ELA eta LAB sindikatuek jakitera eman duten bezala, CENek betoa jarri dio lan arriskuei buruzko akordioari, betiere, enpresek prestakuntza-plana betetzeko beharrik izan ez dezaten. Gogoratu, urte hasieran eta ELAk eta LABek 2017-2020 urteetarako egin zen Lan Osasunaren Egintza Planari egin ekarpenen harira, Nafarroako Gobernuak proposatu zien Lan Osasunaren Nafarroako Kontseiluan diren erakunde patronalei eta sindikatuei Lan Arriskuen Prebentzio-Ordezkarientzat Prestakuntza Egitasmoa onar zedila.

ELA, LAB, ESK, STEILAS, HIRU eta Etxaldek elkarretaratzeak egingo dituzte Hego Euskal Herriko hiriburuetan Kataluniako prozesuari elkartasuna adierazteko. Sindikatuek adierazi dutenez, demokrazia eta herrien autodeterminazio eskubidea da urriaren 1 honetan jokoan dagoena. Hori dela eta, kontzentrazioak izango dira irailaren 28an erreferendumari babes osoa adierazteko asmoz. Muñozek Kataluniako arduradunek erakutsi duten ausardia politikoa azpimarratu du eta konfrontazio demokratikorako garaia dela adierazi ere. Gehitu duenez, errepresioaren aurrean, Eusko Alderdi Jeltzaleak berehala eta behin betiko baztertu beharko luke PPren gobernuari ematen dion babesa.

2011. urtetik aurrera lan itunik ez du izan irakaskuntza publikoak sindikatuek urtero behin eta berriz eskatu arren. 2017ko martxoan mahai sektorialean gaiari behingoz heldu zitzaion, eta sindikatuen proposamenak jaso ondoren, Hezkuntzak berea aurkezteko konpromezua hartu zuen ekainerako (orduan hasiko zen benetako negoziazioa). Lan itunean gure sektorean funtsezko baldintzak eta baliabideak finkatuko lirateke: ordu lektiboak, ikasle-irakasle ratioak, ordezkapenak, aniztasun eta behar berezietarako baliabideak, formakuntza, interinoen baldintzak... Beraz, ezinbestekoa deritzogu akordio honen negoziazioa ahalik eta lasterren abian jartzeari, are gehiago kontuan izanik udazkenean itxiko dela aurrekontu proiektua.

Uztaritzen gertatutako erailketa matxista salatzeko kontzentrazioak deitu ditu Emakumeen Mundu Martxak. Eraso sexistarik ez! lelopean, kontzentrazioak izango dira gaur, irailak 18, Hego Euskal Herriko hiriburuetan. Erailketa salatzeko eta horri erantzuteko izango diren ekintzetan parte hartzeko deia egin nahi dugu ELA sindikatutik. Jarraian, kontzentrazioen hitzorduak aurkituko dituzue.

Peraltako Azkoyen-eko langileek sei egunetako grebaren deialdia onartu dute batzarrean, lan batzordearen proposamenari oniritzia emanez (irailaren 21, 26, 27 eta 28an, eta urriaren 3 eta 5ean).

Grupodesako langileek, enpresa batzordeko ELAko 5 ordezkarirekin, greba mugagabea egiten ari dute Enpresako Hitzarmena negoziatzeko helburuarekin. Enpresan 70 langilek egiten dute lan, Orkoiengo eta Egueseko zentroetan.

Foru Gobernuak aurreko asteazkenean Kontratu Publiko Foru Lege proiektua onetsi zuen. ELAk Nafar Gobernuak onartutako testuaren balorazio negatiboa egiten du, ez duelako administrazioaren azpikontratetan diharduten langileen baldintzak duintzearen aldeko aurrerapausurik ematen.

ELAk Polizien Legeari emandako ezetza berretsi eta 15/2015 Legean oinarritutako negoziaketa errealari hasiera emateko eskatzen du. Era berean, gogoratu du M.ª Jose Beaumontek sindikatu guztien gaitzespena jaso duela, sindikatuak bat eginik kontseilariaren jarrera agintzaile eta ez elkarrizketatzailearen aurrean.