Lan-arloko Epaitegiak Bizkaiko Arte Grafikoen hitzarmen kolektiboa baliozkotzat jo du hurrengoa sinatu arte

2013/10/21
Arte Grafikoen Bizkaiko Hitzarmen Kolektiboa ez da berritu 2011ko abenduaz geroztik, patronalak sektoreko langileen baldintzak ez hobetzeko duen temagatik, eta lan-erreformaren eta negoziazio kolektiboaren erreformaren puntu guztiak hitzarmenean txertatzeko duen itsukeriagatik. ELAk, sektorean erabateko gehiengoa izanik, uko egin dio proposamen hori onartzeari, aurrera-eragin mugagabea hitzarmenean jasota baitago.

Arte Grafikoen Bizkaiko Elkarteak —CEBEKi elkarturiko patronala— idazki bat aurkeztu zuen uztailaren 5ean Arte Grafikoen, eta Paperaren eta Kartoiaren Manipulazioen Bizkaiko Hitzarmenaren Negoziazio Mahaian. Idazkian adierazten zen aipaturiko hitzarmen kolektiboak indarra galduko zuela uztailaren 7az geroztik, negoziazio kolektiboaren erreformari jarraiki. Halaber, aurrerantzean lan-harremanak Estatuko hitzarmenaren pean eta Langileen Estatutuaren pean geratuko zirela jakinarazten zen

Era berean, uztailaren 7tik aurrera sektoreko enpresa ugarik jakinarazpenak bidali zizkieten beren langileei gauza bera iragarriz.

Arte Grafikoen Bizkaiko Hitzarmen Kolektiboa ez da berritu 2011ko abenduaz geroztik, patronalak sektoreko langileen baldintzak ez hobetzeko duen temagatik, eta lan-erreformaren eta negoziazio kolektiboaren erreformaren puntu guztiak hitzarmenean txertatzeko duen itsukeriagatik. ELAk, sektorean erabateko gehiengoa izanik, uko egin dio proposamen hori onartzeari, aurrera-eragin mugagabea hitzarmenean jasota baitago.

ELAk, gorago aipaturiko jakinarazpenak ikusita, demanda aurkeztu zuen lan-arloko epaitegietan; hitzarmenak, esparru bereko beste batez ordeztu arte, indarrean jarraitzen duela argudiatuz.

Bizkaiko Lan-arloko 6 zk.ko Epaitegiak arrazoia eman dio ELAri, urriaren 17ko epaian. Izan ere, Arte Grafikoen Bizkaiko Hitzarmen Kolektiboak indarrean jarraitzen duela ebatzi du.

ELAn oso ondo deritzogu epai horri, eta bide batez jakinarazten dugu lanean jarraituko dugula, bai epaitegietan, bai enpresetan, erreformaren aplikazioaren aurka.