NATRA (OÑATI)

Grebak eta lanuzteak enpresaren blokeoari aurre egin eta hitzarmen duin bat lortzeko

2024/01/22

Langileen asanbladak babes zabala eman dio Enpresa Batzordeak proposatutako mobilizazio egutegiari; langileen %88ak bat egin du proposamenarekin. Hitzarmen berria lortzeko negoziazioak blokeatuta daude. Bilera asko egin dira zuzendaritzarekin, baina honek ez du agertu akordioa lortzeko borondaterik.

Ondorengo mobilizazioak onartu dira:

Urtarrilak 30 eta otsailak 1: bi orduko lanuzteak txanda bakoitzeko

Otsailak 6 eta 8: 4 orduko lanuzteak txanda bakoitzeko

Otsailak 13 eta 15: egun osoko greba

Enpresaren zuzendaritzak oso gogor jokatu du flexibilitatea handitzeko neurriak eta 4.txanda zabaltzeko neurriak lortzeko. Langileek argi dute produkzioa antolatzeko enpresaren proposamen hau oso kaltegarria dela lan osasunerako, jakinda gainera egun badituztela nahikoa neurri beraien beharrei erantzuteko.

ELAk argi du garaia dela soldatek KPItik gorako igoerak izateko eta langileon bizitzak duinduko dituen hitzarmen bat lortzeko: errelebo kontratua, kategorien eguneratzea, “fijo-discontinuo”en lanerako segurtasuna, lan-erreformen aurkako blindajeak...