Albisteak

ELA, STEILAS, CCOO eta EHIGE eragileek, Ordiziako udalerriko matrikulazio prozesuan egon diren irregulartasunak salatzeko Fiskaltzan izan dira. Bertan, irregulartasun larriak jasotzen dituen txostena erregistratu dute justiaziak bere lana egin eta legearen betearazpenean esku har dezan.

ELA, STEILAS eta CCOO sindikatuen iritziz EAEko Itunpeko Irakaskuntzan azaroaren 8an lorturiko akordioa inoiz ez bezalakoa izan da, eta akordioaren giltzarriak langileen antolamendua eta grebak areagotzea izan direla adierazi dute. "Akordioaren gakoa mobilizazioen dinamika izan da, 29 greba-egun behar izan dira helmugara iristeko. Langile horiek 10 urtez egon dira beren hitzarmena berritu gabe, eta grebari eta grebalariei esker, eskakizun nagusiak eskuratu dituzte. Horrek oso eragin onuragarria izango du lan-baldintzetan, eta ondorioz, ikasleen hezkuntzaren kalitatean" ziurtatu dute.

29 greba egun behar izan dira ELA, STEILAS eta CCOO sindikatuek Gizarte Ekimeneko ikastetxeetako patronalekin akordioa itxi eta 10 urteren ondoren hitzarmena berritzeko.

EAEko itunpeko irakaskuntzan %97ko ordezkaritza duten ELA, Steilas, CCOO eta LAB sindikatuen proposamenez prozedura bat jarri da abian Lan Harremanen Kontseiluan, sindikatu, patronal eta Hezkuntza sailaren parte hartzearekin. ELAk salatu nahi du prozedura horrek gaur gaurkoz ez duela fruiturik eman.

ELA, STEILAS, CCOO eta LAB sindikatuek hilabeteko grebaren deialdia erregistratu dute gaur goizean Eusko Jaurlaritzaren Bilboko egoitzan. Azaroaren 7tik abenduaren 5era arte joango da greba berri hori, EAEko Gizarte Ekimeneko Ikastetxeetan. Greba-deialdia erregistratzea ezinbestekoa zen, epeak direla-eta, grebaren legezkotasuna ziurtatzeko. Dena dela, greba egiteko aukera hori LHKan, datorren astelehenean, egingo den bileraren menpe dago, bilera horretan eta adierazitako datetan aurrerapen nabaririk ematen diren edo ez diren ematen arabera; baina edonola ere sindikatuen negoziazio-borondatea ez da aldatu, beti bezalakoa da.

Azaroaren 7tik abenduaren 5era greba egongo da EAEko Itunpeko Irakaskuntzan; tarte horretan akordioa lortu ezean grebek eta mobilizazioek jarraituko dute.

Irakasleen ordezkapenak esleitzeko Jaurlaritzak ezarritako Ordezkagune sistema telematikoak huts egiten jarraitzen duela salatu du ELAk Jaurlaritzaren Bilboko delegaritzaren aurrean. Hezkuntza publikoko benetako arazo larria den behin-behinekotasun tasa altuari (%40) aurre egin beharrean partxeak eta neurri sasi berritzaileak jartzea leporatu dio sindikatuak Jaurlaritzari.

50 langiletik gora bi Ikastolen itxieragatik kaleratuak izan dira, lan kargak gero eta eraman ezinago izaten jarraitzen dute, soldatak finantziazioari lotuak daude eta galdutako erosi-ahalmenaren berreskurapenak urrun dirau. Pasa den Abenduan, Partaide eta EIB Ikastoletako patronalek eta LAB sindikatuak (Ikastoletan gehiengoa du) EAEko ikastoletan 2018-2019 urteetarako sinatu zuten akordioa berretsi zuten irailaren 30an bere edukia Lan hitzarmenean txertatuz.

ELAk deiturik Hezkuntza Publikoko irakasleek kontzentrazioa egin dute Lakuan, Ordezkagune EAEko Irakaskuntza Publikoko esleipen sistemaren kudeaketa txarra salatzeko. Era berean, irakasleek bizi duten prekaritatearekin eta %40ko behin behinekotasunarekin amaitzea eskatu du sindikatuak. "Maiatzean bezala, orain ere irakasle askoren kexak jasotzen ari gara; argi dago Ordezkagune sistemak dituen arazo asko inprobisazioaren ondorioa direla", baieztatu dute ordezkariek.

Haurreskolak Partzuergoko kudeaketako langileek greba deitu dute irailaren 2tik 6ra. Iragan ikasturtean hainbat mobilizazio burutu zituzten langileek, eta horien ondorioz aurrerapauso batzuk lortu dira. Halere, enpresak zenbait gai konpontzeko asmorik gabe jarraitzen du, epeak etengabe atzeratuz.

