Wold-Kafe solasaldia: Hezkuntza Publikoaren egoera eta aukerak

2017/09/21

LAB, ELA eta STEILASek deituta egungo hezkuntza publikoaren inguruko solasaldi irekiak burutu zituzten atzo Gasteizko Ama Zuriaren plazan. Bertan hezkuntza eragile ezberdinekin, langileekin, familiekin eta bertaratu diren herritarrekin hezkuntza publikoaren egoeraren inguruan jardun ziren.

325 ikasleri jaten emateko 3 langile besterik ez Iruña Okako JM Barandiaran ikastetxeko sukaldean

2017/09/08

325 ikasleri jaten emateko 3 langile besterik ez ditu jarri Hezkuntza Sailak Iruña Okako JM Barandiaren ikastetxeko sukaldean. Hezkuntza Publikoan sukaldari eta garbitzaileek bizi duten egoera prekario jasanezinaren adibide argia da ikastetxe honetan gertatzen ari dena. Hezkuntza Sailak neurriak jarri beharko ditu egoera hau berehala irauli dadin.

ELAk ez du sinatuko Nafarroako itunpeko irakaskuntzako lan-hitzarmena

2017/09/06

ELAk, Nafarroako sarean %14-ko ordezkaritza duenak, itunpeko langileen baldintzen atzerakada ekarriko duen akordioa ez sinatzea erabaki du. Erabaki hau hartzeko batzarra egin zen irailaren 4ean, ELAk ordezkaritza duen ia ikastetxe guztietako delegatu zein afiliatuak bildu ziren Hezkuntza Departamentuaren azken proposamena aztertzeko. Bertan bozken %70 azaldu zen akordioa ez sinatzearen alde.

Greba eta mobilizazioak udazkenean EAEko unibertsitatez kanpoko hezkuntza publikokoan

2017/09/06

ELA, LAB eta STEILAS sindikatuek mobilizazio ugari deitu dituzte datozen hilabeteotarako EAEko unibertsitatez kanpoko hezkuntza publikoan. Urrian zehar lurralde ezberdinetako hainbat ikastetxeetan itxialdiak egingo dira. Urriaren 28an familia eta herritarrekin batera manifestazioak egingo dira Gasteiz, Donostia eta Bilbon. Azaroko aste bakoitzean sektore jakin bateko egoera eta aldarrikapenak plazaratzeko “borroka asteak” antolatuko dira, aste bakoitzeko ostegunean dagokion sektorean greba eguna deituz. Azkenik, abenduaren 12an sektore guztietan greba deituko dute.

Xabier Irastorza (ELA): "Udazken beroa dator hezkuntzan, ikastetxeetako itxialdi eta guzti"

2017/08/31

ELAko hezkuntza arduradun Xabier Irastorzak euskal gehiengo sindikalaren protesta berriak iragarri ditu hezkuntzan ikasturte honetarako. Euskadi Irratiko Faktoria saioan egin ditu adierazpenak. Baieztatu duenez, ELAk, LABek eta STE-EILAS-ek murrizketak salatu eta aldarrikapenak sozializatzeko protesta molde eta elementu berriak erabiliko dituzte ikasturte berrian.

Nafarroako Gobernuak neurri ausartagoak hartu beharko lituzke hezkuntzan UPNk markatutako norabide neoliberala aldatzeko

2017/07/03

Aldaketaren gobernuak 2 urte daramatza Nafarroako Hezkuntza sistema gidatzen. UPNk markatutako norantza neoliberala desbideratu behako luke, orain arte hartu dituen neurriak baino ausartagoak hartuz. Orain arte emandako urratsak aztertu dituzte ELA sindikatuko Nafarroako hezkuntzako arduradunek, Iruñean eskaini duten prentsaurrekoan.

Ekainean eta irailetik aurrera mobilizazio berriak eta beste bi greba egun hezkuntza publikoko irakasle, heziketa berezia, haurreskola eta sukalde eta garbiketan

2017/06/13

Azken hilabeteetan EAEko unibertsitatez kanpoko hezkuntza publikoan eta haurreskoletan buruturiko greba eta mobilizazioek babes oso zabala jaso dute. Erabateko gehiengoa izan dira deialdiekin bat egin, greba egin eta kalera irten diren langileak, bai irakasleen artean baita Heziketa Bereziko langile, sukaldari eta garbitzaile nahiz Hurreskolak Partzuergoko langileen artean ere. Behin eta berriro esan dugun moduan, egungo hezkuntza publikoaren egoera larria da eta ezinbestekotzat jotzen ditugu egoerari buelta emateko plazaratu ditugun neurriak. Hezkuntza Sailari dagokio langileek, familiekin batera, kalean aldarrikatutako aldarrikapenei bide ematea, greba dinamiketan bat egin duten esparru ezberdin guzti horietako Mahai Negoziatzaileak deituta.

ELArentzat onartezina da Haurreskoletako zuzendaritzaren jokabidea ordezkoen zerrenda irekitzerakoan

2017/06/13

1.500 pertsonatik gorako hilara amaigabeak sortu dira partzuergoaren zuzendaritzak ordezkapenetarako zerrendak egun batetik bestera ireki, izen emateko epea 2 egunetara mugatu du eta ordezkapenak izen-emate hurrenkeraren arabera egiteko hartu duen erabakiaren ondoren. Pertsona ugari plaza lortzeko aukera ukatu zaie meritu nahikoa izan arren.