Glual Energy enpresako lan istripu hilgarria salatu dute Azpeitian
ELA, LAB, ESK, STEILAS, HIRU eta EHNE sindikatuek elkarretaratzea egin dute Glual Energy enpresaren aurrean azken lan istripu hilgarria salatzeko. Glual Energyko zein Glual Hidraulicseko langileek bi orduko lanuztea egingo dute, eta Glual Taldeko Azpeitiko Burni enpresan, ordubetekoa. Hildakoa 50 urteko gizonezkoa zen. Bertaratutako sindikatuek langileek bizi duten prekarietatea gogor salatu dute, langileak lanean hiltzea kapitalismoaren adierazpen gordinenetako bat dela salatu ere. Sindikatuek adierazi dutenez, kapitala bizitzaren gainetik jartzearen ondorioa dira lan heriotzak, izeberg-aren punta baino ez.
Elkarretaratzea Azpeitiko Glual Energy enpresaren aurrean azken lan istripu hilgarria salatzeko
ELA, LAB, ESK, STEILAS, HIRU eta EHNE sindikatuek elkarretaratzea deitu dute datorren astearterako, hilak 29, goizeko 11:30etan Glual Energy enpresaren aurrean lan istripu hilgarria salatzeko. Lan istripuan hildakoa 50 urteko gizonezkoa zen. Enpresako zuzendaritzak ez du argitu heriotzaren arrazoia. ELAk istripua salatu du, eta doluminak eman dizkie hildakoaren senitartekoei eta lagunei.
Itxierako txostena aurkeztu du XEYko zuzendaritzak
XEYko langileek atzo goizean enpresarekin eta administrariekin bildu ziren egoera aztertu asmoz. Baina bertan, orain dela hilabete konkurtsoan sartu zen zuzendaritza berak datorren astean itxerako ERE bat martxan jarriko duela adierazi zieten. Guztira 9 greba egun eta aurretik hilabeteak daramatzate euren lan baldintzen alde lanean eta borrokan, eta tinko horretan jarraituko dute egoera honi amaiera on bat eman arte.
XEYko langileek greba mugagabea hasi dute
XEYko langileek greba mugagabea hasi dute, 170 langile ingururen lanpostuak kinka larrian daudela ikusita.
Xeyko langileak greba egin dute lanpostuen defentsan
Xeyko langileek joan den astean hasitako mobilizazioei jarraipena eman diete gaur. Egun osoko greba egiten ari dira, enpresak etorkizuna eduki dezan aldarrikatzen. Jada administratzaileak izendatu dira, Norgestión asesoria izango da lehiaketa eramango duena.
XEYko langileek mobilizazioak hasi dituzte
Oikiako enpresa hau konkurtsoan sartu berri da eta bertako langileek elkarretaratzea egin dute gaur. Enpresari gardentasuna eta Eusko Jaularitzari inplikazioa eskatzen dizkiote egoerari erantzun asmoz.
Egun osoko greba Plasticos Urteta enpresan
Zarauzko Plasticos Urteta enpresako langileek gaur egun osoko greba eguna egin dute eta 12:00etatik 13:00etara Abendaño sarrerako rotondan elkartaratzea ere burutu dute.