IKASLEAK ONARTZEKO FORU DEKRETU BERRIA GARATZEN

2019/12/11
Nafarroako Hezkuntza Departamentuak parte-hartze batzorde bat eratu du, unibertsitatez kanpoko irakaskuntzak ematen dituzten ikastetxe publikoetan eta itunpeko ikastetxe pribatuetan ikasleak onartzeko prozesua arautuko duen Foru Dekretu berri bat garatzeko.

Parte-hartze batzordean hezkuntza komunitateko hainbat eragilek dugu ordezkaritza: hezkuntza publiko eta itunduko sindikatuek, hezkuntza itunduko patronalek, hezkuntza publikoko eta itunduko zuzendarien elkarteek, guraso elkarteek eta Departamentuko ikuskariek.

 

Lan-metodologia:

- Departamentuak enpresa bat kontratatu du bilerak kudeatzeko eta dinamizatzeko.

- Departamentuak 3 lan-bloke sortu ditu:

  • 1.- Ratioak eta Baliabideak
  • 2.- Iruñeako zonaldeak /Eskolatzeko Batzordeak /Eskolatzeko Tokiko Batzordeak
  • 3.- Ikasleen sailkapena eta Aplikazioa 3 urtetan

- 3 lan-saio eta amaierako bateratze-saio bat baino ez ditugu izango (amaierako bateratze saioko data oraindik zehaztu gabe dago):

  • 1.- Urtarrilaren 14an
  • 2.- Otsailaren 11
  • 3.- Martxoaren 10a

- Aktak: talde bakoitzak bere lantaldearen eta gainerakoen akta jasoko du saio bakoitzaren ondoren, ekarpenak egin ahal izateko.

- Saio bakoitzaren aurretik, lan egiteko beharrezkoa den informazioa emango zaigu.