Albisteak

Eusko Jaurlaritzak plazaratu duen eskola jangelak guraso elkarteen bidez zuzenean kudeatzeko aukera zabaltzeko asmoa. Azken hilabeteetan ELAk sei aldiz eskatu dio Eusko Jaurlaritzari, gai honen inguruan duen asmoa azaltzeko, ekarpenak egin eta eztabaidatu ahal izateko. Prentsaren bitartez ezagutu ditugu, ordea, bere asmoak. Sindikatuak eredu jakin bat defendatzen du: elikadura burujabetzan oinarritutakoa, jangelak hezkuntza espazioak izango dituena eta enplegu duina mantenduko duena.

Komisaldegi eta eraikin judizialetako garbikuntza zerbitzuetako langile grebalariek manifestazioa egin dute Atotxako epategitik hasita, San Martineko epategiraino, Donostian, kale-garbikuntzako langileekin alderatuta jasaten duten soldata arrakala ezabatu dezaten exijitzeko. Komisaldegietako langileekiko %13ko aldea dago euren soldatatan; %7koa eraikin judizialekiko.

Abenduaren 22tik greba mugagabean daude UBIK Tabakalerako liburutegiko bitartekariak, ez enpresa ez tabakaleraren eskutik inongo proposamen berririk jaso gabe.

CEBEKek ateak itxi dizkio negoziazioari. Izan ere, Bizkaiko Bulegoetako hitzarmen probintzialera ekarri nahi du estatuko hitzarmenen miseria eta prekarietatea. Horren berri izan dugunean, gainontzeko sindikatuei azaldu diegu beharrezkoa dela denok batu eta greba mugagabeari ekitea.

Pompaelo, Villa de Castejón eta El Torok azpikontrataturiko garbitzaileak euren plantilletan hartu behar dituzte; egun, 3 euro baino gutxiago ordaintzen diete gela bakoitzeko

Berrriki Bilboko NH eta Barceló-Nervión hoteletako langileek garaipen sindikal handia lortu dute. Landeiaren azken aleak gai honen inguruko erreportaje zabala jasotzen du.

Hogeigarrengo aldiz Bizkaiko Bulego eta Langelen Hitzarmena negoziatzen duen mahaia bildu da. CEBEKek egin zuen deialdia, ustez proposamenen bat ekartzekoa baitzen ELAk greba hasi aurretik aurkeztu zuen plataformari erantzuteko. Haatik, CEBEKek ez du inolako proposamen konkreturik egin. Areago, patronalak adierazi du bere asmoa dela “estatuko hitzarmena Bizkaiko probintzialera ekartzea”. Negoziatzen jarraitzeko beste bilera bat egiteko aukera aipatu ere ez du egin.

NH Villa de Bilbao eta Barceló Bilbao Nervión hoteletako gela garbitzaileak greban zeuden joan den azaroaren 2tik hona, beren lan-baldintzak hobetze aldera. Soldatak Constant taldearen estatu mailako lan-hitzarmenekoak ziren.

Dendak jai egunetan zabaltzearen kontrako testu bateratua aurkeztu dute hainbat eragilek Bilbon. Besteak beste, honako hauek izan dira: ELA, LAB, CCOO, UGT, ESK eta CGT sindikatuak; Euskaldendak plataformaren parte diren elkarteak; GAREN-i atxikitako merkatarien elkarteak; EKA/ACUV eta EKE kontsumitzaileen elkarteak; Bilboko Auzokideen Elkarteen Federazioa; Donostiako Bizilagunekin Plataforma; REAS (Euskadiko Ekonomiaren Sare Alternatibo eta Solidarioa); Ernai eta SOS Alde Zaharra elkarteak.

ELA izan da ordezkaritza handiena lortu dituen sindikatua. Duela lau urtetako emaitzak hobetu ditu abenduaren 17an egindako hauteskunde sindikaletan. Nahiz eta ordezkari gutxiago hautatu, ELAk bere ordezkaritza hobetu du Gipuzkoa eta Bizkaian. Araban egungo ordezkaritza eskuratu du.

Bizkaiko Bulego eta Langeletako sektorean deituta dagoen grebaren lehen eguna izan da abenduaren 12a. Lantokiak hain atomizatuta dauden arloan datuak biltzea zaila den arren, ziurtatu dezakegu grebak jarraipen handiz izan duela, baita ELAk beste sindikatu batzurekin deitu izan dituen grebetan baino handiagoa ere. Oraingoan beste sindikatuek uko egin diote grebari, eta ELAk, sektorean nagusi delarik, bakarrik deitu du.

