Asteburu honetan Ondarroako Itxasaurre kaleko eraikin bateko fatxada birgaitzeko lanetan izandako lan heriotza salatu du ELAk. Izan ere, Zero Plus Nzeb Berrikuntzak enpresako langile bat hilik aurkitu zuten atzo etxebizitzetako batean. Jada 23 dira lanean hildako langileak. Elkarreratzea egingo da maiatzaren 5ean, ostegunean, Ondarroan.

Gasteizko Linamarreko (lehengo Uribesalgo) ekoizpen lanetan ari diren langileen % 100ak bat egin du enpresa batzordeak hitzarmenaren alde deitutako greba mugagabearen lehen egunarekin. Batzordeak salatu du zuzendaritzak lan baldintzak prekarizatzen jarraitzen duela.

Prekaritateak langileak hiltzen dituela eta lan heriotzak salatzeko, ELA, LAB, ESK, STEILAS, Etxalde eta Hiru sindikatuek manifestazioa egin dute gaur Bilbon eta Iruñean, Nazioarteko laneko segurtasun eta Osasunaren egunean. Eta lore eskaintza batekin omendu dituzte hildako langileak.

Etxetek zerbitzuko langileek elkarretaratzea egin dute gaur goizean Txara II egoitzaren aurrean, lehenengo greba txanda honi amaiera emateko. ELAk positibotzat jo du negoziazioen blokeoa salatzeko egindako greba-egunen jarraipena. Zerbitzu teknikoko langile guztiek egin dute bat grebarekin, eta horrek biltegitik zerbitzurik ez egotea eragin du. Hurrengo greba deialdia maiatzaren 4, 5 eta 6rako da.

Mendekotasunaren sektorean ordezkaritza handiena duten ELA, UGT, LAB eta CCOO sindikatuek bai patronalari bai Nafarroako Gobernuari Nafarroako Hirugarren Adineko Zentroen Sektoreko Hitzarmen Kolektibo Sektorial eta Autonomikoa eskatzen jarraitzen dugu.

ELAk deituta Gipuzkoako ehungintza merkataritzako langileek elkarretaratzea egin dute Adegi egoitzaren aurrean, patronalei lan baldintzetan hobekuntza nabarmenak izango dituen hitzarmena eskatzeko, hala nola: urteko ordu jaitsiera, KPItik gorako soldata igoerak, sektorearen borondatezkoa ez den partzialtasunari aurre egitea, eta antzinatasunagatiko plusa jartzea sustapen aukerarik gabeko sektore batean.

40 greba egun barneratu dituen mobilizazio dinamikari esker lortu da aurreakordio bat Bizkaiko Autoeskoletan. Aurreakordioa gaurko langileen batzarrean berretsi da. Sinatu den aurreakordioak %36ko soldata igoera bermatua aurreikusten du Hitzarmenak izango duen lau urteko indarraldian zehar ( 2021-2024 bitarte). 2021Erako %14ko soldata igoera ( 2010etik 2021era bitarte metatutako KPIa). 2022rako %6,4ko igoera (2021eko KPIa ) ; 2023rako, %8ko igoera eta 2022ko KPIa handiagoa izango balitz KPIaren igoera aplikatuko litzateke eta 2024 urtean %4ko igoera adostu dugu, 2023ko KPI + %1 handiagoa balitz, 2023ko KPI + %1eko igoera aplikatuz.

Eibarren (Gipuzkoa) egindako elkarretaratzean, ELA, LAB, ESK, STEILAS, HIRU eta EHNE sindikatuek martxoaren 28an izandako lan heriotzaren erantzukizunak argitzeko eskatu dute. 60 urteko langilea Eibarko Azitain auzoko industrialdean lanean ari zela, oraindik ikertzen ari diren arrazoiak tarteko, bost metroko altueratik erori et hil zen. Horrekin, gutxienez 14 dira Euskal Herrian lanean bizia galdu duten pertsonak, eta bost Gipuzkoan 2022an altueratik erorita hil diren langileak. ELAk arrazoiak argitzeko eta erantzukizunak argitzeko eskatu du.

ELAk jakin duenez, martxoren 28an eraikuntzako 60 urteko behargin bat zendu zen lan-istripu baten ondorioz. Behargina Azitain auzoko industria gunean ari zen uralitazko teilatu baten berritze lanetan. Ikertzeke dauden arrazoiak medio bost metroko altueratik erori zen. Heriotza berri honekin, dagoeneko gutxienez 14 lirateke Euskal Herrian lanean bizitza galdu duten pertsonak, bosgarrena Gipuzkoan.

Espezializazioa eta berrikuntza juridikoa tresna izango dira “enpresentzat garestiagoa izan daitezen istripuak edo gaixotasunak prebentzio neurriak baino”