Albisteak

Abadiñon izan da manifestazioa, jaiekin bat eginez, eta 300 lagun inguru batu dira. Asteburuan mobilizazioekin jarraituko dute eta, astelehenean, elkarretaratzea egingo dute Bilbon.

ELAk metaleko langileen borroka nabarmendu du, ekoizpena gelditu eta kaleak bete zituztelako: horrela baino ezin dira lortu akordioan hobekuntzak.

ELAk gogorarazten du eduki ia berdinekin orain dela bi hilabete beste sindikatuak grebaren alde zeudela. Orain, aldiz, sinatzeko prest daude, eszenifikazioa aldatuta.

ELA sindikatuak deituta, Bizkaiko adinekoen etxeetako langileek 8 eguneko greba deialdiari hasiera eman diote, manifestazio jendetsu batekin, Eusko Jaurlaritzatik Bizkaiko Foru Aldundira.

Eusko Jaurlaritzaren azken proposamena duela astebetekoaren oso antzekoa da. ELAk uste du Eusko Jaurlaritzaren bitartekaritza prozedura ez dela onuragarria sektoreko langileentzat, eta langileak desmobilizatzeko tresna hutsa izaten ari dela.

Bizkaibusen zerbitzua ematen duen Avanza Durangaldea enpresakoa da gidaria eta urtarrilaren 21ean sufritu zuen berbazko erasoa, NON klub ezagunetik gertu. Poliziak lagundu behar izan zuen ibilgailua husterako orduan.

Udal, mankomunitate eta patronalen pasibotasuna salatu nahi du Euskal Sindikatuak. 2016tik ez diete Hitzarmena berritu langileei, profesional gehienak emakumezkoak diren sektore honetan.

Egoitzek irabaziak puzten jarraitzeko, tarifak %6,5 eta %10 artean handitu dituzte, kasu askotan, hilean 300€ baino gehiago garestituko da plaza bakoitza.

Proposamenak ez du bermatzen urtero KPIa igoko denik sektore osoan. Hurrengo bilera urtarrilaren 27an izango da, 10:00etan. ELAk greba aktibatu nahi du, patronalak nabarmen hobetu dezan azaroaren 25ean aurkeztu zuen proposamena.

Enpresak langileei jakinarazi berri die hartzekodunen aurrekonkurtso bati egin beharko dietela aurre. Ostiralean, urtarrilaren 20an, lehen mobilizazioak egingo dira enpresan

Aldeak hurrengo bilerarako geratu dira, urtarrilaren 23rako. ELAren ustez, mobilizazioaren eta greben bidez bakarrik lortu ahal izango da FVEMek bere azken proposamena nabarmen hobetzea

FVEMek sektoreko aberastasuna modu justuan banatzeari uko egin ostean, sindikatuak ziurtatu du grebek eta mobilizazioek jarraipena izan behar dutela.

Pandemian ezinbesteko ziren langileen erosahalmenak hilean 300 euro egin du behera 2019tik hona. Dibertsitate-funtzionala duten 5000 pertsona laguntzen dituzte, hilean, Bizkaian diharduten 600 langilek. Enpresa batzordean dauden ELA, LAB eta ESK sindikatuek deitu dute lehen greba eguna eta, egoera aldatu ezean, mobilizazioek jarraituko dutela adierazi dute.

Euskal Sindikatuak %40ko ordezkaritza du Bizkaiko Metalean baina, hala ere, komunikabideen bidez jaso du CCOO, LAB eta UGTk Eusko Jaurlaritzari egindako bitartekaritza eskaeraren berri. Lan Sailari, aipatu hiru sindikatuei eta patronalari gardentasuna eskatu die.

Zazpiehun langile baino gehiagok egin dute bat Alsa eta Vectaliaren kudeaketaren aurka egindako geldialdiarekin. ELAk Batzar Nagusietako talde politiko guztiei eskatu die, bilera presentzialean, multinazionalok sortutako gatazka horren konponketan esku hartzeko.

Gaur, aurtengo hirugarren greba egunean, Bizkaiko ELZko langileak manifestazio jendetsuaren protagonista izan dira Foru Aldunditik Bilboko Udaleraino, ELAk Bizkaiko egoitzetan dituen ordezkarien babesarekin.

Bizkaiko Etxez etxeko laguntzaren sektoreko enpresa nagusietako bat den Aztertzen enpresaren Bilboko egoitzaren aurrean kontzentratu dira langileak. EAEko hiru hiriburuetako udalek enpresa hori kontratatzen dute. Bilbon bakarrik, Aztertzen-eko plantillan 300 langile baino gehiago daude, eta zortzi urte daramatenak hitzarmenik gabe.

