Bilboko Udaltzaingoak mobilizatzen jarraituko du egutegia eta baldintza ekonomikoak adostu arte

Gaur egun, Udaltzaingoa 7 asteko zikloaren egutegiarekin ari da lanean, baina zuzendaritzak dio Bilbok agenteak behar dituela ostegun, ostiral eta larunbat gauetan, ekitaldiak, botiloiak eta abar direla eta. Langileen Batzordea ez dago batere ados emandako datu horiekin, eta datu horiek gezurtatu dituela.
Udalak ezarri nahi duen 5 asteko egutegiak okertuko luke norberaren bizitza eta familiaren kontziliazioa, eta Udaltzaingoaren lan-baldintzen aurkako eraso zuzena da. Plantillaren ordezkaritzak egutegia egokitzeko hainbat aukera aurkeztu ditu, baina zuzendaritza jarrera mugiezin eta zurrunean dago; bere proposamenak ostegun, ostiral eta larunbat gauetan agenteen presentzia indartuko luke, baina goizetan eta arratsaldeetan murriztu egingo litzateke astelehenetik ostiralera, eta horrek kalte egingo lieke herritarrei.
Gatazka honetako beste desadostasun-puntua da duela 30 urte baino gehiagotik jasotzen den gaueko eta jaiegunetako osagarria murrizteko proposamena.
Negoziazio-mahaiek porrot egin ondoren, Langileen Batzordeak bi batzar deitu ditu. Bertan, langileek aho batez uko egin zioten 5 asteko egutegiari eta baldintza ekonomikoak murrizteari, eta horrek mobilizazio-egutegi bat planteatzera garamatza: sinadurak biltzea zuzendariaren kargu-uztea eskatzeko, manifestazioak, protestak Udalbatzetan, Gobernu Batzordeetan eta abar.
Langileen Batzordea beti dago negoziatzen jarraitzeko prest, Herritarren Segurtasunerako Zuzendaritzaren egungo jarrera zurruna malgutuko delakoan, betiere langileen eskubideei kalterik egin gabe.