ELAko ehunka militanteek parte hartu dute gaur deitutako hamabi Eskualde Kontseiluetan: Bilbo, Nafarroa, Gasteiz, Eskumaldea, Ezkerraldea-Kadagua, Gernika-Durango, Ibaizabal-Nerbioi, Deba, Urola-Kosta, Donostia, Oria-Goierri eta Oarso-Bidasoa. Eskualde Kontseiluak dira sindikatuaren oinarrizko batzarrak, eta bertan hasi dira gaur 15. kongresuaren prestaketa lanak (Bilbon egingo da, azaroaren 24 eta 25ean). Horregatik, lokal guztiak itxita daude gaur.

Arrasateko Aita Menni Ospitaleko langileen bosgarren greba egunak jarraipen zabala izan du, Eusko Jaurlaritzak ezarritako gutxieneko zerbitzuak gehiegizkoak izan diren arren. Hala eta guztiz ere, langileek indartsu hartu dituzte kaleak, "Hitzarmenaren alde Aita Menni Borrokan" lelopean. Izan ere, ospitale honetako langileek hiru urte daramatzate hitzarmen duin baten alde borrokan. ELAk iragarri du mobilizazioak areagotuko direla langileen lan-baldintzak hobetuko dituen hitzarmen bat lortu arte.

Gutxieneko zerbitzuak % 100ekoak izan eta greba eskubidea “bahitu” arren, Gipuzkoako zahar-egoitzetako ELAko ordezkariak eta langileak kalera atera dira gaur Donostian, grebaren 250. egunean. Manifestazioa 8:00etan hasi da Ibaetan, eta ekitaldi nagusia Gipuzkoako hiriburuko Boulevarden egin dute, Mitxel Lakuntza ELAko idazkari nagusia bertan zela. Hori guztia lan baldintza duinak eta zaintza ardatz izango dituen egoitza eredua eskatzeko, eta ez pribatizazioa eta negozioa oinarri dituena, Markel Olanok zuzentzen duen Aldundiak egiten duen gisan.

ELAk Arrasateko (Gipuzkoa) Aita Menni Ospitalean deitutako laugarren greba egunean, sindikatuak salatu du negoziazioak hasi zirenetik hiru urte baino gehiago igaro ondoren, enpresak ez duela urratsik egiten, langileen lan baldintzen kontura negozioa egiten jarraitzen duela eta ez duela inolako interesik kolektiboaren aldarrikapenei erantzuteko. Hurrengo greba ekainaren 16rako deitu dute. Arrasaten egindako manifestazioaren bukaeran grebalariekin bat egin dute Gipuzkoako pentsiodunen plataformako kideek.

Gipuzkoako erresidentzietako langileak 249. greba eguna egiten ari dira gaur, eta zerbitzu minimoak %100 izangatik ere, kontzentrazio jendetsuak egin dituzte patronalen egoitzen aurrean. Hain zuzen ere, Donostiako Adegi, Garen, Matia eta Lareneko patronalen egoitzen parean bildu dira, langileen egoera duintzea eta adinekoi kalitatezko zaintza aldarri.

Euskal Herriko industrian oro har, eta Arcelor Mittalen zehazki, lan-karga oso handia izango da datozen hilabeteetan. Iragarritako susperraldia sendotzen ari da. Gauzak horrela, ELAk uste du ezinbestekoa dela euskal industria indartuta ateratzea. Sindikatuak gogorarazi duenez, langile klasearen zergekin ABEEak finantzatzen ari dira. Gainera, irits daitezkeen Europako funtsak behar bezala erabili beharko lirateke industria-ehuna berritzeko eta garatzeko, eta ezin dira gizarte-estaldurak okerragotzearen mende egon.

Bergarako Betiko industriako langileek hitzarmen kolektiboa berritzeko akordioa lortu dute, eta, horrela, bertan behera geratu da apirilaren 19tik aurrera deitu duten greba mugagabea. Enpresaren proposamenak, azken orduan aurkeztutakoak, hobekuntza batzuk jasotzen ditu. Adibidez, KPI+%1,5eko igoerak ezartzen dira, eta KPI 0koa izango da negatiboa denean. Era berean, nabarmen hobetu da gaueko ordutegian lan egiten duten langileen osagarria.

Eusko Jaurlaritzak gutxieneko zerbitzuak ezarri dituen arren, Aita Menni Ospitale psikiatrikoko langileek, Arrasaten (Gipuzkoa), hirugarren greba eguna egin dute, aurreko deialdiek baino jarraipen handiagoarekin. ELAren ustez, "onartezina eta ulertezina" da kaudimen ekonomiko handia eta finantzaketa publikoa duen osasun erakunde batean langileek bizi duten egoera prekarioa. "Lan karga handiak dituzte, langileen txandakatzea, partzialtasuna eta lan osasunaren berme falta, azken urtean ospitaleak % 7ko irabaziak izan dituen arren", deitoratu du.