lelopean. Mobilizazioa 10:45ean hasiko da.

Bizkaiko erresidentzietako langileek Emakunderi bilera eskatu zioten euren gatazkaren nondik-norakoak azaldu eta elkartasuna eskatzeko. Izan ere, lan gatazka baten mugak aspaldi gainditu zituen arazo sozial baten aurrean izanik, eta, batez ere, gatazka feminizatu baten aurrean izanda, Emakunderen aldetik elkartasun keinua eskatu nahi zioten. Erantzuna, ordea, oso bestelakoa izan zen: agenda arazoak argudiatuta, bilerari muzin egin. Horren aurrean, zahar egoitzetako langileek agiria kaleratu dute.

Ekainak 28, Sexu Askapenerako Nazioarteko Egunean, ELAk aniztasunari buruzko hausnarketa piztu zuen Bilboko Bilborock aretoan. Hausnarketa horretan bide lagun izan zituen adin txikiko transexualen senideen Chrysallis elkarteko kide Aingeru Maiorga eta pertsona transexualen eskubideen aldeko Errespetuz elkartearen lehendakari Sarai Montes. Lehenik eta behin, eta girotzeko asmoz, Diversxs filma ikusteko aukera egon zen: sexu genero identitateaz haratago, besteak beste VIH edo aniztasun funtzionala duten pertsonen testigantza entzuteko aukera eman zuen filmak, euren aniztasunaz gozatzen ikusteko aukera eskaini ere.

Jaurlaritzaren murrizketen ondorioz emakumeak kaltetuenak direla salatu du Mugimendu Feministak. Murrizketak. Murrizketak eta murrizketak. Hori da Eusko Jaurlaritzak, EAEn, pobrezia egoeran aurkitzen diren 69.000 pertsonentzako pentsatu duen irtenbidea. Murrizketak eta pobrezia gehiago. Maiatzaren 31n Araba, Bizkaia eta Gipuzkoako Enplegu eta Politika Sozialetako Departamenduak prestazio sozialerako sisteman egin zuen erreformaren neurriak iragarri zituen. Neurriok, orain arteko ildoari jarraituz, prestazioak jasotzeko baldintzen gogortzea ekarriko dute.