Donostiako Inetumeko langileak KPIren soldata-igoerak lortzeko eta telelana arautzeko mobilizatu dira

2022/11/28

Donostiako Inetum Norte SL enpresako langileek eta Gipuzkoako bulegoen sektoreko ordezkariek elkarretaratzea egin dute Batzar Nagusien aurrean, KPIren araberako soldata-igoerak bermatuko dituen eta telelana arautuko duen hitzarmena defendatzeko.

Gipuzkoako TAO eta Garabietako langileek greba luzatu dute abenduaren 1era arte

2022/11/28

TAOko eta Gipuzkoako garabietako langileek greba abenduaren 1era arte luzatzea erabaki dute, patronalaren eta udalaren blokeoari aurre egiteko. Erabakia patronalen eta udalen mespretxu-jarrerari emandako erantzuna da. ELAk eta LABek ohartarazi dute, halaber, abenduaren 1eko bileran negoziazioan aurrerapausorik ez badago, mobilizazioek aurrera jarraituko dutela.

Bizkaiko eta Gipuzkoako Merkataritzako langileak greba arrakastatsua egiten ari dira Black Friday egunean

2022/11/25

Gipuzkoako eta Bizkaiko merkataritzako langileak greba eguna dute gaurkoa, ELAk deituta Gipuzkoan (Ehungintza), eta ELA eta LABek Bizkaian (Orokorra, Ehungintza, Zapata eta larrugintza). Eta arrakastaz ari dira egiten. Batez ere kate handienetan ari da eragina izaten. Bizkaian, esaterako, honako dendetan: Cortefiel, Springfield, Woman secret, Oysho, Ikks, Merkalcalzados, edo Bobolik ateak itxi dituzte, eta H&M, Parfois , Stradivarius eta Bershka dendetan oso jende gutxirekin aritu dira lanean. Gipuzkoan ere azpimarratu behar da oso langile gutxirekin zabaldu dituztela dendak, eta kate handienetako dendetan bereziki izan duela grebak eragina.

ELA, CCOO eta LABek udalen eta enpresen arteko adostasuna salatu dute Gipuzkoako TAOren gatazkan

2022/11/23

ELAk, CCOOk eta LABek, Gipuzkoako TAOko mobilizazioen deitzaileek, lurralde horretako udalen jarrera salatu dute, 20 eguneko grebaren ostean. Sindikatu horiek bilera ugari eskatu dituzte gatazkan bitartekari izan daitezen; hala ere, tokiko erakundeen erantzuna izan da enpresen eta langileen arteko arazoa dela.

Greba arrakastatsua Hezkuntzako sukalde eta garbiketa sektorean

2022/11/23

ELAk deitutako bi greba-egunetatik lehenengoak jarraipen zabala izan du Hezkuntzako sukalde eta garbiketa sektorean. Besteak beste, Azkoitiko, Sodupeko, Balmasedako eta Azpeitiko ikastetxeetako sukaldeetan eta Ordiziako garbiketan lanuztea erabatekoa da. Plantillek Sendotze Bermeko LEPa eskatzen dute, eta lehenengo egunetik ordezkapenak egitea. Gaur, sektoreko langileek elkarretaratzea egin dute Donostiako Ordezkaritzaren aurrean. Bihar, Bilbon, 11: 30ean, elkarretaratzea egingo da Eusko Jaurlaritzaren aurrean.

Mitxel Lakuntza: "Soldata eta pentsioen erosahalmena defendatzen ari gara, eta prestazio sozial duinak aldarrikatzen ditugu"

2022/11/19

Gaur, azaroak 19, Hego Euskal Herriko lau hiriburuetan, 15 000 pertsona baino gehiagok egin dute bat aberastasuna banatu eta lan, pentsio eta zerbitzu publikoen defentsan antolatuko mobilizazioekin. Deialdiak deitu dituztenen artean, ELA, Euskal Herriko Pentsiodunen Mugimendua, Euskal Herriko Eskubide Sozialen Karta eta beste hamaika sindikatu eta eragile izan dira.

Qatarreko Futbol Txapelketako lan heriotzak eta eskubide urraketak salatzeko elkarreratzea egin du ELAk

2022/11/18

ELAk elkarretaratzea egin du gaur Donostiako Anoeta estadioaren aurrean, gaitzesteko Qatarreko Munduko Futbol Txapelketa eta kirola erabiltzea oinarrizko giza eskubideak errespetatzen ez dituzten diktadurak zuritzeko. Ikerketa ofizialen arabera, 6.500 langile baino gehiago hil dira estadioak eraikitzen.

Gipuzkoako DIAko langileak mobilizatuko dira enpleguaren eta lan-baldintzen alde, enpresak 10 denda Alcampori saldu ondoren

2022/11/18

Gipuzkoako DIA supermerkatuetako enpresa-batzordeak, ELA, Fetico, CCOO, LAB eta UGT sindikatuek osatutakoa, hainbat mobilizazio eta elkarretaratze deitu ditu azaroaren 18tik abenduaren 5era. DIAk Alcampori 10 denda saldu dizkio eta 200 pertsona ingururen enpleguak eta lan-baldintzak bermatu nahi ditu Batzordeak, bai eta salmentaren inguruko informazioa jaso.

Egoitzak

Donostia

  • Consulado 8, behea 20011
  • 943 00 50 00