Langileen ordezkaria baliogabetu dute Bergarako Errasmodel enpresan

2019/10/29
Hauteskunde sindikaletan parte hartu zuten 5 langile bidegabe kaleratu ondoren hartu du erabakia zuzendaritzak. ELA sindikatuak elkartzeratzea deitu du ostegunean, urriak 31, 12:00etan, enpresa aurrean
Duela urte bete egin ziren, ELA sindikatuak eraginda, Bergarako Errasmodel enpresan hauteskunde sindikalak. Langileen gehiengoak demokratikoki erabaki zuen zein izango zen lau urtetan euren ordezkari. Ez ziren hauteskunde errazak izan, zuzendaritza gogor aritu zen eta hainbat oztopo jarri zituen. Besteak beste, sindikatu honen bidez aurkeztutako lehenengo hautagaia bidegabe kaleratu zuen. Harrez gero, beste 4 langile ere kaleratu dituzte. Zuzendaritzak ia guztietan onartu du arrazoi gabeko kaleratzeak izan ziren, baina kasualitatea handiegia da, guztiak zuzendaritzak proposatutako hautagaiari ez ziotela beraien bozka eman.

 

Enpresako giroa nahastu zen orduan eta gaur egun horrela jarraitzen du. Zuzendaritzaren obsesio bihurtu da delegatu sindikala kentzea eta joan den astean horretarako prozedura jarri zuen martxan.

 

ELAk gogor salatu du Errasmodeleko enpresaburuen praktika. Arrazoi bakar bat ere eman gabe kendu nahi dute ordezkaria kargutik. Langileen lan baldintzak hobetzeko ez omen dago dirurik, baina prozedura martxan jartzeko abokatua kontratatzeko bai.

 

Kargugabetzea langileen erabaki moduan mozorrotu nahi dute, baina errealitatea, aipatu moduan, bestelakoa da.

 

Gezurra badirudi ere, oraindik ere, XXI mendean, langileen eskubide oinarrizkoenak errespetatzen ez dituzten enpresariak daude. ELAk horrelako ekintzen aurrean legez ditun bide guztiak, sindikalak eta judiziala, erabiliko ditu eta egoeraren larritasuna salatzeko elkarteratzea egingo dugu Errasmodel aurrean urriaren 31an eguerdiko 12etan.