Dagoeneko hiru hilabete eta erdi pasa dira hauteskunde sindikalen epealdi-trinkoa hasi zenetik, eta orain arte egin diren bozketetan ELAk oso emaitza positiboak lortu ditu. Honen adierazle dira azken egunotan eginiko honako hauteskundeak.

Euroganberak EBren merkataritza akordiorik garrantzitsuena onartu zuen abenduaren 12an Estatu kideen parlamentu nazionaletatik pasatu gabe. Munduko laugarren ekonomiarik handiena eta EBaren Asian bigarren kide komertziala den Japoniarekin sinatu den akordio honek multinazionalek duten boterea handitzen du: gobernuetan eta etekinak lehenesten duten legegintzan eragiteko.

Euskal Herriko Eskubide Sozialen Kartak mobilizazioa egin du Eusko Legebiltzarraren aurrean aurrekontu burujabe, sozial eta parte-hartzaileak eskatzeko. Mobilizazioan ehunka pertsonak parte hartu dute. Bertan zan dira ere pentsionisten elkarteko kideak.

Barakaldoko Kbus-eko langileek greba egingo dute abenduaren 27an eta urtarrllaren 10, 17 eta 24an, lan-hitzarmenaren alde. ELAk salatu duenez, "Kbus zerbitzua sortu zenetik lan-baldintzak ez dira hobetu, eta horren ondorioz, urruti geratu dira bidaiarien garraioko gainerako hiri-zerbitzuetako lan-baldintzetatik".

Abenduaren 11n izan da La Navaleko kontratuak amaitzeko enplegu-erregulazio espedientearen kontsulta aldiko laugarren bilera. Horretan, ELAk konkurtso-administratzaileari galdegin dio ez dezala EREa gauzatu. Izan ere, aurreikusita dagoen espedientea aurrera aterako balitz, ontziolako 177 lanpostuak eta azpikontratetako 1.800ak desagertuko lirateke.

ELAk irmo salatu nahi du Correos enpresarentzat lanean ari zen beste langile baten heriotza. 46 urteko F.M.B. behargina lan istripuan hil da, lanean ari zela, bere motorrak autobus batekin aurrez aurre talka egin duenean. Azpimarratzekoa da bi hilabeteko aldi baterako kontratua zuela langileak, alegia, Correosen lanean hasi berri zela, zehazki, azaroaren 20an.

Hezkuntza ministerioarekin izan den bileran ELAk ongi iritzi dion arren LOMCEren alderik okerrenetako batzuk bertan behera uzteko asmoari, gure hezkuntza eskumena osorik errespeta dadila exijitu du; eta Madrilgo Gobernuak ez daukala murrizte-politika baztertzeko asmorik salatu du. Espainiar Gobernuak lege aldaketarako aukeratutako bideak, lege organiko bidezkoak alegia, erreformaren izapidetza luzatu eta bere onarpena zailduko duela ere salatu du sindikatuak.

Aernnovak Miñaoko Arabako Parke teknologikoko “Centro de Excelencia de Mecanizado” berria inauguratu zuen abenduaren 11ean zalaparta handiarekin. 200 lanpostu sortuko direlako sekulako propaganda egin dute, hori bai, 2022an dirudienez.