2015ean egindako kontratu mugatuen %88en iraupena hiru hilabete baino gutxiagokoa zen

2016/03/01
2015ean 1,2 milioi kontratu sinatu ziren Hego Euskal Herrian, lan egiten duen pertsona bakoitzeko kontratu bat baino gehiago. Hau da, pertsona bakoitzari kontratu bana egin izan balitzaio, horrek adieraziko zuen 2015ean den-denak kaleratuak eta, ondoren, berriz kontratatuak izan zirela (eta batez bestekoa biribildu ahal izateko, oraindik beste 75.000 kontratu inguru geratuko ziren esleitu gabe.

Hori gertatu ordez, 2015ean langile askok ez zuten kontraturik sinatu lehenagotik sinatua zutelako (artikulu honetan ez dira aipatuko kontraturik gabe lan egiten dutenak) eta, aldiz, beste askok lan kontratu ugari sinatu zituzten urtean zehar. Adibidez, lanegun bakoitzeko kontratu bakarra sinatuta (eta bat baino gehiago egin daitezke egunean), urtebetean langile batek 200 kontratutik gora sinatu litzake.

Hau da, hain zuzen, gure herrialdean ematen ari dena: EAEn eta Nafarroan 2015ean egindako kontratu mugatuen %88,1en iraupena 3 hilabete baino gutxiagokoa zen; %8,4rena 3 eta 6 hilabete artekoa izan zen eta 6 hilabetetik gorako iraupena zuten kontratuak %3,5 besterik ez ziren izan.

Are gehiago, bitarteko eta obra edo zerbitzuetarako kontratuen %60,1ek –kontratu mota bi hauek baino ez ditugu aztertzen, SEPEk argitaratutako kontratuen estatistika guztiek ez baitute informazio eta xehatze maila bera eskaintzen– 7 egunetik beherako iraupena zuen, beste askoren iraupena (%21,8) hilabete baino motzagoa zelarik. Beraz, kontratu gehiago sinatzean ez da zertan enpleguan hazkunderik sortu eta, aldiz, prekarietatearen okertze bat eman daiteke, Hego Euskal Herrian gertatzen ari den bezala.

HEGO EUSKAL HERRIAN 2015EAN EGINDAKO BITARTEKO ETA OBRA EDO ZERBITZUKO LAN KONTRATU MUGATUEN IRAUPENA

 

7 egun baino gutxiago

7 eta 30 egun artean

1 eta 3 hilabete artean

3 eta 6 hilabete artean

6 hilabete baino gehiago

Bitartekoak

%57,8

%29,1

%7,5

%3,6

%1,9

Obra edo zerbitzukoak

%64,8

%12,5

%7,6

%6,2

%8,8

Bitartekoak eta obra edo zerbitzukoak

%60,9

%21,8

%7,5

%4,8

%5

Iturria: SEPE