Bizkaiko metaleko bigarren greba egunak, azaroaren 28tik abenduaren 2ra dago deituta greba, jarraipen zabala izan du enpresetan. PCB eta Vicinay enpresek eta Sestaoko ACBk ekoizpena eten dute. Lehen ordutik, ELAko piketea izan da Sestaoko Vicinay enpresan. Eguerdian, manifestazioa egin du Barakaldon. Sindikatuak berriz eskatu dio FVEM patronalari aberastasuna banatu dezala eta har ditzala prekaritatearen aurkako neurri eraginkorrak hitzarmen batean. Grebaren hirugarren egunean, azaroaren 30ean, ELAk elkarretaratzea egingo du patronalaren egoitzaren aurrean, Bilbon, 10:30etik aurrera.

CCOO, LAB eta UGT sindikatuek Bizkaiko Gasolindegien patronalaren proposamena sinatu dute. ELAk uko egin dio Bizkaiko Gasolindegien hitzarmena sinatzeari nahikoa ez delako. Izan ere, enpresek sekulako irabaziak izan arren, patronalak 7,3ko soldata igoera eskaini du hiru urteetarako: 1,2ko igoera 2019an, -0,3koa 2020an eta 6,4koa 2021ean.

Goizetik egiaztatu ahal izan da grebaren jarraipena orokorra eta erabatekoa izaten ari dela zenbait eskualdetan, hala nola Durangaldean. Aipatzekoa da, halaber, Petronorreko azpikontrata guztiek bat egiten dutela grebarekin.

LHKren bulegoetan gaur egin den bileran, patronalak negoziazio mahaira postaz bidali zuen eskaintza berria azaldu die sindikatuei, eta guztiek adierazi dute proposamen hori ez dela aski. Datorren astean deitutako 5 greba egunetan (azaroaren 28tik abenduaren 2ra), helburu horiek lortzea edo langile klasearen pobretzearen geldiaraztea dago jokoan.

Gipuzkoako eta Bizkaiko merkataritzako langileak greba eguna dute gaurkoa, ELAk deituta Gipuzkoan (Ehungintza), eta ELA eta LABek Bizkaian (Orokorra, Ehungintza, Zapata eta larrugintza). Eta arrakastaz ari dira egiten. Batez ere kate handienetan ari da eragina izaten. Bizkaian, esaterako, honako dendetan: Cortefiel, Springfield, Woman secret, Oysho, Ikks, Merkalcalzados, edo Bobolik ateak itxi dituzte, eta H&M, Parfois , Stradivarius eta Bershka dendetan oso jende gutxirekin aritu dira lanean. Gipuzkoan ere azpimarratu behar da oso langile gutxirekin zabaldu dituztela dendak, eta kate handienetako dendetan bereziki izan duela grebak eragina.

Bizkaiko zahar-etxeetako langileek azaroaren azken greba eguna izan dute gaur. Oraingo honetan, grebalariek Bilbora sartzeko kale nagusietara eraman dituzte bere aldarrikapenak goizeko lehen ordutik. Mobilizazioa Aldundiaren aurrean bukatu da eta, hala, amaitutzat eman dituzte 14 greba-egun. ELAk iragarri du gatazka areagotu egingo dela abenduan, besteak beste, GUFErekin publiko egiteko eta parekatzeko bidean aurrera egiten ez bada, ratioa hobetzen ez bada, langileak kontratatuz, eta ordezkapenak lehen egunetik egiten ez badira.

Bizkaiko ELZko langileek manifestazioa egin dute gaur Ortuellan, hitzarmenik gabe lanean daramatzaten zazpi urte luzeak gaitzesteko. Mobilizazioarekin bat egin du, babes modura, egunotan greban dagoen Bizkaiko zahar-etxeetako plantillak ere.

Astearte honetan egin da sinadura, duela 4 hilabete sindikatuek eta zuzendaritzak lortutako aurreakordioaren ondoren. 2022. urterako erosteko ahalmenaren % 3ko galera bermatzen du akordioak, eta 2023. eta 2024. urteetarako soldata igoeren inolako bermerik gabe uzten ditu langileak. Izan ere, soldata igoera horiek beste negoziazio mahai batzuetan adostutakoaren mende egongo dira. Gainera, aurreakordioan jasotzen ez diren bestelako neurriak ditu hitzarmena, langileentzat kaltegarriak direnak.