ELAk aurtengo aurrekontuetan irakasleen eskaerak sartzeko eskatu die talde parlamentarioei

Gaur, ELAko sektore publikotik talde parlamentarioekin erronda hasi da, Nafarroako aurrekontuetan irakasleen aldarrikapenak kontuan hartzeko denbora dagoela erakusteko, datorren asteko eztabaidan egindako zuzenketen bidez. Lehenengo bileran, Contigo-Zurekin taldearekin izandakoan, aurrekontuen balorazioa jasotzen duen txostena eman dugu.

Bilkuran sindikatuak nabarmendu du BPGren gaineko hezkuntzara bideratutakoari dagokionez, Nafarroako eta Europako batez bestekoaren arteko aldea. Alde hori 385,8 milioi eurokoa litzateke, hau da, Nafarroak Europako batez bestekoa inbertituko balu, Gimeno kontseilariak aurreikusitako 270 milioiak irakasleen lan-baldintzak hobetzeko erabili ahalko lirateke (131 ratioen jaitsierarako, 25 zuzeneko irakaskuntzako saioen murrizketarako eta 114 erosteko ahalmenaren galera berreskuratzeko). 

Gainera, ELAk azpimarratu duenez, aurtengo aurrekontuetan hezkuntzako gastua 47,7 milioi handitu bada ere, Azpiegituren Plan Zuzentzailea 35,5 milioikoa da, eta, beraz, agerikoa da hezkuntzaren kalitatearen mesedetan irakasleen baldintzak hobetzeko dagoen borondate falta. 

Uste dugu Nafarroako Gobernuak oraindik aukera duela kolektibo horri emandako tratua zuzentzeko, 2024rako aurrekontuetan egindako eskaerak gehituz eta, horrela, negoziazio-aldi sendoagoa irekiz. Hala ez bada, sindikatu honek presio-mobilizazio eraginkorrak bultzatzen jarraituko du, hala nola greba, Gobernua bere hezkuntza-sistemaren kalitatea hobetzera bultzatzeko beste modurik ez dagoela ikusita.