“Novaltiako greba hainbeste luzatu du zuzendaritzak greba eskubidea bortxatzearen alde egin duelako”

2022/09/15

Novaltiako zuzendaritzak negoziatzeko borondaterik ez duela esan du Mikel Etxebarriak, ELAko Bizkaiko Industria arduradunak Bizkai Irratian egindako elkarrizketan. Bizkaiko farmazietan botikak banatzen ditu Novaltiak, eta hiru urte baino gehiagoko greba egiten ari dira bertako 17 langile; soldata duinen alde eta externalizazioen kontra.

Etxebarriak salatu du zuzendaritzak hasieratik erabaki zuela grebalarien kontra egitea. Lan Ikuskaritzak hasieran babestu zituen, baina greba eskubidea urratzen ari direla geratu da agerian ondoren etorritako epaiekin: ETTak kontratatu dituzte grebalariak ordezkatzeko, edota greba egin ez duten langileak saritu dituzte legez kanpoko diru sariekin, besteak beste. Borrokari eusteko ELAren erresistentzia kutxa ezinbestekoa dela azpimarratu du Etxebarriak.

Bestetik, Bizkaiako Metalaren egoeraz ere jardun dute. Atzo patronalarekin izandako bilera ez zen emankorra izan, kontrakoa baizik, ELAko ordezkariak dioenez: negoziazioak blokeatuta jarraitzen du patronala ez dagoelako prest KPIa bermatzeko, besteak beste. Horregatik, mobilizazioak indartu beharko direla garbi du. Lan Hitzarmenaren hurrengo negoziazio bilera irailaren 26an izango da.

Hona elkarrizketa: ENTZUN