Musika eta arte eszenikoetako epe deialdia negoziatu gabea eta eskasa da

2019/02/14

ELAk, Goi Mailako Kontserbatorioan behin-behinekotasuna %90 ingurukoa izanik, bertako beharren ikerketa eskatzen du eta horren araberako EPE negoziatua.

ELAk Hezkuntzan EPE gainditzea ordezkoen zerrendetan meritu moduan baloratzeko neurria bertan behera uztea exijitu dio Jaurlaritzari

2019/02/13

Euskadiko Eskola Kontseiluak EPEen inguruan egindako proposamenak milaka langileren lanpostuak arriskuan jartzen ditu. Egun, EAEko hezkuntza publikoan lanean diharduten 27.220 irakasleetatik 10.823 behin-behinekoak dira, hau da, %40. Beraz, ikasturte honetan behin-behinekotasunak gora egin du, %38tik %40ra igoz, hau da, 1.123 behin-behineko gehiago ditugu aurten irakasleen kidegoan. Gainera, langile hauetariko asko aspalditik daude egoera prekario honetan.

Hamar eguneko grebara deitu dute itunpeko ikastetxetako sindikatuek

2019/02/08

Lau greba egun izango dira martxoan, beste lau apirilean eta bi maiatzean. ELA, LAB, Steilas, UGT eta CCOOren esanetan Kristau Eskolarekin izan dituzten bileratan ez da aurrerapen nahikorik lortu, eta beraz, greba beste biderik ez diete utzi.

Eusko Jaurlaritzak ez ditu ordezkapenak lehen egunetik betetzen hezkuntzan

2019/02/05

ELAtik egoera hau oso larritzat jotzen dugu eta egoera honekin berehala amaitzea exijitzen diogu Hezkuntza Sailari, partxe txarrak eta sasi-egonkortasun proposamenak alde batera utziz eta arazo estrukturalei konponbide estrukturalak emanez, hau da, langileon ordezkariekin urteetan prekarietatera kondenatu dituen langileak kontsolidatzeko formulak adostuz.

Nafarroako Gobernuak deitutako EPEa berriz ere eskasa eta baztertzailea da

2019/02/04

ELAk gogorarazten du oraindik 2.400 bat plaza behar direla: krisiaren aitzakiaz suntsitu ziren lanpostuak berreskuratzeko, aurreko ratioekin jarraituz gero sortu beharko zirenak gehitzeko, behin-behinekotasuna %6ra jaisteko

Gizarte Ekimeneko ikastetxetan urtarrilerako deitutako zortzi greba egunek babes zabala jaso dute langileen aldetik

2019/01/25

ELA, STEILAS, CCOO, LAB eta UGT sindikatuok mezu argia bidali nahi diegu bai patronalei, baita Eusko Jaurlaritzari ere: bakoitzak dagokion ardura eta erantzukizuna bere gain hartu dezala, eta gatazka honi irtenbidea emateko neurriak har ditzala, langileen aldarrikapenei taxuzko erantzunak emanez eta akordioetara iristea posible egingo duten planteamenduak eginez.

ELAk ere Hezkuntza Itunaren Jarraipen Batzordean egoteko eskubidea duela ebatzi du Nafarroako Administrazioarekiko Auzi Epaitegiak behin behinean

2019/01/24

Hezkuntza Itunaren sinatzaileek —Hezkuntza Departamentua eta LAB, Steilas, AFAPNA, ANPE, CCOO eta UGT sindikatuak— Jarraipen Batzordean haiek bakarrik egotea erabaki zuten. ELAk demanda jarri zuen Hezkuntza Ituna deuseztatzeko eskatuz, negoziazio kolektiboaren eskubidea urratzeagatik; bada, demanda hori ebazten den bitartean, epaitegiak kautela-neurri hori hartu du.

Eusko Jaurlaritzak EAEko sektore publikoan galdutako erosahalmena berreskuratuko dela bermatu behar du

2019/01/24

Eusko Jaurlaritzak bere lege-proiektuan dakarren soldata-proposamena Sanchezen gobernuaren errege lege-dekretuan ezarritako gutxienezko mailakoa da. Lege-dekretu hori aste honetan bertan berretsi da kongresuan, eta Rajoyren gobernuak eta CCOO, UGT eta CSIF sindikatuek 2018ko martxoan sinatutako akordioaren kopia da. ELAk gogoratu nahi du eros-ahalmenaren galera %15aren ingurukoa dela EAEko administrazio publikoan.