ELAko supermerkatuetako kutxazainek elkarretaratzea egin dute Eusko Jaurlaritzaren Bilboko egoitzaren aurrean. Jaurlaritzak erabaki zuen duela bi aste oinarrizko kolektiboentzako txertaketa-protokolo espezifikotik kanpo uztea, eta kolektibo globalaren barruan adinaren araberako txertaketa-dinamikaren baitan txertatuko zirela. Erabaki horren kontra egiteko bildu dira gaur.

ELA eta CCOOek, Bilboko Conde Aresti egoitzako enpresa batzordean % 100eko ordezkaritza duten sindikatuek, greba mugagabea deitu dute patronatuak langileei ezarri nahi dizkien murrizketei aurre egiteko: enpresako 25 langile zaharrenei % 37 arteko soldata galerak inposatu nahi zaizkie eta aldi baterako ezintasunaren osagarria kendu nahi diete. Langile horiek 27 urteko antzinatasuna dute, batez beste, enpresan, eta % 44k 60 urte baino gehiago ditu.

Bilboko argiteria kudeatzeko Bilboko Udalak azpikontratatutako enpresa da Bilboko Argia ABBE, eta lehen greba eguna du gaurkoa. Diziplinazko neurriak aplikatuta, langile bat “bidegabeki” kanporatu du enpresak, eta lankidea berriro onartu dezaten eskatzeko hasi dute greba. Bihar, martxoaren 30ean eta grebaren bigarren egunean, manifestazioa egingo dute Bilbokon. EITBren egoitza nagusitik abiatu, eta udaletxean amaituko da manifestazioa. Udaletxean direla, kontzentrazioa egomgp dute 11:00etatik 12:30etara egingo da.

Lortutako aurreakordioari esker, lehen aldiz, banaketako langileek babestuko dituen lan-esparrua izango dute. Orain arte, ez zuten inolako sektore-esparrurik, Langileen Estatutuak emandako babesa baino ez zeukaten, eta soldata eta lan-baldintza eskasak zituzten. Aurreakordioak, besteak beste, honako hobekuntza hauek jasotzen ditu: enpresa-aldaketen aurrean subrogatzeko eskubidea; hilean 1.200 euroko gutxieneko soldata; azken lan-erreformetatik babesten duten klausulak (aurreraeragin mugagabea, hitzarmena alde bakarrez ez aplikatzearen aurkako blindajea); eta autonomo faltsuak sektorean sartzeko muga.

Deustuko NUPeko langileek greba eguna dute gaur Osakidetzari gaueko arreta (00:00etatik 8:00etara) berreskuratzeko eskatzeko. SATSE, ELA, LAB, CCOO, UGT eta ESK sindikatuek hilabeteak daramatzate Osakidetzari, Eusko Jaurlaritzari eta Bilboko Udalari galdezka, herritarrentzat funtsezkoa den zerbitzu hori ez kentzeko eskatzeko, orain arte erantzun positiborik eman gabe. Grebaz gain, osasun langileek eta herritarrek elkarretaratzea egin dute Deustuko NPBren aurrean 11:30ean eta, arratsaldean, 18:00etan, manifestazioa egingo dute Eusko Jaurlaritzaren egoitzara, beste hainbat eragile sozialekin batera.

Osakidetzak Deustuko (Bilbo) Etengabeko Arreta Gunearen (EAG) aurrez aurreko zerbitzua ixteko erabilitako argudioaren aurka, hau da, ez zela herritarrentzako ezinbesteko zerbitzua, orain Eusko Jaurlaritzak dio badela funtsezko zerbitzua, beti ere, SATSE, ELA, LAB, CCOO, UGT eta Esk sindikatuek martxoaren 18rako deitutako greban % 100eko gutxieneko zerbitzuak ezarri ahal izateko. Osakidetzak erabaki zuen 00:00etatik 08:00ak arte itxiko zela, eta pazienteak Basurtuko Ospitalera bideratuko zirela.

ELA, SATSE, LAB, CCOO, UGT eta ESK sindikatuek greba eguna deitu dute martxoaren 18rako Deustuko Etengabeko Arreta Gunean (EAG), Osakidetzari gaueko arreta presentziala berreskuratzeko eskatzeko. Osakidetzari, Osasun Sailari, Eusko Jaurlaritzari eta Bilboko Udalari askotan eskatu badiete ere 0:00etatik 8:00etara gauez aurrez aurre ematen den arreta ez kentzeko, ez dute urratsik egin ildo horretan, eta sindikatuen, langileen eta Bilboko herritarren aldarrikapenak alde batera uztea erabaki dute.

Hitzarmenaren negoziazioa blokeatu ondoren eta IMQ Zorrotzaurren enpresa-batzordeak planteatutako gutxienekoak bermatu gabe, langileak beren hitzarmenaren alde mobilizatuko dira. Grebak martxoaren 18 ,22 ,23 eta 24an izango dira.