Osakidetzak eta Biocrucesek langileak engainatu ditu COVID-19aren aurkako CureVac txertoaren bolondres lanekin

2021eko otsailaren hasieran, Biocruces Bizkaiak Nazioarteko Saiakuntza Klinikoa hasi zuen, CureVac farmazialari alemaniarrak sustatutako COVID-19 txertoaren eraginkortasuna eta segurtasuna frogatzeko asmoz. Proiektu horren arabera, gutxi gorabehera 50 pertsonari jarri behar zitzaien txertoa egunero. Txerto horiek osasun-langileek eman behar zituzten, eta Osakidetzak jarri zituen langileak entseguaren esku; hain justu ere, Euskal Osasun Zerbitzu Publikoko erizainen plantilla. Txertoak emateko prozesua borondatezkoa izan zen; izan ere, langileei dei egin zitzaien txertaketa-prozesu horretan parte har zezaten.

Saiakuntza kliniko horren atzean dagoen errealitatea ez da batere gardena izan:

· Entseguan parte hartzea erabaki zuten bolondresek ez dituzte inoiz sinatu zerbitzua emateko baldintzak.

· Entseguan parte hartzea erabaki zuten emakume boluntarioek ez dute inoiz jakin zer ordainsari izango zuten txertaketa-lana egiteko.

· Hasieran esan zitzaien lan-baldintzak, zehazki ordutegia eta karteldegia, bat izango zirela, baina errealitatea guztiz desberdina izan da, eta ikusi dute nola txertatu behar izan duten hasieratik adostutakoak ez ziren ordutegietan.

· Txertaketan parte hartu duten langileek ez dute inolako ordainsaririk jaso emandako zerbitzuengatik.

ELA sindikatuak behin eta berriz salatu duenez, txertaketa-prozesua erabateko hondamendia izaten ari da, eta erabat modu opakuan kudeatzen ari da. Profesional horiek -Biocures-en txertatzen aritu diren Osakidetzako langileak- lehen aipatutako saiakuntzan parte hartu behar izan dute esplotzazio egoeran; eta hori, Eusko Jaurlaritzako Osasun Saila egiten ari den kudeaketa negargarriaren beste adibide bat baino ez da.