ELA Bangkoken (Tailandia) uztailaren 19tik 26ra ospatzen ari den Hezkuntzaren Nazioartekoaren 8. Munduko Kongresuan parte hartzen ari da. Kongresuak 1200 partehartzaile inguru bildu ditu. Hezkuntzaren Nazioartekoa mundu mailako hezkuntzako sindikatuen federaziorik handiena da eta 170 herrialde eta lurraldetako 32 milioi langile baino gehiago ordezkatzen ditu.

Bakoitzari dagokion arduraz jokatuz eta langileen eskaerei erantzunez, gatazka honi irtenbide egokia ematea exijitu diete Patronalari eta Hezkuntza Sailari. Sindikatuek ordezkaritzaren %97 osatzen dute eta hurrengo ikasturtera begira mobilizazioak lantzen jarraituko dutela iragarri dute. Protesta ekintzak publiko egingo dituzte behin erabakita dituztenean.

UGTk, aldebakarrez eta ELA, STEILAS eta LABekin adostu gabe, Eusko Jaurlaritzako Lan Sailaren bitartekaritza eskatu du. Kontuan hartu behar da, gainera, sektore honetan ordezkaritzaren gutxiengoa duela UGTk (%3ko ordezkaritza dauka). ELA, STEILAS, CCOO eta LABek, bere aldetik, bilerekin jarraitzen dute, eta adierazi dutenez, hurrengo ikasturterako pausoak eta mobilizazioak landuta eta adostuta dituztenean egingo dituzte publiko.

Duela urtebeteko hezkuntza publikoko akordioek mobilizazioak bertan behera uztea besterik ez dute lortu eta sektore ezberdinetako egoerak okerrera egin du. ELAtik LAB eta STEILASi eskua luzatzen diegu greba eta mobilizazioak aktibatu eta Eusko Jaurlaritza hezkuntzak dituen oinarrizko beharrei erantzutera behartzeko

Patronalak mahaira proposamen eta planteamendu berririk gabe etortzeak agerian utzi du, beste behin ere, negoziaketarako borondaterik ez dutela. Bileran ELA, STEILAS, CCOO, LAB eta UGTk patronalei arduraz jokatzeko eskatu diete, adostasunak erdiesteko borondatea adierazi dute eta martxoaren 27an aurkeztutako giltzarrien dokumentuan jasotako ildoetan oinarritutako planteamenduak egitea eskatu diete.

ELA, STEILAS, CCOO, LAB eta UGTk agerraldia egin dute Legebiltzarrean; bertan, talde desberdinei gatazkaren egoeraren berri eman diete, eta patronalak adostasunetara iristeko erakusten ari diren borondate eza zein hezkuntza sailaren inplikazio gabezia salatu dute.

ELA, STEILAS, CCOO, LAB eta UGTren ustez, gobernuak maiatzaren 29an Gasteizen ospatutako bilera gatazka honetan eskuhartzeren bat izaten ari denaren itxura hutsa egiteko erabili nahi izan du. Hezkuntza sailak lanpostua gal dezaketen langileen ustezko birkokapenerako aurkeztuta duen planteamenduak ez du zerikusirik orain dela lau urte sindikatuok helarazi genionarekin. Are gehiago, egun indarrean dagoen birkokapenerako akordioak jasotzen dituen edukiekiko atzerapauso bat suposatzen du, eta birkokapen eraginkor eta kalitatezko baterako berme minimorik ez du jasotzen.

Maiatzak 30ean Lan Harremanen Kontseiluan izango den bilera batera deitu dituzte Gizarte Ekimeneko sindikatuek patronala eta Hezkuntza Saila "bakoitzak daukan ardura bere gain hartuz, zintzotasunez jokatu eta akordioak erdiestea ahalbideratuko duten planteamendu eta proposamenak ekartzera gonbidatuz". Sindikatuek gogora ekarri dutenez, maiatzak 8 eta 9ko greben ondoren ez da inolako harremanik izan sindikatu eta patronalaren artean.

