Langile bat hil da Abadiñon, Cosmos Bizkaia enpresan izandako istripuan. Hildako langileak 57 urte zituen, eta bere kamioia deskargazten ari zela izan du ezbeharra. Langileak Transportes Eguiara y San Juan Legutioko enpresarentzako lan egiten zuen eta oraindik ikertzen ari diren arrazoiengatik, bere barruan oxigenozko botilak zeramatzaten bi paleta artean harrapatuta behargina bertan zendu da.

Lortutako aurreakordioari esker, lehen aldiz, banaketako langileek babestuko dituen lan-esparrua izango dute. Orain arte, ez zuten inolako sektore-esparrurik, Langileen Estatutuak emandako babesa baino ez zeukaten, eta soldata eta lan-baldintza eskasak zituzten. Aurreakordioak, besteak beste, honako hobekuntza hauek jasotzen ditu: enpresa-aldaketen aurrean subrogatzeko eskubidea; hilean 1.200 euroko gutxieneko soldata; azken lan-erreformetatik babesten duten klausulak (aurreraeragin mugagabea, hitzarmena alde bakarrez ez aplikatzearen aurkako blindajea); eta autonomo faltsuak sektorean sartzeko muga.

Bizkaibuseko gidariei, bai eta Barik zerbitzuko informazio-kabinetan zein kargatzeko kabinetan lan egiten duten langilei ere, komunera joateko aukera murriztu edo eragotzi zaie, normalean 8 ordutik gora luzatzen diren lanaldietan.Tentsio egoerak sortzen ari dira hainbat arrazoigatik: ostalaritzaren itxiera, ibilbideak egiteko linea batzuetan ematen diren denbora estuak, kontzesionarioen aurreikuspen urriak eta Bizkaiko Diputazioak ez ulertzeak.

ELAk kudeaketa txarra salatu du eta enpresaren balizko ondorengotzaz ohartarazi du. ELAk lan-agintariei ohartarazi die enpresaren ondorengotza saihesteko itxiera baten atarian egon gaitezkeela.

Pandemiaren ondorioz inoizko irabazi handienak dituen patronalak langileen lanaldia igande eta jaiegunetara zabaldu nahi duela salatu dute.

ELAk azaroaren 17an deitutako zaintza-arloko greba orokorrarekin bat egiteko arrazoiak azaldu ditu. Hego Euskal Herri osoko (EAE eta Nafarroa) zaintza-sektore askotako milaka emakume langileok (etxeko laguntza, eguneko zentroak, egoitzak, etxebizitza komunitarioak, tutoretzapeko etxebizitzak eta esku-hartze sozialeko beste baliabide batzuk) greba orokorra egitera deituta daude egun horretan.

Kontzentrazioa egin du Bilboko Plaza Zirkularrean Bizkaia Dorrea proiektuan Bizkaiako aldunak eta politikak enpresen internazionalizazioa gizartearen beharrizanen gainetik jartzen ari direla salatzeko. Gauzak horrela, proiektua bertan behera uztea eta bertara bideratutako aurrekontua herritarren benetako beharrizanei bideratzea eskatu dute. EH-k Kapitalari Planto!-ko kideez gain, gizarteko sektore ezberdinek parte hartu dute ekintzan.

ELAk salatu duenez gaur egun egiten den garbiketa oso azalekoa eta azkarra da, nahiz eta ikasturtearen hasieran egon eta pandemiaren berragertzeak ugariak izan. Hori dela eta, sindikatuak idazki bat aurkeztu dio foru diputatuari, alarmaren dekretuaren ondorioz ezarritako eta ekainean kendutako garbikuntza-zerbitzua lehenbailehen martxan jartzeko berriro. Kendutako zerbitzu horrek gaueko garbiketa-protokolo hobetuak bermatzen zituen, orain baliabide faltagatik egiten ez direnak.