Ez dago prebentziorik lantokietan dirua kostatzen delako

2017/07/12

ELA, LAB, ESK, STEILAS, EHNE eta HIRU sindikatuek deituta ehunka ordezkarik parte hartu dute Bilboko Eusko Jaurlaritzaren egoitzaren aurrean azken egunotako lan istripu hilgarriak salatzeko egin den elkarretaratzean. Adolfo Muñoz Txiki idazkari nagusiak azpimarratu du hiru urtetan 180 langile hil direla lan istripuetan, eta hildako bakoitzeko 18 heriotz izaten direla gaixotasun profesionalen ondorioz. Muñozek “utzikeria politiko etsigarria” salatu du eta “ heriotza hauen atzean dagoen lan ereduak prebentzioa gutxiesten du dirua kostatzen delako” azpimarratu du.

Irungo lan istripu hilgarria salatzeko elkarretaratzea izan da Irungo Plásticos Alai enpresaren aurrean

2017/07/10

Iragan den astean Irungo Plásticos Alai enpresan lanean ari zela saku batzuk gainera erorita ito zen langilearen heriotza salatzeko kontzentrazioa egin dute gaur Irunen, ELA, LAB, ESK, STEILAS, EHNE eta HIRU sindikatuek. Lan istripu gehiagorik ez! Prekarietatea hiltzailea lelopean kontzentrazioa egin dute.

Aurten Hego Euskal Herrian 37 langile hil dira

2017/07/07

ELA beste istripu hilgarri bat salatu beharrez dago, oraingo honetan Irungo Plásticos Alai enpresan gertatutakoa. Langilea goizaldean hil da, istripuaren unean bakarrik zegoela saku batzuk gainera erorita ito egin da. Aurten Hego Euskal Herrian 37 langile hil dira, dagoeneko, istripuz.

Lan istripu hilgarria salatzeko elkarretaratzea

2017/06/23

ELA, LAB, ESK, SEILAS, HIRU eta EHNE sindikatuek elkarretaratzea deitu dute Bilboko Eusko Jaurlaritzaren egoitzaren aurrean aste honetan Mundakako itsasadarreko ezkerraldean kolektorea egiteko lanetan izandako istripu hilgarria salatzeko. Istripu honetan 45 urteko langilea hil zen bero handiak sortutako ondoezaren eraginez.

Bi langile hil dira lan istripuetan, Urretxun eta Murgan

2017/05/31

Bi langile hil dira Urretxun eta Murgan izandako lan-ezbeharretan. Dagoeneko 26 dira urtea hasi zenetik hildako langileak. ELAk hildakoen senitartekoei eta gertukoei elkartasun eta babes zintzoetan adierazi nahi die.

Langile bat hil da Urretxun

2017/05/31

Urretxuko Labeaga kalean gertatu da lan istripua 08:55ean. Etxebizitza bat eraikitzeko lanetan ari zela, erori egin da 46 urteko gizonezko bat. Bihar, ekainak 1, eraikuntza aurrean konzentrazioa burutuko da 11:30tan.

Tafallako lan istripua salatzeko elkarretaratzea

2017/05/30

Gaur ELAk, LAB, ESK, STEILAS, EHNE, HIRU eta CGTrekin batera, joan den astelehean Tafallan gertatutako heriotzezko lan-istripua salatzeko Nafarroako Gobernuaren Herri-Lan eta Garraio Sailaren aintzinean egin den elkarretaratzean parte hartu du. Bertan Donezteben bizi zen garraiolaria hil zen, A-15 errepidean Tafalla parean beste ibilgailu batekin talka egin ondoren. Aurten Nafarroan lan-istripuan hildako bostgarren pertsona litzateke, baita Euskal Herri mailan 2017an hildako bostgarren garraiolaria, hain zuzen.

Prekarietateak gaixotu eta hiltzen gaitu

2017/04/28

Lan Segurtasun eta Osasunaren Nazioarteko Egunaren harira, ELA, LAB, ESK, Steilas, EHNE eta Hiru sindikatuek manifestazioak deitu dituzte gaur, apirilak 28, Bilbo eta Iruñean. Sindikatuok salatu dugu prekarietateak gaixotu eta hiltzen gaituela.Era honetan, Adolfo Muñoz "Txiki"k salatu du gobernuek ez daukatela borondaterik egoerari eta bereziki prekarietateari aurre egiteko salatu du.