Maiatzaren 10eko negoziazio-mahaiaren bilera irregulartasunak salatu zituen ELAk. Hezkuntza Sailaren arduragabekeria haratago doa, eta zazpi greba egun ondoren, gai zerrendan bi puntu besterik ez zituzten sartu: aurreko bileretako aktak sinatzea eta EPEa. Eta bi puntu hauetan ere etxeko lanak egin gabe etorri ziren. Izan ere, aktarik ez zuten ekarri sinatzeko eta EPEaren inguruan ere ez zuten proposamen zehatzik ekarri, urte amaierarako deialdia egingo dutela besterik ez (ez zenbat lanpostu aterako dituzten, noiz izango diren, EPE ereduaren proposamena, langileen kontsolidazio planteamendua...). Beste behin ere, eta mahaian gertatu dena ikusita, gainerako sindikatuei greba eta mobilizazioetara batu daitezen dei egiten die ELAk.

ELAren salaketaren arabera, zentro horiek 3,5 milioi euro baino gehiago desbideratu ahal izan dituzte, ikasturte bakoitzeko, Eusko Jaurlaritzak beste alde batera begiratzen zuen bitartean.

ELAk greba eta mobilizazioen bidea jorratuko du, hori baita murrizketei eta prekarietateari aurre egin eta hitzarmen berri bat lortzeko bide bakarra. Lan-legepeko irakasle eta Heziketa Bereziko langileen hitzarmena 2003an sinatu eta 2004an publikatu zen; sinatu zenetik 16 urte igaro direnean, Hezkuntza Sailarentzat lan egiten duen kolektibo honen lan-baldintzak gero eta prekarioagoak dira.

Segregazioaren arazoaren aurrean Eusko Jaurlaritzak aniztasunaren kudeaketa egokia egitetik urrun, dauden desorekak areagotzen dituen erabakiak hartzen ditu. Azken urte hauetan jatorri ezberdinetako ikasleak eskolatzerakoan sortzen ari diren desorekak ekiditeko ez du inolako neurririk hartu, horrela hiri, herri edo auzo batzuetan segregazio egoera nabariak sortuz, bereziki Eskola Publikoaren kaltetan. Iazko azaroan aurkezturiko `Atzerritar jatorriko eskolatzea EAEko eskola-sisteman. Diagnostikoa eta esku hartzeko neurri berriak´ azterlanean jasotako neurriek apenas izan dute eraginik egoera bideratzen hasteko.

Gizarte Ekimeneko ikastetxetako gatazkari irtenbide duin bat emateko asmoz ELA, STEILAS, CCOO, LAB eta UGT sindikatuok deitutako bilerara ez aurkeztea erabaki dute patronalek eta Eusko Jaurlaritzak. Proposamenak definitibo gisa aurkeztuz, bileretara joan gabe eta Hezkuntza Sailak bere ardura saihesteko bidea erraztuz adostasunak ez dira posible izango.

ELAk gatazkari irtenbidea emateko neurriak har ditzatela eskatzen die Patronalei eta Hezkuntza Sailari, langileen aldarrikapenei tajuzko erantzunak eman eta akordioak erdiestea ahalbideratuz.

Segregazio egoera nabaria duten eskola batzuetan desoreka areagotzen duten irregulartasun larriak ari da egiten Hezkuntza Saila.

ELA, STEILAS, CCOO, LAB eta UGT sindikatuok langileak animatzen ditugu datorren asteko greba egunak babestera.

ELAk behin eta berriz salatu bezala, Eusko Jaurlaritzak lanpostuen %11 inolako arazorik gabe murriztu dezake eta ratioen muturreko politika egiten jarraitzeko eskuak libre ditu. Hau ikusirik, ELAk proposamen zehatzak luzatu dizkio Jaurlaritzari: beharrezkoak diren 973 ikastalde eta bermedun 2.388 lanpostu sortzea.

Langileen aldarrikapenei tajuzko erantzunak emanez, gatazkari irtenbide egoki bat emateko erantzukizuna, giltza eta aukera patronal eta Hezkuntza Sailak dutela adierazi dute ELA, STEILAS, CCOO, LAB eta UGT sindikatuek Donostian manifestazioa abiatu aurretik. Gizarte Ekimeneko langileek 10 urte daramatzate lan hitzarmena berritu gabe, 10 urte soldata izoztuta eta lan kargak gero eta handiagoak dira. Bestalde, jaiotze tasaren jaitsiera medio, lanpostu galera garrantzitsua aurreikusten da datozen urteetarako.

Hauteskunde hauek erabakiorrak izango dira hezkuntza publikoko sektore desberdinetan nahi dugun eredu sindikala: alde batetik, Hezkuntza Sailaren interesetara moldatzen den eta mobilizazioa baztertzen duen negoziazio kolektibo eredu bat lehenesten duen eredu sindikala dago; bestetik, kontrabotereko eredu sindikal bat, langileon lan-baldintzak hobetuko dituen benetako edukiz osatutako negoziazioa lortzeko  mobilizazioa ezinbestekoa dela ulertzen duena.