Albisteak

Jarraipen zabala izan du EAEko Gizarte Ekimeneko ikastetxetan urtarrilaren 25 arte deitutako greba deialdiaren lehen egunak. Eusko Jaurlaritzak zerbitzu minimoen bitartez greba desitxuratzeko emandako urratsak porrot egin du.

Gizarte Ekimeneko ikastetxetan ordezkaritza daukagun sindikatuok negoziatzeko borondatea berretsi nahi dute, tajuzko proposamen baten zain jarraitzen dugula azpimarratuz.

LAB, STEILAS, CCOO, UGT eta USO sindikatuek egoera hau ontzat eman eta legea baino irizpide murriztaileagoak eskatu eta sinatu dituzte, Hezkuntza Sailarekin batera, bozkatzeko eskubidea oztopatuz. Laboralen kolektiboen bozkatzeko eskubidea bermatzeko eta errazteko eskualde ezberdinetan mahai gehiago jartzea eskatu du ELAk (kolektibo hauek hiriburuetaraino joan behar izaten dute botoa ematera); baita posta bidezko botoa legeak markatzen duenaren arabera egiteko eskubidea bermatzea ere.

ELAk Jaurlaritzari exijitu dio Lanbide Heziketako irakasle teknikoen lanpostuak kontsolidatzeko eta beren lan baldintza prekarioak betikotzen dituen eta lanpostuak arriskuan jartzen dituen erabakia bertan behera uzteko.

Kristau Eskoletako ordezkariek eta sindikatuek izan duten bileran ez da akordiorik lortu. Hala, greba deialdiari eutsiko diote eta urtarrilaren 16tik 25era greba izango da Gizarte Ekimeneko ikastetxeetan. Sindikatuetako ordezkariek bileraren ostean azaldu dutenez, langileen eskaeretatik oso urrun dago patronalaren proposamena, eta ezin da onartu.

ELAk ongi irizten dion arren LOMCEren alderik okerrenetako batzuk bertan behera uzteko asmoari, gure hezkuntza eskumena osorik errespeta dadila exijitzen du. Bide beretik, Madrilgo Gobernuak murrizte-politika baztertzeko asmorik ez duela salatzen du. Espainiar Gobernuak lege aldaketarako aukeratutako bideak, lege organiko bidezkoak alegia, erreformaren izapidetza luzatu eta bere onarpena zailduko duela ere salatzen du sindikatuak.

Akordioa betetzeko austeritate politikak aurrera eramatea ezinbestekoa da ELArentzat administrazioko lanpostu guztien ikerketa egitea beharrezkoa da

Gizarte Ekimeneko ikastetxeetan ordezkaritza duten sindikatu guztiak bat datoz patronalek egindako azken proposamena ez dela nahikoa, hasieratik egindako aldarrikapentik urrun. Hori dela eta, urtarrilerako greba eta mobilizazioek aurrera jarraitzen dute. Batasun sindikalak patronalei proposamen berria egitea eskatzen die, plataforma bateratuari erantzuna emango diotenak.

Sei hilabete greban eman ondoren, irabazi egin dute Gasteizko Ariznanavarra egoitzako sukaldean diharduten langile azpikontratatuek. Landeiaren 231. aleak garaipen sindikal hau jorratzen du.

Ekimeneko ikastetxeetatako sindikatuotako ordezkariek grebaren erregistroa egin dute Eusko Jaurlaritzaren Bilboko egoitzan. Abenduaren 19an izandako azken mahaian Gizarte Ekimeneko patronalek akordioetara iristeko erakutsitako borondate faltaren aurrean, mobilizazio eta greba dinamika gogortu beste biderik ez dietela utzi salatu dute.

Langileek greba egin dute eta manifestazioan atera dira Gipuzkoa Plazatik Bulebarreraino. Abenduaren 24an hasi eta 31 arte luzatu den greba deialdi berri honek erabateko jarraipena izan du. Txalotzeko da hori, kontuan hartuta, gainera, langile askori grebarako eskubidea ukatu zaiela, gehiegizkoak eta neurrigabekoak diren gutxieneko zerbitzuak ezarri direlako.

2018ko abenduaren 27an egindako asanblean botoa eman zuten langileen %85ak mobilizazioekin jarraitzearen alde bozkatu zuen.