Urteko lehen greba-egunean, Bizkaiko Etxez-etxeko laguntzaren langileak EUDELen egoitzaren aurrean kontzentratu dira; izan ere, EAEko udalerrien elkartea delako langileen erosteko ahalmenaren %11,20ko galeraren erantzulea.

ELAk abenduaren 24rako deitutako grebaren ondoren, Clarel dendetako langileek −makillaje, kosmetika eta lurrin dendak− beste bi greba egun egingo dituzte abenduaren 31n eta urtarrilaren 5ean, Bizkaiko lokaletan lanpostuak suntsitzen ari direla salatzeko.

Abenduaren 21ean, Siemens Gamesaren Enplegu Mahaiaren azken bilera izan zen. Enpresak Hitzarmen Kolektibo bidez aktibatu behar du, edozein enplegu suntsiketa egin aurretik. Bertan parte hartu duten sindikatuek Siemens Gamesako langileen egonkortasuna bermatzea zuten helburu, baina ELAk kritikatu du UGTk eta CCOOk lortutako akordioak ez duela baldintza hori betetzen. Era berean, ELAk adierazi du irteera traumatikoei ere ez zaiela atea erabat itxi, borondatezkotasuna izango baita lehentasunezko irizpidea, baina ez bakarra.

Bizkaiko Etxez Etxeko Laguntza Zerbitzuko langileek 56 greba-egun egin dituzte dagoeneko, sektoreko patronalek negoziazioarekin interes eta errespetu falta erakutsi dutenagatik.

Bizkaiko zahar etxeetan ELAk deitutako greba asteari amaiera emateko, manifestazio jendetsua egin dute Bilbon, baita mosaikoa ere, iaz berriro gatazka hasi zenetik egin den 21. greba egunean. Aste honetan, langileek hainbat ekitaldi antolatu dituzte herritarrei euren errealitatea ezagutarazteko, eta gaur, abenduaren 23an, manifestazioa egin dute Bilbon. Manifestazioa 11: 30ean abiatu da Aldunditik, Arriaga Antzokian amaitzeko. Bertan, amaierako ekitaldi hunkigarria egin dute, eta amaieran, 60 langilek mosaiko bat egin dute honako leloarekin: 'Gu gabe ez dago zaintzarik. Erresidentziak borrokan!'.

Bizkaiko bulegoen sektoreko langileek manifestazioa egin dute Bilbon, duela hamar urte bertan behera geratu zen hitzarmena berritzeko. Langileak kalera atera dira, ELAk (%40tik gorako ordezkaritza), CCOOk, LABek, UGTk eta CGTk deituta, enpresak eta administrazio publikoak interpelatzeko eta sektorea pobretzeari utzi diezaioten eskatzeko. Izan ere, soldata izoztuta daukate eta eroshalmenaren %15eko galera metatzen dute.

FVEMekin egindako bileran, patronalak eutsi egin dio azaroaren 25eko proposamen eskasari. ELAk greba mugagabea lehenbailehen deitzeko beharra adierazi die CCOO, LAB eta UGTri.

San Tomas eguna dela eta, Bizkaiko erresidentzietako langileek Bilboko alde zaharrera eraman dute protesta. 11:00etatik aurrera marea berde jendetsua eta goiz osoan zehar kalejira Bilboko zazpi kaleetan zehar egin dute, bertan zeuden pertsonen babesa jaso dutelarik.

ELAk oso positibotzat jo du hitzarmena berritu ez duten Bizkaibuseko 6 operadoreetatik 4tan egiten ari diren greba, jarraipen osoa izaten ari baita.

Autobus lineen kontzesioa duten beste enpresa batzuekin sinatu egin ditu jada ELAk KPIaren gaineko igoerak. Aldundiari eskatu dio multinazionalen xantaien aurrean men egin ez eta esku har dezan.

Bizkaiko bulegoetako langileek mobilizazioei ekingo diete berriro. Sektoreko langileek 10 urte daramatzate hitzarmenik gabe. Gauzak horrela, berriz ere mobilizazioetara jotzea erabaki dute eta ELA, CCOO, LAB, UGT eta CGT sindikatuek abenduaren 22rako Bilbon deitutako manifestazioarekin bat egingo dute.

Bizkaiko zahar-etxeetako langileek manifestazioa egin dute gaur Bilbon, langileen ratioa egoitza publikoekin parekatzea eta baldintza duinak aldarrikatuz. Jardunaldia txistualdi handi batekin amaitu da Bizkaiko Foru Aldundiaren aurrean.

ELA sindikatuak abenduaren 14tik 17ra Osakidetzako garbikuntza zerbikuntzan deitutako grebak jarraipen handia izaten ari da. Negoziazioa desblokeatzea eta garbitasuneko lantaldeari karrera profesionala ordain diezaiotela eskatzen dute langileek.