Aberri Eguna: 90 urteko konpromiso militantea

Aurten Aberri Egunaren 90. urteurrena izango da. 90 urte igaro dira 1932ko martxoaren 27an lehen aldiz ospatu zenetik. Urte hartan mugimendu abertzaleak erakutsi zuen bazuela gizartean eta politikan eragiteko gaitasun handia. Izan ere, 60.000 lagun inguruk parte hartu zuten orduko Bilboko manifestazioan, garai hartako kronikek jaso zuten bezala, “denek bat eginda”. Egun batzuk beranduago, ELAko Esteban Urkiaga `Lauaxeta´poeta, kazetari eta propagandistak (bost urte beranduago frankistek fusilatu zuten) hala zioen Euzkadi egunkarian: “orain ez daukagu beldurrik... Itzartu gara eta aurrera goaz”. Egun ere, ziurgabetasuna nagusi den garaiotan, egokia da esaldia hori.