Behin-behinekotasunak langabezia gehiago sortzen du
HEHko ekonomiaren bilakaera Europako inguruko herrialdeetakoa baino hobeagoa bada ere, langabezia gehiago ari da hazten hemen Europan baino. Erantzun honen arrazoia, behin-behinekotasun maila altuan datza, soldatapeko biztanleriaren %25,4koa dena, Europako bikoitza. Honenbestez, HEHn suntsitzen den enpleguaren gehiengoa, behin-behineko kontratuak ez berritzeagatik ematen da.
Beraz, behin-behineko maila altu honekin, kaleratzea oso erraza eta merkea suertatzen da HEHn, eta honek, enpresarien kaleratzeak merkatzeko eskaera guztiz lekuz kanpo uzten du.
Gainera, behin-behinekotasunak ildo beretik jarraitzen du, urtarrila eta otsaila bitartean HEHn erregistraturiko 81.325 kontratuen %89,9ak behin-behinekoa izaten jarraitzen baitu.
Moteltze fase honetan ematen ari den enpleguaren suntsiketa, eta enpleguan daukagun behin-behinekotasun izugarria, errentaren banaketarekin loturik daude. Beraz, ELAk, enplegua mantentzeko, prekarietatea murrizteko, eta eros almena handitzeko borrokatzen jarraituko du, ez dadin langileria izan sortu ez duen krisi bat ordaintzen duena.