AKORDIOA KENNAMETALEN HILABETEKO GREBAREN ONDOTIK

Multinazional honetako zuzendaritza alemaniarra Gasteizera etorrita, negoziazioa desblokeatu eta akordioa lortzea ekarri du.

Kennametalen lehenengo aldiz hitzarmen kolektiboa sinatzea lortu da, eta hauek dira bere eduki nagusiak:

* Gaur egungo prima sistemaren desagerpena (orain arte prima hau enpresak nahi zuen moduan erabili du, adibidez plantillak 2004an aurreko urtean baino %5 gutxiago kobratzea suposatzen zuen eta zuzendaritzaren esku zegoen langile bakoitzaren soldataren zenbatekoa diskriminazioa bultzatuz.Prima hau soldataren %30a zen eta hemendik aurrera %5era jaitsiko da gainontzekoa soldata finkora pasatuz.
* 2005. urtean 1.692 lanegun izango dira.
* Soldata igoera %4koa izango da.
* 2005ean soldata bajuenak dituztenen artean soldata masa guztiaren %2a banatuko da, gaur egun dauden aldeak murrizteko asmoz.

ELAtik akordio hau oso positibotzat hartu dugu Gasteizeko lantegiaren berregirturaketa martxan zegoen momentuan, tailerreko langileen bateratzeari esker, diskriminazioak desagertzeko oinarriak jarri dituztelako.