ELAk Alonsotegiko kale garbiketako 67 eguneko grebari amaiera eman dio akordio garrantzitsua lortu eta gero
ELAk deitutako 67 eguneko grebaren ostean, Alonsotegin (Bizkaia) kaleak garbitzeko zerbitzua eskaintzen duten langileek (Udalak Garbialdi enpresari azpikontratatutako zerbitzua) akordio handi bat lortu dute, eta horren arabera, hurrengo bi urteetan KPIa baino % 10.3 eta % 3,5 gehiago igoko dira soldatak. Sindikatuak azpimarratu duenez, akordio horrek amaiera ematen dio azpikontratatutako esparru batean lan egiteko baldintzen prekarizazioari, enpresaren eta erakundearen arteko erantzukizunak etengabe lausotu nahian ibili eta gero. Grebak langile guztien babesa izan du eta ez du etenik izan maiatzaren 3tik.
Gatazkaren jatorrian langileen soldaten izoztea dago, duela 11 urtetik hona gertatu dena. Aurreko esleipenean, partida ekonomikoa handitu bazen ere, ez zen soldata-baldintzak hobetzeko mekanismorik ezarri baldintza-agirietan. Garbialdi enpresak sistematikoki uko egin dio soldatak eguneratzeari, eta, horren ondorioz, langileak antolatu eta prestatu egin dira gatazka luze baterako, ELAk eta erresistentzia-kutxak babestuta.
Langileek eta ELAk eskerrak eman dizkiete Alonsotegiko herritarrei mobilizazioetan eta greban izandako ulermen, inplikazio eta parte-hartzeagatik. "Gizartearen babesik gabe, ez genuen bidegabekeria honekin amaitzea lortuko", azpimarratu du.