ELA eta LAB sindikatuek Euskal Herrian fracking-aren aurka abian jarritako dinamikaren lorpen eta irakaspenak aztertu dituzte Bruselan. Alter Summit Alternatiben Gailurrak antolatutako ekimenean, langile mugimenduaren eta klima aldaketaren aurkako mugimenduaren aliantzak izan dituzte hizpide, azpiegitura fosilen aurka eta lan duinaren alde elkarlanean gidatutako borroka ezagutzera emateko asmoz.

Euskal Herriko Eskubide Sozialen Kartak eta Araba, Bizkaia, Gipuzkoa eta Nafarroako TTIP eta CETAren aurkako kanpainek deituta CETA hitzarmenaren aurkako mobilizazioak egin dira egunean zehar Donostian, Bilbon eta Iruñean. Mobilizazioak Europar Batasunaren eta Kanadaren arteko merkataritza libreko itunaren (CETA) aurka Atlantikoaren bi aldeetan sortu den mugimenduaren testuinguruan kokatzen dira. ELA ekimen hauen parte da eta mobilizazioetan parte hartu du.

Asteburuan Galizan egon da ELA, CIG sindikatuaren 7. kongresuan. ELAko Idazkari Nagusi Adoldo “Txiki” Muñozek kongresuan %95eko babesarekin Idazkari Nagusi berria bilakatu zen Paulo Carrilen izendatzea txalotu zuen, sindikatu bien arteko harremana aspalditik datorrela gogora ekarriz.

Euskal Herriko Eskubide Sozialen Kartak eta Araba, Bizkaia, Gipuzkoa eta Nafarroako TTIP eta CETAren aurkako kanpainek CETA hitzarmenaren aurkako mobilizazioak aurkeztu dituzte Gasteizen egindako agerraldi publikoan. Mobilizazioak Europar Batasunaren eta Kanadaren arteko merkataritza libreko itunaren (CETA) aurka Atlantikoaren bi aldeetan sortu den mugimenduaren testuinguruan kokatzen dira. ELA ekimen hauen parte da.

Euskal Herriko Eskubide Sozialen Kartak eta TTIP/CETA EZ! kanpainak kontzentrazioa deitu dute maiatzaren 18rako, osteguna, Bilboko Arriaga plazan. Izan ere, ostegun honetan Espainiako Kongresuan gai honen inguruko eztabaida egongo da, eta bozketa ere aurki izango da. ELA ekimen hauen parte da eta parte hartuko du mobilizazioan.

CETAren sinadura, Kanada eta Europar Batasunaren arteko merkatu librea sustatzeko Nazioarteko Hitzarmen Ekonomikoa (http://www.ttipez.eus/ceta/que-es-el-ceta.php), 2017.eko otsailaren 15ean eman zen. Orain EBko 28 Estatuen berrespenaren zain dago. Testuinguru horretan, hurrengo asteetan Madrilgo Diputatuen Kongresuan CETAren izenpetzearen inguruko eztabaida emango da.

Gaur Maiatzak 5, Bilboko Gran Viako BBVA-ren egoitzaren parean ELA, LAB, ESK eta STEILASeko militanteak elkartu gara, Jaengo El Cerro finka okupatu duten Andaluziako SATeko (Sindicato Andaluz de Trabajadores) kideei gure elkartasuna adierazi eta aldi berean haien aurka BBVA-k abiatu duen erasoa salatu asmnoz.