Tresna pertsonalak

Edukira salto egin | Salto egin nabigazioara

Leire Txakartegi

Gure osasunak gehiago balio du

2016/04/27
Aurtengo apirilak 28an, lan osasun eta segurtasunaren nazioarteko egunean, prekarietatearen aurka burutzen ari garen kanpainaren baitan beste mugarri bat jarriko dugu.

Kanpoko eta barruko harresiak apurtu!

2016/03/21
Europako mugetan eta lurretan bizitzen ari den tragedia izugarria da. ACNURren arabera, 2015ean Europan 1.014.836 pertsona sartu ziren, horietako 850.000 Grezian barna. Itsasoan gutxienez 3.700 pertsona hil dira. Halaber, jakin dugu Europara iritsi ondoren 10.000 haur desagertu direla. Ez dakigu zenbat emakume ari den bortizkeria sexista pairatzen, baina kopurua eskandaluzkoa izan liteke.

Emakumeak prekarietatean, enpleguan eta bizitzan

2016/03/09
Esti Sancho, Elena Rodriguez, Juani Carmona, Karmele Loiti, Ainhoa Aranegi, Maribe Cermeño, Marta Obregon, Lucia Puertas eta Irantzu Zorzabalbete Euskal Herrian prekarietatea sufritzen duten bederatzi emakume dira. Martxoaren 8a zela-eta Donostian antolatu genuen ekitaldian euren lekukotza bertatik bertara entzun ahal izan genuen. Lekukotza gogorrak, gogorra baita entzutea pertsona bati lanean sufritzen duen prekarietatearen erruz ezin duela bizimodu duin bat aurrera eraman. Baina itxaropenez betetako lekukotzak ere. Izan ere bederatzi lagun hauek, guztiak ELAren militanteak, argi dute emakumeen borrokari esker guztien artean egoera iraultzea lortuko dugula.

Errefuxiatuak bai, migranteak ere bai

2015/10/21
Migrante eta errefuxiatuen auzian Europako gobernuek eta erakundeek erakusten ari diren jarrerarekin lotsatuta eta amorratuta gaude. Jakina da gerra eta pobreziaren ondorioz jatorrizko herrialdeak uztera behartuta daudenak miloika direla munduan, baina badirudi Europa orain jabetu dela arazoaz, etxeko ateak arriskuan ikusi dituenean.

Gure bizitzak, arriskuan

2015/08/03
Erraz esaten da, errazegi. Dagoeneko ohitzen hasita gaude, asteroko kontua da: hainbat eta hainbat dira lanera joan eta etxera itzultzen ez diren langileak. Aurten 29 langile hil dira lan istripu baten ondorioz, urte erdia pasatu denean. Iaz 44 hildako kontatu genituen urte osoan.

Diskurtso xenofoboen aurrean alternatiba eraiki

2015/05/28
Maiatzaren 24ko hauteskundeetako emaitzen balorazioak askorako ematen du seguruenik. Ikuspegi ezberdinetatik egin daiteke irakurketa, baina bada kontu bat ELArentzat deigarria eta erabat kezkagarria dena: diskurtso baztertzaile eta xenofoboak erabili dituzten alkateek nagusitasunez beraien karguei eutsi izana, hain zuzen.

Gora Gipuzkoako egoitzetako emakumeen borroka!

2015/05/20
Gipuzkoako adinekoen egoitzetako emakumeak borrokan daude. Ekainaren 1etik aurrera greba mugagabea hasiko dute oraindik hitzarmenik itxi ez duten sektoreko emakumeen %40 inguruk.

Aurtengo apirilak ere badu 28. eguna

2015/04/28
Aurten ere heldu zaigu Lan Osasun eta Segurtasunaren Nazioarteko Eguna, eta oraingoan ere badugu zer salatu data esanguratsu honetan.