Gipuzkoako erresidentzietako negoziazio mahaian aurrerapausorik izan ez denez, langileek greba egingo dute maiatzaren 19an

2022/05/10

ELAko langileen 258 greba eguna izango da Gipuzkoako adinekoen egoitzetan. Hurrengo negoziazio mahaian ez bada inolako proposamenik, ELAk mahaia utziko du

10 greba egun gehiago Etxeteken enpresa hitzarmena exijitzeko

2022/05/10

Gaurtik aurrera 10 greba egun deitu dira Etxeteken, aurretik egindako 7 greba egunez gain, enpresa hitzarmen bat negoziatzea exijitzeko eta gaur egun aplikatzen zaien estatu mailako hitzarmena alde batera uzteko

Gipuzkoako erresidentzietako patronalek negoziazio mahaian proposamenik aurkeztu gabe jarraitzen dute

2022/05/09

Gipuzkoako zahar etxeetako patronalek 257 greba eguneko gatazka blokeatzen jarraitzen dute. Izan ere, negoziazio mahaia martxan jarri zenetik bost urte baino gehiago igaro ondoren, gaur, maiatzak 9, esku hutsik joan dira berriro bilerara. Bertan, ELAk benetako negoziazioa abian jartzeko borondatea eta konpromisoa berretsi ditu, eta patronalei eskatu die hurrengo bileran proposamen eguneratua aurkezteko, eduki zehatzak bilduko dituena. ELAk ziurtatu du, proposamenik ezean, ez duela “fikziozko” negoziazio batean parte hartuko.

ELAk epaitegietan salaketa aurkeztu du Berangoko Alconza enpresak eta Irizar taldeak kaleratutako 25 langileak berriro onartzeko

2022/05/06

ELAk demanda bat aurkeztu du Euskal Autonomia Erkidegoko Justizia Auzitegi Nagusiko lan-arloko aretoan, Berangon egoitza duen Alconza enpresak apirilean izapidetutako enplegu- erregulazioko espedienteak eragindako 25 kaleratuak baliogabetzeko eskatuz.

Oria-Goierriko ELAko ordezkariek elkartasuna adierazi diete enpresa-ituna berritzeko greban dauden Irizar E Mobilityko langileei

2022/05/05

Adunako Irizar E Mobilityko langileek bederatzi egun daramatzate greba mugagabean enpresa-ituna berritzeko. Gaur, Oria-Goierri eskualdeko ELAko ordezkariek babesa eta elkartasuna adierazi diete.

Gipuzkoako papegintza alorrean elkarretaratzea egin dute Hitzarmenaren negoziazioan aurrera egiteko

2022/05/05

ADEGI patronalak egin duen eskaintza gutxiegi dela adierazi dute ELA eta LAB, sindikatuetako ordezkariek gaurko elkarteratzearen ostean. "Sektorea osasuntsu dago eta lan eta etekinez beteriko urteak izan ditu" gaineratu dute Tolosan egin duten agerraldian.

Gipuzkoako Foru Aldundiak azpikontratatutako garbikuntzako langileen grebak jarraipen zabala izan du

2022/05/04

Gipuzkoako Foru Aldundiaren mendeko eraikinak garbitzeaz arduratzen den EULEN enpresa azpikontratatuko langileak greba mugagabean daude apirilaren 25etik maiatzaren 7ra, hitzarmenaren negoziazioan enpresak KPIari lotutako planteamendurik egiteari uko egin diolako eta 2022an soldatak % 1,5 eta 2023an % 1,75 izozteko asmoa duelako.

ELAk premiazko neurriak eskatu ditu lan-ezbeharren aurrean, Hernaniko Zikuñaga paper-fabrikan garraiolari bat hil ondoren

2022/05/03

Papelera Zikuñagan (Hernani) gertatutako garraiolari baten heriotzaren aurrean, ELAk plantillen segurtasuna diru-etekinen aurretik lehenestea eta lan-baldintzak kontrolatzeko bitarteko publikoak areagotzea eskatu du. ELAk jakin ahal izan duenez, 69 urteko garraiolari bat hil da gaur goizean Hernaniko (Gipuzkoa) Eziago industrialdeko ibaiaren pareko aparkalekuan kamioiak harrapatuta. Lehenik eta behin, ELAk babesa eta elkartasuna adierazi nahi die biktimaren gertuko pertsona guztiei, eta, aldi berean, ezbeharraren zergatiak eta erantzukizunak argitzeko nahitaezko ikerketa egitea eskatzen du.

Egoitzak

Beasain

  • Juan Iturralde 9, 1º 20200
  • 943 08 61 40

Hernani

  • Argarain 3, behea, Antziola Auzoa 20120
  • 943 33 64 64

Legazpi

  • Aizkorri Kalea 1, 1ºA 20230
  • 943 73 18 18

Tolosa

  • San Francisco Ib. 13 20400
  • 943 69 83 14

Urretxu

  • Labeaga 33, behea 20700
  • 943 036391