Bizkaiko Etxez Etxeko langileek Emakunderi zuzendutako gutuna erregistratu dute Eusko Jaurlaritzak Bilbon duen delegaritzan, emakumeak nagusi diren eta greban jarraitzen duen sektore prekarizatu honetan esku hartu dezan. Gutunean sektorearen egoera azaltzeaz batera, inplikazioa eskatu diote, bilera bat egiteko eskaria luzatzearekin batera. Mahai gainean jarri nahi izan dute sektore feminizatu bat dela hau, zaintza lanetaz arduratzen dena eta prekarizatua. Erakundeei esan nahi izan diete kolektibo honen lan baldintzen hobekuntza ezinbestekoa dela berdintasun erreal eta efektiboa lortzeko.

Abenduaren 24an greba deialdi berriari ekin ziotenetik Bizkaiko Etxez Etxeko langileen hirugarren greba egun arrakastatsua izan da. ELA, LAB eta UGTk deituta, grebak jarraipen zabala izan du, langileen grebarako eskubidea murrizteko ahaleginak handiak izan badira ere.

ELAk greba deitu du abenduaren 24, 25, 26, 28, 29, 30 eta 31rako Gipuzkoako nagusien erresidentzia eta eguneko zentroetan. Deialdi berri honen lehen greba egunak erabateko jarraipena izan du, gehiegizko gutxieneko zerbitzuak ezarri badituzte ere.

ELA, STEILAS, CCOO, LAB eta UGTk urtarrilaren 16tik 25era bitarte 10 greba egun deitu ditugu Gizarte Ekimeneko ikastetxeetan. Abenduaren 19an izandako azken mahaian Gizarte Ekimeneko patronalek akordioetara iristeko erakutsitako borondate faltaren aurrean, mobilizazio eta greba dinamika gogortu beste biderik ez digute utzi.

ELAk bere poza agertu nahi du Barneratze lege-proposamena Nafarroako Parlamentuan erretiratu delako. Lege proposamen horren bidez Pertsonalaren Estatutuaren testu bategina aldatu nahi zen, eta "barneraturiko pertsonala"ren profila txertatu. Lege-proposamen horren berri jakin genuenetik kritikatu dugu, ez baitzen egokia egoera konpontzeko. Hau da, enpresa pribatu batek ematen zuen zerbitzua administrazio publiko batek bereganatzen badu, egoera gatazkatsua sortzen da, eta lege-proposamen hura ez zen egokia egoera hori onbideratzeko

Eusko Jaurlaritzak ehunka irakasleren lanpostuak kolokan jartzen dituen sasi-egonkortasun eta EPEko nota baloratzeko proposamenak aurrera eraman nahi ditu behin behinekotasuna eta prekarietatea betikotzeko. Honen aurrean ELAk mobilizazioak iragarri ditu eta goizean elkarretaratzea deitu du Eusko Jaurlaritzaren egoitzaren aurrean.

LAB, CCOO eta UGT ezin dira agertu autogobernuaren zaintzaile gisa, urrian uko egin baitzioten, %0,3ko akordioa sinatu zutenean

ELA, STEILAS, CCOO, LAB eta UGT sindikatuon ustez onartezina da patronalek gatazka honetan duten jarrera, oro har, eta gaurko mahai negoziatzailean izan dutena, bereziki. Onartezina da lau greba egunen ostean, langileen aldarrikapenei gerturatzen zaizkien edukiak planteatu ordez, greba egunen aurretik jadanik mahai gainean jarritako proposamena errepikatzera mugatu izana abenduaren 19an egindako bilera berrian.

Ordu erdiko eta hiru orduko lanuzteen ondoren, abenduaren 19rako STEILAS eta ELAk Haurreskoletako kudeaketa langileen kolektiboan deituriko egun osoko grebak jarraipen zabala izan du eta konponbiderik ezean, greba eta mobilizazioak areagotuko dituzte. Haurreskolak Partzuergoari langileen lan baldintzak duinduko dituen proposamen serio bat mahai gainean jartzea exijitzen diote, horrela izan ezean greba eta mobilizazioekin jarraituko baitute. Haurreskolak Partzuergoari eta Hezkuntza Sailari, berriz, negoziazio kolektiborako eskubidea errespetatzea (gaur egun urratzen ari da) eta kudeaketa langileen lan baldintzen negoziazio osoa mahai negoziatzailean egitea.

