Beste hildako bat Nafarroan lan istripu baten ondorioz

ELAk gaur lanean beste langile bat hil dela salatu nahi du. Kasu honetan, hildako langileak 43 urte zituen, eta Oloritzen zendu da, elektrokutatuta, maneiatzen ari zen 4 metroko barra katenaria ikutu ostean. Lan egiten zuen enpresa, RENFEren azpikontrata bat zen. Lagilea, berriz, trenbidearen hormigoizko trabesen berrikustean eta ordezkapenean jarduten zen. Gaurko heriotzarekin, dagoeneko 5 dira aurten Nafarroan lanean hildako lagunak. Heriotza berri hau salatzeko, ELA, LAB, ESK, CGT, eta STEE-EILAS sindikatuek kontzentrazioa egingo dute otsailaren 24ean, eguerdiko 12tan, RENFEk Iruñean dituen bulegoen aurrean, Estella Kaleko 8. zenbakian.