ELAk garbiketaren hitzarmenaren negoziazioan soldata-arrakala (2.803 euro urtean) ezabatzea proposatuko du. Eraikin eta lokaletako sektorea oso feminizatua dago (langileen %95a emakumeak dira, horien %70a lanaldi partzialarekin) kale-garbiketaren sektorearekin alderatuz gero. Soldata-arrakala hori irudika daiteke esanez langile emakumeek doan egiten dute lan urtero urriaren 26tik aurrera.

Enpresarekin negoziazioetan aurrera egin ez dutenez, Ubik sorkuntza liburutegiko bitartekariek egun osoko greba egingo dute abenduaren 14an, eta greba mugagabea iragarri dute datorren abenduaren 22tik aurrera.

Eusko Jaurlaritzako Segurtasun eta Justizia Sailetako garbikuntza zerbitzuko langileek soldata-arrakalaren kontrako borrokarekin jarraitzen dute. Gipuzkoan zehar egin dituzten bi oinezko martxen ondoren, Eusko Legebiltzarrara eraman dute protesta. Era berean, Legebiltzarreko hainbat talderekin bilerak hitzartu dituzte, beren egoeraren berri emateko.

Enpresarekin elkartu ostean, eta negoziaketetan inongo aurrerapenik egon ez denez, Donostiako Ubik sorkuntza liburutegiko bitartekariek hirugarren lanuztea egin dute ELAren babespean abenduaren. Bi orduko lanuztea izan da.

CEBEk patronalak bere jarrera aldatu ezean, datorren abenduaren 12an Bizkaiko bulegoetako greba hasiko da. Kontuan hartu behar da grebarako eskubidea eta zerbitzu minimoak izateko eskubidea bateratzea bereziki konplexua dela sektore honetan, alegia, ondo ezagutu behar dela sektore hau gutxieneko zerbitzu egokiak ezartzeko. Izan ere, bulego eta langeletako lana kasu askotan ezezaguna bada ere, egunerokotasunean pertsona askok egiten dituzten lanekin estuki lotuta dago, hortaz, bereziki garrantzitsua da greba hasi aurretik batzordearekin biltzea gutxieneko zerbitzuak modu egokian ezartzeko. Eusko Jaurlaritzak, ordea, ez du bildu nahi.

ELAk greba mugagabea deitu du Bizkaiko Bulego eta Langeletan abenduaren 12tik aurrera. Erabakia Bilbon ospatu den ordezkarien batzarrean hartu da. Bizkaiko bulego eta langeletako lan hitzarmena 2012a ezkero berritu gabe dago. Garai hartan, onartu berri ziren lan erreforma guztiak baliatu zituen CEBEkek hitzarmena hiltzat jotzeko.

Langileek elkarretaratze bat egin dute Lakuan, Eskola Jantokien Kudeaketa Zuzeneko ordezkariekin biltzea eskatzeko. ELAk dei egingo die sektoreko gainerako sindikatuei mobilizazio bateratuak antolatzeko; izan ere, Eskola Jantokien Kudeaketa Zuzenaren Sektorearen egoera larria da.

Lehengo etapa Oiartzundik Donostiara izango da eta bigarrena Eibarko epaitegitik Bergarako epaitegira. Beren proposamena da Eusko Legebiltzarrera eramatea proposamen bat gatazkaren konponbidea exijitzen duena. Komisaldegietako eta epaitegietako garbikuntza zerbitzuko langilek greban daude pasa den irailaren 19tik pairatzen duten soldata-arrakala ezabatua izan dadin, ELA, ESK, LAB eta UGT sindikatuen babesarekin. Greban eman dituzten 70 egun hauetan, ez segurtasun sailak, ez Justizia sailak ez dute nahi izan langileekin bildu. Garbialdiri dagokionean, enpresa esleipenduna, greba hasi zenetik hilabete oso bat igaro zen berriro negoziazio‑mahaian eseri zen arte, eta gainera, erosahalmena mantentzea bermatzen ez duten proposamenak ekartzeko.

Bizkaiko bulego eta langeletako hitzarmenak sinatu gabe jarraitzen duela salatu dute Euskaduna Jauregiaren atarian, Bilbon; izan ere Basque Industry 4.0 ekitaldia ospatu da bertan. ELAk salatu duenez, ekitaldi horretan parte hartzen ari ziren enpresa horiek dira, hain zuzen, langileak bost urtez soldata igoerarik gabe utzi dituzten enpresak.

