Andoaingo Tecciko langileen greba, enpresa hitzarmenaren defentsan

2021/10/14
Andoaingo Tecci Circuitos Impresos enpresako langileek greba-eguna egin dute beren enpresa-hitzarmena defendatzeko. 2021 urte osoa daramate hitzarmena berritzeko negoziatzen, baina ez dute lortu, zuzendaritzak uko egin baitio soldatak igotzeari, enpresaren egoera ekonomikoa ona izan arren.

Andoaingo Tecci Circuitos Impresos 40 langile ditu. 2020an fakturazio eta etekin handiak izan ditu, eta, beraz, ELAk uste du baldintzak betetzen direla KPItik gorako soldata-igoerak aldarrikatzeko.