AHT-ren inguruan Barne Sailak emandako aginduak salatu ditu ELAk
Onartezina da azpiegitura honen inguruan edozein ekimena dela eta terrorismo delitupean jartzeko eta Auzitegi Nazionalera diligentziak bidaltzeko aginduak ematea. Aginduen xehetasunak argitaratu ditu Berriak gaurko alean.
Erabaki hauen atzean AHTren aurkakoak diren zilegizko jarrerak kriminalizatzeko bultzada eta agindu politikoa frogatu da eta hori guztiz salagarria da ELAren iritziz. Kosta ala kosta eztabaida sozialik gabe egin nahi izatea azpiegitura hori gutxi ez balitz, AHTren inguruko edozein ekimena zigortze bidean jartzea oso larria da. Esanguratsua da bestalde agindu hauek idatziz ematea. Zer nolako inpunitatearekin jokatzen duten hau egin dutenek argi islatzen da.
Guzti honen aurrean ELAk zera exijitzen du:
1. Ertzaintzaren erabilera honekin bukatzea. Ertzaintza erabili egiten da interes alderdikoiak babesteko eta AHTren inguruan egin daitezken ekimenak, guztiz demokratikoak badira ere, auzipean jartzeko.
2. ELAK, jarrera eta agindu hauek arbuiatzeaz gain, Barne Saileko erabaki hauetan ardura izan duten guztioi erantzukizunak ezartzea exijitzen du, baldin eta demokraziari eta gizarteari gutxieneko begirunea bazaio.
3. Bederen dei egiten die alderdi politikoetako arduradun nagusienei gai honen aurrean bere jarrera eta balorazioa ager dezaten, honelako agindu eta jokaerekin bat datozen ala ez jakiteak gizarte osoaren eskubidea baita.