Komisaldegi eta eraikin judizialetako garbikuntza zerbitzuetako langile grebalariak kontzentrazioa egingo dute Bergarako Epaitegiaren aurrean kale-garbikuntzako langileekiko jasaten duten soldata arrakala ezabatua izan dadin: %13koa komisaldegietako langileekiko eta %7koa eraikin judizialetakoekiko.

Lan Ikuskaritzak arau hauste-aktak egin ditu NH Villa de Bilbao, Barceló Bilbao Nervión, Grupo Constant eta Cor outsourcing enpresen aurka. Dokumentazioa aztertu eta enpresa horietako arduradunekin izandako elkarrizketa prozesu luze baten ondoren ikuskariak erabaki du hotel bakoitzean era koordinatu eta adostuan jokatu eta hautsi dituztela arauak, bi hoteletako garbitasuneko langileen greba eskubidea indargabetzeko asmoz.

Langela eta Bulegoetako hitzarmenaren blokeoa salatu du ELAk; izan ere, 24.000 langileengan eragina duen lan hitzarmenak sinatu gabe jarraitzen du. Patronala pasa den irailean negoziaketa mahaitik altxatu zen eta ez du negoziaketan jarraituko baldin eta langileok ez badugu onartzen lan baldintzen murrizketa bat. Guzti hori eskatzen dute enpresek, etekin handiak dauzkaten momentu batean, hain zuzen ere. Hori dela eta, Euskalduna Jauregiaren aurrean elkarretaratzea egin dute ordezkariek LIBRECONen 8. Kongresua hasi aurretik, sektoreko enpresa asko egon baitira bertan.

Ehunka pertsonaren elkartasuna jaso dute Bilboko NH eta Barceló hoteletako grebalariek; izan ere, 15 egun bete dituzte greba hasi zutenetik. Adolfo Muñoz `Txiki´ idazkari nagusiak ere parte hartu du manifestazioan. Mobilizazioaren bidez grebalariek bizi duten prekarietate larria salatu nahi da: 2,5 euro baino ez dute kobratzen garbitzen duten logela bakoitzeko, eta 800 euroko soldata jasotzen dute hilero (kasurik onenetan), aparteko ordainsariak barne.

Barceló kateak bere jarrera errepresiboa areagotu du Bilbao Nervión hotelean gelak garbitzen dituzten langileen kolektiboaren aurka; epaitegietan demanda jarri du, epaileek greba legez kanpokoa dela ebatzi dezaten. Kateak helburu bakarra dauka: joan den azaroaren 2an langileek euren lan- eta bizi-baldintzak hobetzeko hasi zuten greba legez kanpokotzat deklaratzea epaitegiak.

9 hilabeteko grebaren ondoren, Tolosaldea Bus enpresako langileek akordio bikaina lortu dute, besteak beste %15etik gorakoa den soldata-igoera. Gainera, akordioan, lan-erreformatik blindaturik uzteko aurrera-eragin mugagabea sartu da; baita enpresak bere kabuz hitzarmena salbuesterik ez izateko klausula ere.

ELAk salatzen du NUPeko zuzendaritzak legez kanpoko baldintza-plegu bat egin izan duela, Nafarroako Kontratu Publikoen Legea bete gabe (hala erabaki du Nafarroako Administrazio Auzitegiak). Horregatik, zerbitzua eskaintzen duen enpresaren langileek (Limpiezas Maju, 13 ordezkarietatik, 7 dira ELAkoak) mobilizazioak abiatu dituzte. ELAk eta LABek azaroaren 14an, asteazkenean, kalejira zaratatsua antolatu dute (goizeko 8etan, NUPeko ikasgela-eraikinetik)

Garbikuntza sektoreak dituen aldarrikapen nagusi gisa kokatu nahi dugu lan bera egiten duten sektoreen artean dagoen arrakala desagerraraztea. Sindikatu honen iritziz soldata desberdintasun hau ez da kasuala; bere zergati bakarra generoarekin lotuta dago. Sektorerik feminizatuenetan daude soldata okerrenak eta kontratu prekarioak (lanaldi partzialekoak). Soldata desberdintasun hau arazo politiko larria da. Soldata aldea 3,500 eta 6.000 euro bitartekoa izan daiteke garbikuntza alorrean, hitzarmen eta lurraldeen baitan. Hots, aldea %35 gutxiago izatera hel daiteke.