Balmasedako Udalak plantillako kide batzuk kaleratzeko ideiari eutsi dio

2021/02/12
ELAk enplegu publikoaren aldeko mobilizazioak areagotuko ditu Balmasedako Udalean, baita herritarren diruaren erabilera zuzena ere, jakin ondoren udal-gobernuak LPZ berri bat egiten jarraitzen duela, eta horrek hainbat lanpostu desagertzea eta plantillaren zati bat zuzenean eta zeharka kaleratzea dakarrela. Sindikatuak jakin duenez, udal gobernuak, aurtengo aurrekontuen zirriborroan, 120.000 euroko partida aurreikusten du kabinete juridiko bat kontratatzeko eta kaleratzeengatik dagozkion kalte-ordainak emateko.

Sindikatuaren iritziz, erabaki horrekin, dauden arazoei irtenbidea eman beharrean, politika neoliberal eta autoritarioenak erabiltzea erabaki dute. ELAk gobernu-taldeari eskatu dio atzera egin dezala eta plantilla organikoari egokitutako Lanpostuen Zerrenda egin dezala, udalerrian dauden behar guztiak beteko dituena eta lanpostu guztiak mantendu eta finkatuko direla bermatuko duena.

Gaur egungo gatazkak sortzen duen erabakia da abenduaren 30ean beste Lanpostu Zerrenda bat (LPZ) onartzea Balmasedako Udalean, immigrazioa edo berdintasuna bezalako arlo garrantzitsuak eta Liburutegi eta Historia Museoko zerbitzuak desagertzeko. Erabaki horrek CLI (Tokiko Hautagai Independentea) eta EH Bilduren aldeko botoak izan zituen, eta EAJren aurkako botoak.