Jaurlaritzak Bilbon duen egoitzaren aurrean kontzentrazioa egin dute. Bertan gogorarazi dute ELA-Ertzaintzak urteak daramatzala Eusko Jaurlaritzak daraman murrizketa politikak geure lan-baldintzetan eta soldatetan dituen eragin larriak salatzen.

Gipuzkoako erresidentzietako ELAko langileek greba egingo dute abenduaren 24, 25, 26, 28, 29, 30 eta 31n. Onartezina da patronalen jarrera gatazka honetan; baita Diputazioaren jarrera pasiboa negoziazio prozesuan ere. Kontrako jarrera dute, ordea, zerbitzu minimoen gehikuntza bultzatzeaz ari direnean. Izan ere, gutxieneko zerbitzuen beharra dagoela saltzeko txosten interesatua eta aldebakarrekoa sortu dute. Horrek greba eskubidea urratzeaz batera, gatazka luzatzea dakar.

Urteak pasatu dira, eta azkenean, abenduak 14ean, Ministroen kontseiluak onartu du udaltzainon aurrejubilazioa erregulatuko duen dekretua. Udaltzainek, beraien erretiro adina aurreratu ahal izango dute, beraien legezko erretiro adina baino 6 urte arte. Honek esan nahi du, erretiroa ez dela 59 edo 60 urterekin izango. Langile interinoak, diskriminatuak izango dira, aurre jubilatzeko aukerarik gabe uzten bait ditu, kotizazio urte guztiak eduki arren.

Barakaldoko Kbus-eko langileek greba egingo dute abenduaren 27an eta urtarrllaren 10, 17 eta 24an, lan-hitzarmenaren alde. ELAk salatu duenez, "Kbus zerbitzua sortu zenetik lan-baldintzak ez dira hobetu, eta horren ondorioz, urruti geratu dira bidaiarien garraioko gainerako hiri-zerbitzuetako lan-baldintzetatik".

Hezkuntza ministerioarekin izan den bileran ELAk ongi iritzi dion arren LOMCEren alderik okerrenetako batzuk bertan behera uzteko asmoari, gure hezkuntza eskumena osorik errespeta dadila exijitu du; eta Madrilgo Gobernuak ez daukala murrizte-politika baztertzeko asmorik salatu du. Espainiar Gobernuak lege aldaketarako aukeratutako bideak, lege organiko bidezkoak alegia, erreformaren izapidetza luzatu eta bere onarpena zailduko duela ere salatu du sindikatuak.

Egun, EAEko hezkuntza publikoan lanean diharduten 27.220 irakasleetatik 10.823 behin-behinekoak dira, hau da, %40a. Beraz, ikasturte honetan behin-behinekotasunak gora egin du, %38tik %40raino, hau da, 1.123 behin-behineko gehiago ditugu aurten irakasleen kidegoan. Gainera, langile hauetariko asko aspalditik daude egoera prekario honetan. Eusko Jaurlaritzak prekarietatea betikotzeko EPE proposamenak eta ehunka irakasleren lanpostuak kolokan jartzen dituen planteamenduak berehala bertan behera uzten ez baditu, ELAk mobilizazioetara joko du.

EHIGE Gurasoen Elkarteak, CCOO, ELA, LAB eta STEILAS sindikatuok, beste hainbat eragilerekin batera, Euskal Hezkuntza Legeari buruzko manifestua aurkeztu dugu, adierazteko prozesuarekin kritiko garela. Alde batetik Hezkuntza Sailak ez duelako argitu hezkuntza publikoa ardatz izateko pausuak eman nahi dituen ala ez, eta, bestetik, prozeduran izandako parte-hartzea ez delako demokratikoa izan. Horregatik, Euskal Hezkuntza Lege berria aldarrikatu dugu, prozesu demokratiko baten bidez definituko dena.

Hiru orduko lanuztearen ondoren, abenduaren 19an egun osoko greba deitu dute STEILASek eta ELAk. Gogoratu, bi sindikatuok kudeaketa langileen aldarrikapenak babestuz pasa den abenduaren 4an mobilizazioekin hasi ginela. %75etik gorako jarraipena izan du lanuzteak.

Abenduko nominarekin batera irailetik murrizturiko lansarien diru-itzulketa ofizioz egiteko eskatzen dio ELAk Eusko Jaurlaritzari.