ELAk berriro dio: dagoeneko badago sektorearen %50etik gora ordezkatzen duten zahar-etxeetako bi patronalekin aurreakordioa. Gezurra da Gipuzkoako Foru Aldundiak komunikatu batean esan duena, hots, ELA gezurretan dabilela, aurreakordiorik ez dagoela, eta administrazioak sindikatuaren alde bakarreko proposamena baino ez duela jaso.

Gipuzkoako Foru Aldundiaren eskariz, greba-egunen aurrean, sektoreko bi patronaletako zuzendaritzak (ordezkaritzaren %50etik gora dutenak) harremanetan jarri ziren ELArekin gatazkaren konponbidean urratsak emateko bidean. Bi aldeek hastapen akordioa lortu zuten; bada, Diputazioak, ordea, ez du pausurik eman nahi adostutakoa gauzatzeko bidean. Gipuzkoako Foru Aldundiko arduradunek argi utzi dute ez dutela borondaterik lan-gatazka hau konpontzeko, eta nahiago dutela 5.000tik gora gipuzkoarren lan-baldintzak are gehiago gogortu.

Euskadiko Eskola Kontseiluak EPEen inguruan egindako proposamenak milaka langileren lanpostuak arriskuan jartzen ditu. Egun, EAEko hezkuntza publikoan lanean diharduten 27.220 irakasleetatik 10.823 behin-behinekoak dira, hau da, %40. Beraz, ikasturte honetan behin-behinekotasunak gora egin du, %38tik %40ra igoz, hau da, 1.123 behin-behineko gehiago ditugu aurten irakasleen kidegoan. Gainera, langile hauetariko asko aspalditik daude egoera prekario honetan.

ELAk behin eta berriz salatu du adinekoen egoitzetako langileok egunero egin beharreko lan zama izugarri handia dela; baita horrek zaintzaren kalitatean duen eragin kaltegarria ere. Egoera honi aurre egiteko eta egoiliarrak zaintza duina jasotzeko kanpaina jarri du martxan, Zaindu nazazu (gutxienez) bi orduz! Lemapean. Egoera erabat orokortua dago Hego Euskal Herriko adinekoen egoitzatan. Ezin ahaztu erakunde publikoek eta alderdi politikoek dekretu eta legedia desberdinak erabiliz hartutako erabakien ondorio zuzena dela hau.

Lau greba egun izango dira martxoan, beste lau apirilean eta bi maiatzean. ELA, LAB, Steilas, UGT eta CCOOren esanetan Kristau Eskolarekin izan dituzten bileratan ez da aurrerapen nahikorik lortu, eta beraz, greba beste biderik ez diete utzi.

Osakidetzak argi utzi du ez daukala atzerakinak ordaintzeko borondaterik, ez epaian jasotakoak, ezta deialdi ezagatik kaltetuak izan diren langileei zor dizkienak, baina urtarrileko nominan osagarria ordaintzen hasiko zela ziurtatu zuen. ELA eta ESK sindikatuek elkarretaratzeak deitu dituzte Basurtu Ospitalean, Txagorritxu Ospitalean eta Donostia Ospitalean Osakidetzaren jarrera salatzeko.

ELAren iritziz, irregulartasun larriak eta kontrolik eza izan dira nagusi poltsa hori sortu zenetik. Edozein kasutan, Eusko Jaurlaritzaren Segurtasunaren Koordinazioko Zuzendaritzaren azken erabakia ezin larriagoa da; izan ere, zuzendaritzak Udaltzaingoaren EPE bateratua gainditu ez duten hautagaiei deitu die udaltzain lanetan aritzeko. ELAk EAEko udalei horrelako konponketa txarren parte ez izatea eskatu die, baita udal-mailako hautaketa-prozesuak abiaraztea ere.

STEILAS eta ELAk Haurreskolak Partzuergoko Kudeaketa langileen kolektiboan deitutako otsailak 5 eta 6ko grebak jarraipen zabala izan dute. Bi sindikatuok Kudeaketa langileen aldarrikapenak babestu, eta pasa den abenduan mobilizazioei ekin zieten, %75etik gorako jarraipena izan zuten bi lanuzte eta egun osoko greba egun bat eginez.