Enpresak Aldi Baterako Lan-Erregulazioa mantendu nahi du eta hitzarmenaren negoziazioa baldintzatu

Sidenorrekin gaur, martxoak 25, Bilbon egin den bigarren negoziazio bileran, ELAk dokumentazio gehiago eskatu du enpresaren egoera ekonomikoari, bezeroen zorroari eta planteatuko diren neurri osagarriei buruz. Enpresak, ordea, uko egin dio informazio hori emateari eta argudiatu du izan ditzakeen onurak ez direla garrantzitsuak negoziazioan. Sindikatua, ordea, ez dator bat horrekin. Are gehiago, ELAk gogorarazi du Sidenorrek 25 milioi euroko irabaziak pilatu dituela, ikuskatutako azken kontuen arabera. Gauzak horrela, sindikatuak berriro adierazi du Azkoitiako lantegian aplikatu nahi duten Aldi Baterako Lan-Erregulazioa (ABLE) ez dela proportzionala, azken urteetan enpresaren salmentak handitu direlako eta Sidenorrek beste lurralde batzuetan lan karga handia duten lantegiak dituelako.